ബെംഗളൂരു: എമിറേറ്റ്സ് തങ്ങളുടെ A380 സർവീസുകൾ ബെംഗളൂരുവിൽ ആരംഭിച്ചു, ലോകത്തിലെ ഏറ്റവും വലിയ യാത്രാ വിമാനം വെള്ളിയാഴ്ച കെംപെഗൗഡ അന്താരാഷ്ട്ര വിമാനത്താവളത്തിലെ (KIA) പുതിയ റൺവേയിൽ 3.40 ന് ടച്ച്ഡൗൺ ചെയ്തു. സർവീസ് ആരംഭിക്കുന്നതിന്റെ സൂചന നൽകിയ ദുബായ്-ബെംഗളൂരു പ്രത്യേക വിമാനം ഇകെ 562 224 യാത്രക്കാരുമായിട്ടാണ് ലാൻഡ് ചെവയ്തത്. ഷെഡ്യൂൾ ചെയ്ത എ380 സർവീസുകൾ ഒക്ടോബർ 30ന് ആരംഭിക്കും.
ദുബായ് വഴി 130 ലധികം ലക്ഷ്യസ്ഥാനങ്ങളുമായി ബെംഗളൂരുവിനെ പ്രതിദിന സർവീസുകൾ ബന്ധിപ്പിക്കുമെന്ന് എമിറേറ്റ്സ് ചീഫ് കൊമേഴ്സ്യൽ ഓഫീസർ അദ്നാൻ കാസിം പറഞ്ഞു. കെഐഎയിലേക്കുള്ള എ 380 ന്റെ പ്രവേശനം ബെംഗളൂരുവിലെ യാത്രക്കാർക്ക് അനുയോജ്യമാണെന്ന് കെഐഎ പ്രവർത്തിപ്പിക്കുന്ന ബെംഗളൂരു ഇന്റർനാഷണൽ എയർപോർട്ട് ലിമിറ്റഡിന്റെ എംഡിയും സിഇഒയുമായ ഹരി മാരാർ പറഞ്ഞു.
മുംബൈയ്ക്ക് ശേഷം വിമാനം ഷെഡ്യൂളിൽ അവതരിപ്പിക്കുന്ന രണ്ടാമത്തെ ഇന്ത്യൻ നഗരമാണ് ബെംഗളൂരു. എമിറേറ്റ്സിന്റെ ഇന്ത്യയിലെ ആദ്യത്തെ എ380 സർവീസ് ആയ ദുബായ്-മുംബൈ റൂട്ടിൽ 2014-ലാണ് ആരംഭിച്ചത്. ഒക്ടോബർ 30 മുതൽ എമിറേറ്റ്സിന്റെ എ380 വിമാനങ്ങൾ ദുബായ്ക്കും ബെംഗളൂരുവിനുമിടയിൽ ഇകെ 568, ഇകെ 569 എന്നിങ്ങനെ ദിവസവും സർവീസ് നടത്തും. ദുബായിൽ നിന്ന് രാത്രി 9.25ന് (പ്രാദേശിക സമയം) പുറപ്പെടുന്ന വിമാനം അടുത്ത ദിവസം പുലർച്ചെ 2.30ന് ബെംഗളൂരുവിലെത്തും. ബെംഗളൂരുവിൽ നിന്നുള്ള മടക്ക വിമാനം കെഐഎയിൽ നിന്ന് പുലർച്ചെ 4.30ന് പുറപ്പെട്ട് 7.10ന് (പ്രാദേശിക സമയം) ദുബായിലെത്തും.
ദുബായ്-ബെംഗളൂരു റൂട്ടിൽ ഫസ്റ്റ്, ബിസിനസ്, ഇക്കണോമി ക്ലാസുകളിൽ എ380 വിമാനം പ്രവർത്തിപ്പിക്കാനാണ് എമിറേറ്റ്സ് ഒരുങ്ങുന്നത്. ഫസ്റ്റ് ക്ലാസ് സർവീസിൽ ഷവർ സ്പാ, ഓൺബോർഡ് ലോഞ്ച് ഉൾപ്പെടെയുള്ള സൗകര്യങ്ങൾ ഉണ്ടായിരിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
