Year: 2026

ബെംഗളൂരു : റോഡുകളിലും പൊതുസ്ഥലങ്ങളിലും ഉപേക്ഷിക്കപ്പെട്ട നിലയിൽ കാണപ്പെടുന്ന വാഹനങ്ങൾ നീക്കം ചെയ്യുന്നതിനായി ബംഗളൂരുവിൽ ആരംഭിച്ച പ്രത്യേക ദൗത്യം താത്കാലികമായി നിർത്തിവച്ചു. പിടിച്ചെടുക്കുന്ന വാഹനങ്ങൾ സൂക്ഷിക്കാൻ സുരക്ഷിതമായ പാർക്കിങ് സ്ഥലങ്ങളില്ലാത്തതാണ് സിവിക് അധികൃതരെ ഈ തീരുമാനത്തിലേക്ക് നയിച്ചത്. പൊതുസ്ഥലങ്ങൾ കയ്യടക്കുന്നത് തടയാനും ഗതാഗതക്കുരുക്ക് കുറയ്ക്കാനും ലക്ഷ്യമിട്ട് ഗ്രേറ്റർ ബംഗളൂരു അതോറിറ്റിയും (ജി.ബി.എ) നഗരത്തിലെ അഞ്ച് കോർപ്പറേഷനുകളും ചേർന്നാണ് ജൂലൈ 7 മുതൽ ഈ സംയുക്ത പരിശോധന ആരംഭിച്ചത്. മാസങ്ങളായി തെരുവുകളിലും കാൽനടപ്പാതകളിലും കിടക്കുന്ന ഇരുചക്രവാഹനങ്ങളും കാറുകളും കണ്ടെത്തി നോട്ടീസ് നൽകിയ ശേഷം ക്രെയിൻ ഉപയോഗിച്ച്…

ബെംഗളൂരു: സർക്കാറിന്റെ സൗജന്യ അന്നഭാഗ്യ പദ്ധതിയിൽ ഉൾപ്പെടുത്തി ദരിദ്ര വിഭാഗങ്ങൾക്ക് വിതരണം ചെയ്യേണ്ട അരി അനധികൃതമായി കടത്തുകയായിരുന്ന ലോറി പൊലീസും ഭക്ഷ്യ-പൊതുവിതരണ ഉദ്യോഗസ്ഥരും ചേർന്ന് പിടിച്ചെടുത്തു. കുംത നട മസ്കിരിയിലെ ശ്രീ ഗണേഷ് റൈസ് ഇൻഡസ്ട്രീസ് ഉടമ നാഗരാജ് നായികാണ് അരി കടത്തിന് പിന്നിലെന്ന് പൊലീസ് അറിയിച്ചു. ലോറി ഉടമ ഗിരീഷ് നായകിന്റെ നിർദ്ദേശപ്രകാരം ഡ്രൈവർ കെ. നരസിംഹ, കാസർകോട്ടെ ഷാജി ട്രേഡിംഗ് കമ്പനിയിലേക്ക് അരി കടത്താനാണ് ശ്രമിച്ചത്. ബ്രഹ്മാവർ ഫുഡ് ഇൻസ്പെക്ടർ വസന്ത് കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ, സബ് ഇൻസ്പെക്ടർ…

ബെംഗളൂരു: തമിഴ്‌നാടിന് കാവേരി വെള്ളം വിട്ടുനൽകണമെന്ന കാവേരി വാട്ടർ മാനേജ്‌മെന്റ് അതോറിറ്റിയുടെ (സിഡബ്ല്യുഎംഎ) ഉത്തരവിൽ പ്രതിഷേധിച്ച് ഓഗസ്റ്റ് 13-ന് പ്രൊ-കന്നഡ സംഘടനകൾ സംസ്ഥാനവ്യാപകമായി ‘കർണാടക ബന്ദ്’ ആഹ്വാനം ചെയ്തു. രാവിലെ 6 മുതൽ വൈകുന്നേരം 6 വരെയാണ് ബന്ദ്. ബന്ദിന് പിന്തുണ നൽകാനും സഹകരിക്കാനും വ്യാപാരികൾ, വിവിധ അസോസിയേഷനുകൾ, മറ്റ് സംഘടനകൾ എന്നിവരോട് മുൻ എംഎൽഎയും കന്നഡ സംഘടനകളുടെ ഫെഡറേഷൻ പ്രസിഡന്റുമായ വാട്ടാൾ നാഗരാജ് അഭ്യർത്ഥിച്ചു. കർണാടകയിൽ തന്നെ കടുത്ത ജലക്ഷാമം നേരിടുന്ന സാഹചര്യത്തിൽ തമിഴ്‌നാട്ടിലേക്ക് വെള്ളം തുറന്നുവിടുന്നത് സംസ്ഥാനത്തെ കർഷകരെ പ്രതികൂലമായി ബാധിക്കുമെന്ന്…

ബെംഗളൂരു: കാവേരി നദീജല തർക്കം രൂക്ഷമാകുന്നതിനിടെ ബെംഗളൂരുവിൽ തമിഴ്‌നാട് മുഖ്യമന്ത്രി വിജയിയുടെ ചിത്രം ‘ജനനായകൻ’ പ്രദർശിപ്പിച്ച തിയറ്റർ ഉപരോധിച്ച് പ്രതിഷേധം. വിജയ സേന സംഘടനയിലെ അംഗങ്ങൾ നടത്തിയ ശക്തമായ പ്രതിഷേധത്തെ തുടർന്ന് നഗരത്തിലെ ഗുരുശ്രീ തിയറ്ററിൽ സിനിമയുടെ പ്രദർശനം തടസ്സപ്പെട്ടു. സംഘടനയുടെ സംസ്ഥാന പ്രസിഡന്റ് ദീപക്കിന്റെ നേതൃത്വത്തിലായിരുന്നു ഉപരോധം. ചിത്രം പ്രദർശിപ്പിക്കുന്നതിനിടെ തിയറ്ററിന് മുന്നിലെത്തിയ പ്രതിഷേധക്കാർ മുദ്രാവാക്യം വിളികളോടെ കവാടം ഉപരോധിച്ചു. തുടർന്ന് തിയറ്റർ മാനേജ്‌മെന്റുമായി ചർച്ച നടത്തിയ പ്രതിഷേധക്കാർ, ചിത്രത്തിന്റെ പ്രദർശനം ഉടൻ നിർത്തണമെന്ന് ആവശ്യപ്പെടുകയും നിവേദനം നൽകുകയും ചെയ്തു. പ്രതിഷേധക്കാരുടെ എതിർപ്പ്…