Day: 8 January 2026

ബെംഗളുരു: ബെളഗാവിയില്‍ പഞ്ചസാര ഫാക്ടറിയിലെ ബോയിലര്‍ പൊട്ടിത്തെറിച്ച് 3 പേര്‍ മരിച്ചു. 5 പേര്‍ക്ക് ഗുരുതരമായി പൊ ള്ളലേറ്റതിനെ തുടര്‍ന്ന് ആശുപ ത്രിയില്‍ പ്രവേശിപ്പിച്ചു. ഹൊങ്കല്‍ മാരക്കുമ്പി ഇനാംദാര്‍ ഷുഗര്‍ ഫാക്ടറിയില്‍ ബോയിലറിന്റെ ഹീറ്റ് വാല്‍വ് നന്നാക്കുന്നതിനിടെയാണ് അപകടമുണ്ടായത്. ജീവനക്കാരായ അക്ഷയ് തോപ ഡെ, ദീപക് മുന്നോലി, സുദര്‍ശന്‍ ബാനോഷി എന്നിവരാണ് മരിച്ചത്. മുന്‍ മന്ത്രി ഡി.ബി. ഇനാംദാറുടെയും മുന്‍ രാജ്യസഭാ എംപി പ്രഭാ കര്‍ കോറെയുടെയും കുടുംബങ്ങളുടെ ഉടമസ്ഥതയിലാണു ഫാക്ടറി  

ബെംഗളുരു: കര്‍ണാടക- മഹാരാഷ്ട്ര നേതൃത്വത്തിലുള്ള ഉന്നതതല രാഷ്ട്ര അതിര്‍ത്തിത്തര്‍ക്കം സംബന്ധിച്ച കേസ് സുപ്രീം കോടതി 21ന് പരിഗണിക്കും. നിയമമന്ത്രി എച്ച്.പാട്ടീലിന്റെ നേതൃത്വത്തിലുളള ഉന്നതതല സംഘം കേസില്‍ നിയമോപദേശം തേടിയിട്ടുണ്ട്. പുറമേ കാര്‍വാര്‍, കലബുറഗി, ബീദര്‍ എന്നിവിടങ്ങളിലെ 12 താലുക്കുകളിലായി മറാഠ ഭൂരിപക്ഷമുളള 865 ഗ്രാമങ്ങള്‍ മഹാരാഷ്ട്രയ്‌ക്കൊപ്പം ചേര്‍ക്കണമെന്ന ആവശ്യം ഉന്നയിച്ചുളള ഹര്‍ജിയാണിത്. ബെളഗാവിയിലെ മറാഠ സംസാരിക്കുന്ന താലുക്കുകള്‍ മഹാരാഷ്ട്രയ്‌ക്കൊപ്പം ചേര്‍ക്കണമെന്ന ആവശ്യം ഉന്നയിച്ച് മഹാരാഷ്ട്ര ഏകീകരണ്‍ സമിതിയും ശിവസേന ഉദ്ധവ് താക്കറെ വിഭാഗവും സജീവമായി രംഗത്തുണ്ട്  

ബെംഗളുരു ഹുബ്ബള്ളിയില്‍ അറസ്റ്റിലായ ബിജെപി പ്രവര്‍ത്തകയെ അടിവസ്ത്രത്തില്‍ നിര്‍ത്തി വനിതാ പൊലീസ് മര്‍ദിച്ചെന്ന് ആരോപണം. അതേസമയം, യുവതിയാണു വനിതാ പൊലീസുകാരെ ആകമിച്ചതെന്നും അതിനു ശേഷം സ്വയം വസ്ത്രമഴിച്ചതാണെന്നും ഹുബ്ബള്ളി പൊലീസ് കമ്മിഷണര്‍ എന്‍. ശശികുമാര്‍ പറഞ്ഞു. അതിനിടെ, പൊലീസുകാര്‍ക്കെതിരെ കര്‍ശന നടപടി ആവശ്യപ്പെട്ട് ബിജെപിയും വനിതാ കമ്മിഷനും രംഗത്തുവന്നു. എസ്‌ഐആറിന്റെ പേരില്‍ നാട്ടുകാരും ബിജെപി പ്രവര്‍ത്തകരും തമ്മില്‍ സംഘര്‍ഷമുണ്ടായതിനെ തുടര്‍ന്നാണു പൊലീസ് എത്തിയതും ബിജെപി പ്രവര്‍ത്ത കയെ അറസ്റ്റ് ചെയ്തതും. ഇവരെ പിന്നീടു ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു.

ബെംഗളുരു ജനത്തിന്റെ അനു ഗ്രഹമുള്ളിടത്തോളം കാലം താന്‍ രാഷ്ട്രീയത്തില്‍ തുടരുമെന്ന് മുഖ്യമന്ത്രി സിദ്ധരാമയ്യ പറഞ്ഞു. കര്‍ണാടകയില്‍ കൂടുതല്‍ കാലം മുഖ്യമന്ത്രിയായെന്ന റെക്കോര്‍ഡില്‍ അനുമോദിക്കാന്‍ ഹാവേരിയില്‍ ഒരുക്കിയ ചടങ്ങിലാണ് ഇക്കാര്യം പറഞ്ഞ എത്രകാലം രാഷ്ട്രീയത്തിലു ണ്ടാകുമെന്ന് മുന്‍കൂട്ടി പറയാനാകില്ല. ജനം അനുഗ്രഹിക്കുന്നിടത്തോളം തുടരും. ജനക്ഷേമ പദ്ധതികളും അക്കമിട്ടുനിരത്തി. അതിനിടെ, സിദ്ധരാമയ്യയെ ദേവരാജ് അര്‍സുമായി താരതമ്യം ചെയ്യാനാവില്ലെന്നും അഴിമതിയുടെ കാലത്ത് അധികാരത്തില്‍ ദീര്‍ഘകാലമിരുന്നതിന്റെ പേരിലുള്ള നേട്ടത്തെ ജനം അംഗീകരിക്കില്ലെന്നും മുന്‍ മുഖ്യമന്തി യെഡിയൂരപ്പ വിമര്‍ശിച്ചു.