Month: August 2025

ബെംഗളൂരു: നിയമത്തിന് മുന്നിൽ എല്ലാവരും തുല്യരാണെന്ന് നടിയും രാഷ്ട്രീയക്കാരിയുമായ രമ്യ/ദിവ്യ സ്പന്ദന തന്റെ ഇൻസ്റ്റാഗ്രാം സ്റ്റോറിയിലൂടെ പറയുന്നു. രേണുകസ്വാമി കൊലക്കേസിൽ നടൻ ദർശന്റെ ജാമ്യം സുപ്രീം കോടതി റദ്ദാക്കിയതിനോട് പ്രതികരിച്ചുകൊണ്ടാണ് രമ്യ തന്റെ ഇൻസ്റ്റാഗ്രാം സ്റ്റോറിയിൽ ഇക്കാര്യം വ്യക്തമാക്കിയത്. നടന് ജാമ്യം അനുവദിച്ച കർണാടക ഹൈക്കോടതിയുടെ ഉത്തരവ് വ്യാഴാഴ്ച സുപ്രീം കോടതി റദ്ദാക്കുകയായിരുന്നു.

ബെംഗളൂരു : ഡൽഹിയിൽ തെരുവുനായകളെ സംരക്ഷണ കേന്ദ്രത്തിലേക്ക് മാറ്റണമെന്ന സുപ്രീംകോടതി ഉത്തരവിനെത്തുടർന്ന് ബെംഗളൂരുവിലും ഈ വിഷയത്തിൽ ചർച്ച ചൂടുപിടിച്ചു. കഴിഞ്ഞദിവസം രണ്ട് കോളേജ് വിദ്യാർഥികൾക്ക് തെരുവുനായ്ക്കളുടെ ആക്രമണത്തിൽ ഗുരുതരമായിപരിക്കേറ്റ സംഭവം കൂടിയായതോടെ സർക്കാരിനും ബിബിഎംപിക്കും മേൽ സമ്മർദമേറി. മൃഗസ്നേഹികളാണ് തെരുവുനായ്ക്കളെ നിയന്ത്രിക്കുന്നതിനുള്ള നടപടികൾക്ക് തടസ്സം നിൽക്കുന്നതെന്ന് നഗരഭരണവകുപ്പ് മന്ത്രി റഹീം ഖാൻ നിയമസഭാ കൗൺസിലിൽ ആരോപിച്ചു. സംസ്ഥാനത്ത് തെരുവുനായശല്യം രൂക്ഷമാണെന്ന് വ്യക്തമാക്കുന്ന കണക്കുകളും പുറത്തുവന്നു. കഴിഞ്ഞ ഒരാഴ്ചയിൽമാത്രം സംസ്ഥാനത്ത് 5,652 പേർക്ക് നായകളുടെ കടിയേറ്റുവെന്നാണ് റിപ്പോർട്ട്. ഈ വർഷം ജനുവരി മുതൽ ഓഗസ്റ്റ് വരെ…

ബെംഗളൂരു : സംസ്ഥാനത്ത് യുവാക്കളിൽ ഹൃദയാഘാതം മൂലമുള്ള മരണങ്ങൾ വർദ്ധിച്ചുവരികയാണ്. മണ്ഡ്യയിൽ ഒരു എഞ്ചിനീയറിംഗ് വിദ്യാർത്ഥി ഹൃദയാഘാതം മൂലം മരിച്ചു. മണ്ഡ്യ ജില്ലയിലെ കെആർ പേട്ട് താലൂക്കിലെ കരോട്ടി ഗ്രാമത്തിൽ നിന്നുള്ള 21 വയസ്സുള്ള നവീൻ ആണ് മരിച്ചത്. ബെംഗളൂരുവിലെ ഒരു കോളേജിൽ എഞ്ചിനീയറിംഗ് പഠിച്ചുകൊണ്ടിരുന്ന നവീൻ അവധിക്കാലത്ത് സ്വന്തം നാട്ടിലെത്തിയിരുന്നു. വീട്ടിലിരിക്കുമ്പോൾ നെഞ്ചുവേദനയെ തുടർന്ന് കുഴഞ്ഞുവീണ് മരിക്കുകയായിരുന്നു. മാതാപിതാക്കൾ ഉടൻ തന്നെ നവീനെ ആശുപത്രിയിലേക്ക് കൊണ്ടുപോയി. ആശുപത്രി ജീവനക്കാർ നവീനെ ചന്നരായപട്ടണത്തേക്ക് കൊണ്ടുപോകാൻ ആവശ്യപ്പെട്ടു, പക്ഷേ ചന്നരായപട്ടണത്തേക്ക് കൊണ്ടുപോകുന്ന വഴിയിൽ നവീൻ മരിച്ചു.