ബെംഗളൂരു : മഴ തുടരുന്നതിനാൽ ബുധനാഴ്ച ബെംഗളൂരുവിലെ സ്കൂളുകൾക്ക് അവധി പ്രഖ്യാപിച്ചു.
അതേസമയം കോളേജുകൾ പ്രവർത്തിക്കുമെന്ന് ബെംഗളൂരു അർബൻ ഡെപ്യൂട്ടി കമ്മിഷണർ ജി. ജഗദീശ ഇറക്കിയ ഉത്തരവിൽ വ്യക്തമാക്കി.
മഴകാരണം തിങ്കളാഴ്ചയും ബെംഗളൂരുവിൽ സ്കൂളുകൾക്ക് അവധിയായിരുന്നു.
തിങ്കളാഴ്ച രാവിലെയാണ് അവധിപ്രഖ്യാപിച്ചത് എന്നതിനാൽ വിവരമറിയാതെ ഒട്ടേറെകുട്ടികൾ സ്കൂളിൽ പോയി.
ചൊവ്വാഴ്ച സ്കൂളുകൾക്ക് അവധി അനുവദിച്ചിരുന്നില്ല. രണ്ടുദിവസംകൂടി ബെംഗളൂരുവിൽ മഴതുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ അറിയിപ്പ്.
