Day: 18 October 2026

ബെംഗളൂരു: ബെംഗളൂരുവിൽ നിന്ന് ചെന്നൈയിലേക്ക് രാസലായനി കയറ്റി പോവുകയായിരുന്ന ട്രക്കിന് ഞായറാഴ്ച (2026 ഒക്ടോബർ 18) നൈസ് റോഡിൽ തീപിടിച്ചതിനെത്തുടർന്ന് മണിക്കൂറുകളോളം ഗതാഗതം സ്തംഭിച്ചു. ഉച്ചയ്ക്ക് 12.30ഓടെയാണ് സംഭവം. അമിതവേഗതയെ തുടർന്ന് ഡ്രൈവർക്ക് വാഹനത്തിന്റെ നിയന്ത്രണം നഷ്ടപ്പെട്ടതായാണ് പ്രാഥമിക വിവരം. ഇതോടെ ട്രക്കിന്റെ ടാങ്ക് റോഡിലേക്ക് മറിഞ്ഞുവീഴുകയും മിനിറ്റുകൾക്കകം തീപിടിക്കുകയുമായിരുന്നു. അതിവേഗം പടർന്ന തീ ട്രക്കിനെ പൂർണമായും വിഴുങ്ങി. അത്യന്തം തീപിടിക്കാൻ സാധ്യതയുള്ള സൈലീൻ (Xylene) എന്ന രാസലായനിയാണ് ട്രക്കിൽ ഉണ്ടായിരുന്നത്. അപകടത്തിൽ ഡ്രൈവറും സഹായിയും നിസ്സാര പരിക്കുകളോടെ തലനാരിഴയ്ക്ക് രക്ഷപ്പെട്ടു. സംഭവത്തെത്തുടർന്ന് നൈസ്…

ബെംഗളൂരു: ബെംഗളൂരുവിലെ ചരിത്രപ്രസിദ്ധമായ റൂറിച്ച് എസ്റ്റേറ്റിൽ നടപ്പിലാക്കാൻ നിർദ്ദേശിച്ചിട്ടുള്ള ഇക്കോ ടൂറിസം പദ്ധതി പ്രദേശത്തെ ഭൂപ്രകൃതിയെ മാത്രമല്ല, വന്യജീവികളുടെ സ്വാഭാവിക സഞ്ചാരത്തെയും ഗുരുതരമായി ബാധിച്ചേക്കുമെന്ന് ആശങ്ക. പദ്ധതി നടപ്പിലാകുന്നതോടെ എസ്റ്റേറ്റിലേക്കുള്ള ആനകളുടെ പ്രവേശനം തടസ്സപ്പെടുകയും, കാലങ്ങളായി കാട്ടാനകൾ ഉപയോഗിച്ചുവരുന്ന ചരിത്രപരമായ ആനത്താര പൂർണ്ണമായും അടഞ്ഞുപോവുകയും ചെയ്യുമെന്നാണ് ചൂണ്ടിക്കാണിക്കപ്പെടുന്നത്. പരിസ്ഥിതി സംരക്ഷണവും വന്യജീവി സൗഹൃദ വിനോദസഞ്ചാരവും ലക്ഷ്യമിട്ട് വിഭാവനം ചെയ്യുന്ന ഒരു ഇക്കോ ടൂറിസം പദ്ധതി തന്നെ പ്രദേശത്തെ സ്വാഭാവിക വന്യജീവി സഞ്ചാരത്തെ തടസ്സപ്പെടുത്തുന്ന സാഹചര്യം വലിയ ചോദ്യചിഹ്നമാണ് ഉയർത്തുന്നത്. പ്രകൃതിയെയും വന്യജീവികളെയും നേരിട്ട് ബാധിക്കുന്ന…

ബെംഗളൂരു : ലോകപ്രശസ്തമായ മൈസൂർ ദസറ മഹോത്സവത്തിന്റെ ഏഴാം ദിനത്തിൽ നഗരത്തിലെ ചരിത്രപരമായ പൈതൃക കെട്ടിടങ്ങളെക്കുറിച്ചും അവയുടെ പ്രാധാന്യത്തെക്കുറിച്ചും ജനങ്ങളിൽ അവബോധം സൃഷ്ടിക്കുക എന്ന ലക്ഷ്യത്തോടെ പുരാവസ്തു വകുപ്പ് ദമ്പതികൾക്കായി പ്രത്യേക ടാംഗ (കുതിരവണ്ടി) റൈഡ് സംഘടിപ്പിച്ചു. മൈസൂർ ടൗൺ ഹാളിൽ നിന്നാരംഭിച്ച പൈതൃക റൈഡ് പ്രശസ്ത നടി അക്ഷത പാണ്ഡവപുര ഫ്ലാഗ് ഓഫ് ചെയ്തു. നഗരത്തിന്റെ സാംസ്കാരിക പാരമ്പര്യവും പ്രൗഢിയും വിളിച്ചോതുന്നതായിരുന്നു സംഘടിപ്പിക്കപ്പെട്ട ഈ വേറിട്ട പരിപാടി. രാജകീയ വസ്ത്രധാരണത്തിൽ തിളങ്ങി ദമ്പതികൾ കർണാടകയുടെ പരമ്പരാഗത വസ്ത്രങ്ങളണിഞ്ഞ് നാൽപ്പതിലധികം ദമ്പതികളാണ് പ്രത്യേകമായി അലങ്കരിച്ച…

ബെംഗളൂരു: ദാവൺഗെരെ, ഹാവേരി, ചിത്രദുർഗ്ഗ, വിജയനഗര എന്നീ ജില്ലകളിലൂടെ കടന്നുപോകുന്ന ദേശീയ-സംസ്ഥാന പാതകളിൽ അതിവേഗ വാഹനങ്ങളിടിച്ച് പുള്ളിപ്പുലികളും കരടികളും ഉൾപ്പെടെയുള്ള വന്യജീവികൾ അപകടത്തിൽപ്പെടുന്നതും കൊല്ലപ്പെടുന്നതും പതിവാകുന്നു. ഈ ജില്ലകളിലെ കുന്നിൻപ്രദേശങ്ങളിലൂടെയും കാടുകളിലൂടെയും കടന്നുപോകുന്ന പാതകളിലാണ് മൃഗങ്ങൾക്ക് ജീവൻ നഷ്ടപ്പെടുന്നത്. പകലിലെ രൂക്ഷമായ ഗതാഗതവും മനുഷ്യസാന്നിധ്യവും കാരണം അർദ്ധരാത്രിക്ക് ശേഷമാണ് വന്യമൃഗങ്ങൾ ആഹാരവും വെള്ളവും തേടി ജനവാസ മേഖലകളിലേക്കും കാടിന്റെ മറ്റ് ഭാഗങ്ങളിലേക്കും സഞ്ചരിക്കുന്നത്. ഈ സമയങ്ങളിൽ റോഡ് മുറിച്ചുകടക്കുന്ന മൃഗങ്ങളെ അമിതവേഗതയിലെത്തുന്ന വാഹനങ്ങൾ ഇടിച്ചുതെറിപ്പിക്കുകയാണ്. കഴി‍ഞ്ഞ ഒക്ടോബർ 13 ചൊവ്വാഴ്ച രാത്രി ചിത്രദുർഗ്ഗ താലൂക്കിലെ…

ബെംഗളൂരു: ദസറ ഉത്സവത്തോടനുബന്ധിച്ച് സംസ്ഥാനത്തുടനീളമുള്ള മധുരപലഹാര കടകളിലും നിർമ്മാണ യൂണിറ്റുകളിലും പരിശോധന കർശനമാക്കി ഭക്ഷ്യസുരക്ഷാ നിലവാര അതോറിറ്റി ഓഫ് ഇന്ത്യ (FSSAI). ശുചിത്വവും ഭക്ഷ്യ ഉൽപന്നങ്ങളുടെ ഗുണനിലവാരവും ഉറപ്പുവരുത്തുന്നതിന്റെ ഭാഗമായി ബെംഗളൂരു ഉൾപ്പെടെയുള്ള വിവിധ പ്രദേശങ്ങളിലെ 90 കേന്ദ്രങ്ങളിലാണ് ഉദ്യോഗസ്ഥർ ഒരേസമയം മിന്നൽ റെയ്ഡ് നടത്തിയത്. പരിശോധനയിൽ വിവിധതരത്തിലുള്ള മധുരപലഹാരങ്ങളുടെ 145 സാമ്പിളുകൾ എഫ്.എസ്.എസ്.എ.ഐ കൂടുതൽ പരിശോധനകൾക്കായി ശേഖരിച്ചു. പരിശോധനയിൽ ഭൂരിഭാഗം മധുരപലഹാര നിർമ്മാണ യൂണിറ്റുകളിലും ഗുരുതരമായ ചട്ടലംഘനങ്ങൾ നടക്കുന്നുണ്ടെന്ന് അധികൃതർ കണ്ടെത്തി. ഉൽപാദന കേന്ദ്രങ്ങൾ തീർത്തും അശുചിത്വമായ അന്തരീക്ഷത്തിലാണ് പ്രവർത്തിച്ചിരുന്നത്. ജീവനക്കാർക്ക് നിർബന്ധമായും…