Day: 5 August 2023

ബെംഗളൂരു: ബെൻസൻ ടൗണിന് സമീപം പട്ടാപ്പകൽ ആയുധം കാട്ടി ഭീഷണിപ്പെടുത്തി ഒരാളെ രണ്ട് അജ്ഞാതർ കൊള്ളയടിച്ചു. സംഭവം സമീപത്തുള്ള സിസിടിവി ക്യാമറയിൽ പതിഞ്ഞിരുന്നു. ബെംഗളൂരു ജെസി നഗർ പോലീസ് പ്രഥമ വിവര റിപ്പോർട്ട് (എഫ്‌ഐആർ) രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. കവർച്ചയുടെ സിസിടിവി ദൃശ്യങ്ങളിൽ ഹെൽമറ്റ് ധരിച്ച് ബൈക്കിലെത്തിയ രണ്ട് അജ്ഞാതർ സ്‌കൂട്ടറിനെ മറികടന്ന് റോഡിന് നടുവിൽ നിർത്തുകയും ബൈക്കിന്  പിന്നിൽ ഇരുന്ന യുവാവ് ഇറങ്ങി, സ്കൂട്ടിയിലുള്ള ആളുടെ അടുത്തേക്ക് പോയി, ഉടൻ തന്നെ, വെട്ടുകത്തിയാണെന്ന് തോന്നിക്കുന്ന ഒരു ആയുധം പുറത്തെടുക്കുന്നതും ദൃശ്യത്തിൽ വ്യക്തമാണ്.…

ബെംഗളൂരു: ദേശ്പാണ്ഡെ നഗറിന് സമീപം പൊതുവഴിയിൽ വെച്ച് ഭാര്യയെ മർദിച്ചതിന് ഭർത്താവിനെ നാട്ടുകാർ മർദ്ദിച്ചു. ഭർത്താവ് ഭാര്യയെ മുടിയിൽ പിടിച്ച് വലിച്ചിഴക്കുന്നതിന്റെയും നാട്ടുകാർ മർദ്ദിക്കുന്നതിന്റെയും മുഴുവൻ ദൃശ്യങ്ങളും ക്യാമറയിൽ പതിഞ്ഞിരുന്നു. ഹുബ്ബള്ളി ജില്ലയിലെ ദേശ്പാണ്ഡെ നഗറിലെ ഗന്ധർവ ഹള്ളിക്ക് സമീപം മദ്യപിച്ചിരുന്ന അജ്ഞാതൻ ഒരു സ്ത്രീയുടെ മുടിയിൽ പിടിച്ച് വലിച്ചിഴക്കുന്നതാണ് ആദ്യം ദൃശ്യമായത്. യുവതി സഹായം അഭ്യർത്ഥിച്ച് ബഹളം വെച്ചതിനെ തുടർന്ന് സമീപത്തുണ്ടായിരുന്നവർ എത്തി രക്ഷപ്പെടുത്തുകയായിരുന്നു. സ്ത്രീയെ രക്ഷിക്കുകയും ഭാര്യയെ മർദിച്ചതിന് ആളുകൾ പുരുഷനെ മർദ്ദിക്കുകയും ചെയ്തു.