ബെംഗളൂരു: സിൽക്ക് ബോർഡ് ഭാഗത്തു നിന്ന് ഇലക്ട്രോണിക് സിറ്റി ഭാഗത്തേക്ക് ഫ്ലൈ ഓവറിലൂടെ പോകുകയായിരുന്ന മാരുതി ബെലേനോ കാർ ഫ്ലൈ ഓവറിലെ വാഹനങ്ങൾ പാർക്ക് ചെയ്യുന്ന ബേയുടെ സമീപത്തായി അപകടത്തിൽ പെട്ടു.
നിയന്ത്രണം വിട്ട കാർ ഫ്ലൈ ഓവറിലൂടെ പോകുകയായിരുന്ന ഒരു ബൈക്ക് ഇടിച്ചു തെറിപ്പിച്ച ശേഷം സംരക്ഷണ ഭിത്തിയിൽ ഇടിച്ചു നിൽക്കുകയായിരുന്നു.
ഇടിയുടെ ആഘാതത്തിൽ ഒരു സ്ത്രീയടക്കം ബൈക്ക് യാത്രക്കാരായ രണ്ടു പേർ ഫ്ലൈ ഓവേറിന് മുകളിൽ നിന്നും താഴെ സിംഗസാന്ദ്ര സർവീസ് റോഡിലേക്ക് വീണ് മരിച്ചു.
കാർ യാത്രക്കാരെ ഗുരുതരമായ പരിക്കുകളോടെ ആശുപത്രിയിൽ പ്രവേശിപ്പിച്ചു.
മരിച്ചവരിൽ തമിഴ്നാട് സ്വദേശിയായ സ്റ്റീവൻ എന്ന വ്യെക്തിയെ തിരിച്ചറിഞ്ഞിട്ടുണ്ട്.
