Category: LATEST NEWS

ബെംഗളൂരു:ഐ.ടി നഗരത്തിലെ രൂക്ഷമായ ഗതാഗതക്കുരുക്കിന് പരിഹാരമായി തടാകങ്ങൾക്കും രാജകാലുവകൾക്കും (മഴവെള്ളക്കാനകൾ) മുകളിലൂടെയും അവയുടെ ബഫർ സോണുകളിലൂടെയും റോഡുകൾ നിർമിക്കാൻ വിപുലമായ പദ്ധതിയുമായി അധികൃതർ. ഗ്രേറ്റർ ബംഗളൂരു അതോറിറ്റിയും (ജി.ബി.എ) ബംഗളൂരു വികസന അതോറിറ്റിയും (ബി.ഡി.എ) സംയുക്തമായി തയാറാക്കിയ പുതിയ ഗതാഗത പദ്ധതിയാണ് നഗരത്തിന്റെ പാരിസ്ഥിതിക സന്തുലിതാവസ്ഥയെ ബാധിക്കുമെന്ന ആശങ്കയ്ക്ക് വഴിവെച്ചിരിക്കുന്നത്. തടാകങ്ങളുടെ സംഭരണശേഷിയെയും നഗരത്തിലെ സ്വാഭാവിക ജലനിർഗമന സംവിധാനങ്ങളെയും ഈ നീക്കം പ്രതികൂലമായി ബാധിക്കുമെന്ന് പരിസ്ഥിതി പ്രവർത്തകരും നാട്ടുകാരും ചൂണ്ടിക്കാണിക്കുന്നു. പച്ചപ്പുനിറഞ്ഞ പ്രദേശങ്ങളിലേക്ക് റോഡുകൾ; കണ്ണുവെച്ച് റിയൽ എസ്റ്റേറ്റ് മേഖല ഒൻപത് മുതൽ 24…

ബെംഗളൂരു: ബെംഗളൂരുവിലെ ഐടി കമ്പനികളിൽ തദ്ദേശീയർക്ക് അർഹമായ അവസരങ്ങൾ ലഭിക്കുന്നില്ലെന്ന് കാണിച്ച് യുവതിയുടെ വീഡിയോ സമൂഹമാധ്യമങ്ങളിൽ വൈറലാകുന്നു. ഐടി കമ്പനികൾ തെലുങ്ക്, തമിഴ് സംസാരിക്കുന്ന ഉദ്യോഗാർത്ഥികൾക്ക് കൂടുതൽ മുൻഗണന നൽകുന്നുവെന്നും, റെസ്യൂമെയിൽ കന്നഡ ഭാഷ ഉൾപ്പെടുത്തിയിട്ടുണ്ടെങ്കിൽ കമ്പനികൾ അവരെ ഒഴിവാക്കുകയാണെന്നും യുവതി വീഡിയോയിൽ ആരോപിക്കുന്നു. ബെംഗളൂരുവിലെ കോളേജുകൾ നിലവിൽ കൃത്യമായ കാമ്പസ് അഭിമുഖങ്ങൾ നടത്തുന്നില്ലെന്നും, മറ്റ് സംസ്ഥാനങ്ങളിൽ നിന്ന് കുറഞ്ഞ ശമ്പളത്തിന് ആളുകളെ കൊണ്ടുവരുന്നത് മൂലം തദ്ദേശീയരായ ഉദ്യോഗാർത്ഥികൾക്ക് അവസരങ്ങൾ നഷ്ടപ്പെടുന്നുവെന്നും അവർ കൂട്ടിച്ചേർത്തു. ഈ ഗുരുതരമായ തൊഴിൽ പ്രശ്നത്തിൽ അടിയന്തരമായി ഇടപെട്ട് പരിഹാരം…

ബെംഗളൂരു: വടക്കൻ ബെംഗളൂരുവിലെ ജെ.സി നഗറിന് സമീപമുള്ള രാജാക്കാൽവൈയിൽ (മഴവെള്ള ഓട) അജ്ഞാത പുരുഷന്റെ മൃതദേഹം ജീർണ്ണിച്ച നിലയിൽ കണ്ടെത്തി. വെള്ളിയാഴ്ച രാവിലെ 11 മണിയോടെയാണ് മാലിന്യങ്ങൾക്കും ചെളിക്കുമിടയിൽ മൃതദേഹം ഒഴുകിനടക്കുന്നതായി നാട്ടുകാരുടെ ശ്രദ്ധയിൽപ്പെട്ടത്. തലയ്ക്ക് ഗുരുതരമായി പരിക്കേറ്റ നിലയിലാണ് മൃതദേഹം കാണപ്പെട്ടത്. അടിവസ്ത്രം മാത്രമാണ് ശരീരത്തിലുണ്ടായിരുന്നത്. ആളെ തിരിച്ചറിയാൻ സാധിച്ചിട്ടില്ല. സംഭവസ്ഥലത്തെത്തിയ ജെ.സി നഗർ പോലീസ് മൃതദേഹം പുറത്തെടുത്ത് പോസ്റ്റ്‌മോർട്ടത്തിനും ഫോറൻസിക് പരിശോധനകൾക്കുമായി ആശുപത്രിയിലേക്ക് മാറ്റി. സംഭവത്തിൽ കേസെടുത്ത് സമഗ്രമായ അന്വേഷണം ആരംഭിച്ചതായി പോലീസ് ഉദ്യോഗസ്ഥർ അറിയിച്ചു.

ബെംഗളൂരു: ബെംഗളൂരുവിലെ ഹെബ്ബാൽ ജംഗ്ഷനിൽ 2.3 കിലോമീറ്റർ നീളമുള്ള മിനി-അണ്ടർപാസ് നിർമ്മിക്കുന്നതിനായി 1,128 മരങ്ങൾ വെട്ടിമാറ്റാനുള്ള ബെംഗളൂരു ഡെവലപ്‌മെന്റ് അതോറിറ്റിയുടെ (BDA) നിർദ്ദേശത്തിനെതിരെ വ്യാപക പ്രതിഷേധം. പദ്ധതിക്കായി മരങ്ങൾ മുറിക്കുന്നതിനെതിരെ പൗരന്മാരിൽ നിന്നും പരിസ്ഥിതി പ്രവർത്തകരിൽ നിന്നും ഏകദേശം 1,600-ഓളം എതിർപ്പുകളാണ് ലഭിച്ചിട്ടുള്ളത്. തുടർന്ന് വിഷയം പരിശോധിക്കുന്നതിനായി നിയോഗിച്ച മര വിദഗ്ദ്ധ സമിതി സ്ഥലം സന്ദർശനം നടത്തി, എത്ര മരങ്ങൾ സംരക്ഷിക്കാനോ മാറ്റിസ്ഥാപിക്കാനോ മുറിച്ചുമാറ്റാനോ സാധിക്കുമെന്നത് സംബന്ധിച്ച് അന്തിമ തീരുമാനം കൈക്കൊള്ളും. ആസൂത്രണവും ഭൂമി വിഹിതവും മൂന്ന് വരി പാതകളുള്ള ഈ ഇരുവശങ്ങളിലേക്കും സഞ്ചരിക്കാവുന്ന…

ബെംഗളൂരു: തുമക്കൂരുവിൽ തെങ്ങിന്മേൽ കയറിയ പുള്ളിപ്പുലി വനംവകുപ്പ് ഉദ്യോഗസ്ഥരുടെ മുന്നിൽനിന്ന് രക്ഷപ്പെട്ടു. തുമക്കൂരു താലൂക്കിലെ തിമ്മസന്ദ്ര ഗ്രാമത്തിന് സമീപമാണ് സംഭവം. വ്യാഴാഴ്ച രാവിലെയാണ് സംഭവം നടന്നത്. ഒരു വീടിന് സമീപത്തുനിന്ന് കോഴിയെ പിടിച്ചെടുത്ത പുള്ളിപ്പുലി, നായ്ക്കൾ കുരച്ചതിനെത്തുടർന്ന് സമീപത്തെ തെങ്ങിൽ കയറുകയായിരുന്നു. ഉടൻതന്നെ നാട്ടുകാർ വനംവകുപ്പ് ഉദ്യോഗസ്ഥരെ വിവരമറിയിച്ചു. തുടർന്ന് സ്ഥലത്തെത്തിയ ഉദ്യോഗസ്ഥർ പുലിയെ പിടികൂടാൻ ശ്രമിച്ചെങ്കിലും, ഇവരുടെ കൺമുന്നിൽവെച്ച് പുലി തെങ്ങിൽനിന്ന് താഴെയിറങ്ങി രക്ഷപ്പെടുകയായിരുന്നു. പ്രദേശം തുമക്കൂരു സർവകലാശാലയുടെ ജ്ഞാനഗിരി കാമ്പസിന് സമീപത്തായതിനാൽ വിദ്യാർത്ഥികളിലും വലിയ ആശങ്കയാണ് നിലനിൽക്കുന്നത്. ജനങ്ങളുടെ പ്രതിഷേധവും ആശങ്കയും…

ബെംഗളൂരു: ബെംഗളൂരു റൂറൽ ജില്ലയിൽ റിച്ചർ സ്കെയിലിൽ 3.0 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. വെള്ളിയാഴ്ച രാവിലെ 9.01 നാണ് ഭൂചലനമുണ്ടായതെന്ന് കർണാടക സംസ്ഥാന ദുരന്ത നിവാരണ മോണിറ്ററിംഗ് സെന്റർ (KSNDMC) അറിയിച്ചു. ഭൂകമ്പത്തിന്റെ പ്രഭവകേന്ദ്രം ഭൂമിക്കടിയിൽ 10 കിലോമീറ്റർ ആഴത്തിലായിരുന്നു. ദൊഡ്ഡബല്ലാപുര താലൂക്കിലെ തിമ്മോജനഹള്ളി ഗ്രാമത്തിന് 0.5 കിലോമീറ്റർ വടക്കുമാറിയാണ് ഭൂചലനത്തിന്റെ പ്രഭവകേന്ദ്രം (Epicentre) സ്ഥിതി ചെയ്യുന്നത്. നാരഗനഹള്ളി ഗ്രാമത്തിന് 0.6 കിലോമീറ്റർ തെക്കുകിഴക്കായും, തുബഗെരെ ഗ്രാം പഞ്ചായത്തിന് 1.1 കിലോമീറ്റർ തെക്കുകിഴക്കായും, കർണാല ഗ്രാം പഞ്ചായത്തിന് 1.35 കിലോമീറ്റർ വടക്കുപടിഞ്ഞാറായുമാണ് ഈ…

ബെംഗളൂരു : മിഡിൽ ഈസ്റ്റിൽ വർദ്ധിച്ചുവരുന്ന സുരക്ഷാ പ്രശ്നങ്ങളും സംഘർഷഭരിതമായ സാഹചര്യവും കാരണം വിമാന സർവീസുകൾ റദ്ദാക്കിയതോടെ സൗദി അറേബ്യയിൽ കടുത്ത ദുരിതത്തിലായ ഇന്ത്യൻ ഉംറ തീർത്ഥാടകരെ സുരക്ഷിതമായി നാട്ടിലെത്തിക്കാൻ കേന്ദ്ര സർക്കാരിന്റെ അടിയന്തര ഇടപെടൽ. കർണാടകയിൽ നിന്നുള്ള 600-ലധികം ആളുകൾ ഉൾപ്പെടെ ഏകദേശം 4,000 ഇന്ത്യൻ തീർത്ഥാടകരാണ് വിമാന സർവീസുകൾ തടസ്സപ്പെട്ടതിനെത്തുടർന്ന് കഴിഞ്ഞ രണ്ടോ മൂന്നോ ആഴ്ചകളായി സൗദി അറേബ്യയിലെ വിവിധ നഗരങ്ങളിൽ കുടുങ്ങിക്കിടക്കുന്നത്. സൗദിയിലെ മക്കയിലും മദീനയിലും കുടുങ്ങിക്കിടക്കുന്ന കർണാടക സ്വദേശികളായ തീർത്ഥാടകരെ വേഗത്തിൽ സ്വന്തം നാട്ടിലേക്ക് എത്തിക്കാൻ അടിയന്തരമായി ഇടപെടണമെന്ന്…

ബെംഗളൂരു: സൗദി അറേബ്യയിലെ മക്കയിൽ വിമാന സർവീസുകൾ റദ്ദാക്കപ്പെട്ടതിനെ തുടർന്ന് നാട്ടിലേക്ക് മടങ്ങാനാകാതെ കുടുങ്ങിക്കിടക്കുന്ന നാലായിരത്തോളം കന്നഡിഗരെ സഹായിക്കണമെന്ന ആവശ്യവുമായി വീഡിയോ സന്ദേശം പുറത്ത്. കർണാടകയിൽ നിന്നുള്ള തീർത്ഥാടകരാണ് യാത്രാസൗകര്യമില്ലാതെ മക്കയിൽ ബുദ്ധിമുട്ടിലായത്. ചിക്കമഗളൂരുവിൽ നിന്നുള്ള ഒരു ഉദ്യോഗസ്ഥനാണ് തീർത്ഥാടകരുടെ ദുരിതം പുറംലോകത്തെ അറിയിച്ചുകൊണ്ട് വീഡിയോ പങ്കുവെച്ചത്. വിഷയം ഗൗരവത്തിലെടുത്ത് മുഖ്യമന്ത്രി ഡി.കെ. ശിവകുമാർ ഉടൻ ഇടപെടണമെന്നും കുടുങ്ങിക്കിടക്കുന്നവരെ നാട്ടിലെത്തിക്കാൻ പ്രത്യേക വിമാന സർവീസുകൾ ക്രമീകരിക്കണമെന്നും അദ്ദേഹം വീഡിയോയിലൂടെ അഭ്യർത്ഥിച്ചു. വിദേശത്ത് ദുരിതത്തിലായ കന്നഡിഗരെ സുരക്ഷിതമായി സ്വന്തം നാട്ടിൽ തിരിച്ചെത്തിക്കാൻ കേന്ദ്ര-സംസ്ഥാന സർക്കാരുകൾ അടിയന്തര…