ബെംഗളൂരു: പൊലീസ് ഉദ്യോഗസ്ഥർ ഗുണ്ടാനേതാക്കളുമായി
അതിരുവിട്ട വ്യക്തിബന്ധം പുലർത്തരുതെന്നു സിറ്റി പൊലീസ് കമ്മിഷണർ ഭാസ്കർ റാവു.
അധോലോക കുറ്റവാളി രവി പൂജാരിക്ക് അന്വേഷണം സംബന്ധിച്ച വിവരങ്ങൾ
പൊലീസ് സെൻട്രൽ കംബ്രാഞ്ച് സംഘത്തിലെ ഉദ്യോഗസ്ഥൻ ചോർത്തിയെന്ന വെളിപ്പെടുത്തലിനെ തുടർന്നാണിത്.
സെനഗൽ ഇന്ത്യയ്ക്കു കൈമാറിയ രവി പൂജാരിയെ ചോദ്യം ചെയ്യുന്നതിനിടെ, തനിക്കെതിരെയുള്ള കേസുകളിലെ
അന്വേഷണ പുരോഗതി പൊലീസിനു
ള്ളിൽ നിന്നു തന്നെ കൃത്യമായി ചോർ
ന്നിരുന്നതായി രവിപൂജാരി പറഞ്ഞിരു
ന്നു. ഇത്തരം അന്വേഷണങ്ങളെ അട്ടിമറിക്കാൻ കൂട്ടു നിന്ന്രാജ്യത്തിനും സർക്കാരിനും എതിരെ പ്രവർത്തിക്കുന്ന പൊലീസ് ഉദ്യോഗസ്ഥർക്കെതിരെ അച്ചടക്ക നടപടിയുണ്ടാകും. ക്രിമിനലുകളുമായി അതിരുവിട്ട ബന്ധം പുലർത്തുന്നവരെ കണ്ടെത്താൻ പ്രത്യേക ശ്രമമുണ്ടാകുമെന്നും കമ്മിഷണർ പറഞ്ഞു.
