ബെംഗളൂരു:കുല്ദിഗിയില് നിന്നുള്ള ബിജെപി എംഎല്എ എന്.വൈ ഗോപാലകൃഷ്ണ സ്ഥാനം രാജിവെച്ച് വീണ്ടും കോണ്ഗ്രസിലേക്ക്. മെയ് പത്തിന് കര്ണാടക സംസ്ഥാന തെരഞ്ഞെടുപ്പ് നടക്കാനിരിക്കെയാണ് രാജി. വെള്ളിയാഴ്ചയാണ് സ്പീക്കര് വിശ്വേശ്വര് ഹെഗ്ഡേ കാഗേരിയെ കണ്ട് ഇദ്ദേഹം രാജി സമര്പ്പിച്ചത്. ഗോപാലകൃഷ്ണ കോണ്ഗ്രസില് ചേരുമെന്നാണ് വിവരം. കോണ്ഗ്രസ് നേതാക്കളായ ഡി.കെ ശിവകുമാറിനെയും സിദ്ധരാമയ്യയെയും ഇദ്ദേഹം കണ്ടതായും ചര്ച്ച നടത്തിയതായും റിപ്പോര്ട്ടുണ്ട്.
നേരത്തെ കോണ്ഗ്രസ് അംഗമായിരുന്ന ഗോപാലകൃഷ്ണ 1997, 1999, 2004, 2008 എന്നീ കാലയളവില് ചിത്രദുര്ഗ ജില്ലയിലെ മൊളകാല്മുരുവില് നിന്നുള്ള എംഎല്എയായിരുന്നു. 2018ല് സ്ഥാനാര്ത്ഥി പട്ടികയില് ഇടം ലഭിക്കാത്തതിനെ തുടര്ന്ന് തെരഞ്ഞെടുപ്പിന് തൊട്ട്മുമ്പ് ബിജെപിയില് ചേരുകയായിരുന്നു. തുടര്ന്ന് മൊളകാല്മുരുവിന് പകരം അദ്ദേഹത്തിന് വിജയനഗര ജില്ലയിലെ കുല്ദിഗി മണ്ഡലം ലഭിച്ചു. മുതിര്ന്ന നേതാവായ ശ്രീരാമുലുവാണ് മൊളകാല്മുരുവില് മത്സരിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
