Year: 2026

ബെംഗളൂരു: നഗരത്തിലെ ചില പ്രദേശങ്ങളിൽ കാവേരി കുടിവെള്ളത്തിൽ മലിനജലം കലരുന്നത് വ്യാപക പരാതിക്കിടയാക്കിയ പശ്ചാത്തലത്തിൽ, പ്രശ്‌നപരിഹാരത്തിനായി നൂതന സാങ്കേതികവിദ്യ പരീക്ഷണാടിസ്ഥാനത്തിൽ നടപ്പിലാക്കാൻ ബെംഗളൂരു ജലസേചന-മലിനജല ബോർഡ് (ബി.ഡബ്ല്യു.എസ്.എസ്.ബി) തീരുമാനിച്ചു. കൃത്രിമ ബുദ്ധിയും (എ.ഐ) റോബോട്ടിക്സും ഉപയോഗിച്ച് കുടിവെള്ള പൈപ്പ്‌ലൈനുകളിലെ ചോർച്ചയും കേടുപാടുകളും മലിനീകരണവും തുടക്കത്തിൽ തന്നെ കണ്ടെത്തുന്ന പൈലറ്റ് പദ്ധതിക്കാണ് ബോർഡ് തുടക്കമിടുന്നത്. കത്രിഗുപ്പെ, യെലഹങ്ക തുടങ്ങിയ പ്രദേശങ്ങളിൽ കാവേരി കുടിവെള്ള പൈപ്പ് ലൈനിലേക്ക് ഡ്രെയിനേജ് വെള്ളം കലരുന്നത് മൂലം ജനങ്ങൾ കടുത്ത ദുരിതത്തിലായിരുന്നു. ഇത് പരിഹരിക്കുന്നതിന്റെ ഭാഗമായി തെക്കൻ ബെംഗളൂരുവിൽ 18 മാസം…

ബെംഗളൂരു: നഗരത്തെ മാലിന്യമുക്തമാക്കുക എന്ന ലക്ഷ്യത്തോടെ സംഘടിപ്പിക്കുന്ന ‘ഫ്രീഡം ഫ്രം വേസ്റ്റ്’ (Freedom from Waste) പ്രചാരണ പരിപാടി ഓഗസ്റ്റ് 1 മുതൽ ആരംഭിക്കും. വൻതോതിലുള്ള ഈ ശുചീകരണ ദൗത്യത്തിനായുള്ള തയ്യാറെടുപ്പുകൾ പൂർത്തിയായതായും വിവിധ വകുപ്പുകൾക്കും സിവിക് ഏജൻസികൾക്കും വ്യക്തമായ ചുമതലകൾ വിഭജിച്ചു നൽകിയതായും അധികൃതർ അറിയിച്ചു. അഞ്ച് സിറ്റി കോർപ്പറേഷനുകളിലെ ഉദ്യോഗസ്ഥരും ആരോഗ്യവകുപ്പും സംയുക്തമായി പദ്ധതിക്ക് നേതൃത്വം നൽകും. തങ്ങളുടെ പരിധിയിലുള്ള സ്ഥലങ്ങളിലെയും സ്ഥാപനങ്ങളിലെയും മാലിന്യങ്ങൾ നീക്കം ചെയ്യാൻ ബെസ്കോം (Bescom), കെ-റൈഡ് (K-RIDE), നമ്മ മെട്രോ (BMRCL), കെ.ഐ.എ.ഡി.ബി (KIADB) തുടങ്ങിയ…

ബെംഗളൂരു: ഇന്ത്യയിലെ സ്വകാര്യ ബഹിരാകാശ സാങ്കേതിക മേഖലയിൽ (SpaceTech) വൻ കുതിച്ചുചാട്ടം. ഗ്ലോബൽ മാർക്കറ്റ് ഇന്റലിജൻസ് പ്ലാറ്റ്‌ഫോമായ ട്രാക്‌സൺ (Tracxn) പുറത്തുവിട്ട പുതിയ റിപ്പോർട്ട് പ്രകാരം 2026 ജൂലൈ വരെയുള്ള കണക്കുകളനുസരിച്ച് രാജ്യത്തെ സ്പേസ് ടെക് മേഖല 87.1 കോടി ഡോളറിന്റെ (ഏകദേശം 871 മില്യൺ ഡോളർ) നിക്ഷേപം ആകര്‍ഷിച്ചു. 285 കമ്പനികളിലായി നടന്ന 241 നിക്ഷേപ ഘട്ടങ്ങളിലൂടെയാണ് (Investment rounds) ഈ തുക സമാഹരിച്ചത്. രാജ്യത്തെ ആകെ നിക്ഷേപത്തിന്റെ 57 ശതമാനവും സ്വന്തമാക്കി ബെംഗളൂരു ഇന്ത്യയുടെ സ്പേസ് ടെക് തലസ്ഥാനമായി മാറിയെന്ന് റിപ്പോർട്ട്…

ബെംഗളൂരു: ബെംഗളൂരു മെട്രോ യെല്ലോ ലൈൻ പ്രവർത്തനക്ഷമമായി ഒരു വർഷത്തോടടുക്കവെ, പാതയിലേക്കുള്ള പതിനഞ്ചാമത്തെയും അവസാനത്തെയും മെട്രോ ട്രെയിൻ സെറ്റ് (റേക്ക്) ബാംഗ്ലൂർ മെട്രോ റെയിൽ കോർപ്പറേഷൻ ലിമിറ്റഡിന് (BMRCL) ലഭിച്ചു. കൊൽക്കത്തയ്ക്ക് സമീപമുള്ള തിതാഗഡ് റെയിൽ സിസ്റ്റംസ് ലിമിറ്റഡ് (TRSL) നിർമ്മിച്ച ആറ് കോച്ചുകളുള്ള ട്രെയിൻ തിങ്കളാഴ്ചയാണ് ഹെബ്ബഗോഡി മെട്രോ ഡിപ്പോയിൽ എത്തിച്ചത്. വാഹനം വിജയകരമായി ഡിപ്പോയിൽ ഇറക്കിയതായും യാത്രക്കാർക്കായി സർവീസ് ആരംഭിക്കുന്നതിന് മുന്നോടിയായുള്ള വിവിധ ഘട്ട പരിശോധനകൾ ആരംഭിച്ചതായും ഉദ്യോഗസ്ഥർ അറിയിച്ചു. സർവീസിന് മുന്നോടിയായി കപ്ലറുകളും ഗാങ്‌വേകളും ഘടിപ്പിക്കുന്ന ജോലികളാണ് ആദ്യം നടക്കുക.…

ബെംഗളൂരു: നഗരത്തിൽ രാത്രി ടാക്സി കാത്തുനിന്ന യുവതിക്ക് നേരെ ലൈംഗികാതിക്രമവും അധിക്ഷേപവും. ഞായറാഴ്ച രാത്രി രാമമൂർത്തി നഗറിലാണ് സംഭവം നടന്നത്. സ്കൂട്ടറിലെത്തിയ ആൾ ‘നിന്റെ റേറ്റെത്രയാടി?’ എന്ന് ചോദിച്ച് അധിക്ഷേപിക്കുകയായിരുന്നുവെന്ന് യുവതി പരാതിപ്പെട്ടു. സംഭവത്തിന്റെ ദൃശ്യങ്ങൾ യുവതി മൊബൈൽ ഫോണിൽ പകർത്തി സോഷ്യൽ മീഡിയയിലൂടെ പുറത്തുവിട്ടതോടെയാണ് വിവരം പുറംലോകമറിയുന്നത്. സംഭവം ക്യാമറയിൽ പകരുന്നത് ശ്രദ്ധയിൽപ്പെട്ടതോടെ പ്രതി യുവതിക്ക് നേരെ തെറിവിളിക്കുകയും സ്കൂട്ടറിൽ വേഗത്തിൽ ഓടിച്ചുപോവുകയുമായിരുന്നു. ഹോരമാവ് സ്വദേശിയും ഫ്രൂട്ട് വ്യാപാരിയുമായ വിജയ് രാഘവ് (42) ആണ് സംഭവത്തിൽ പിടിയിലായത്. ടാക്സിക്കായി കാത്തുനിൽക്കുമ്പോഴാണ് സ്കൂട്ടറിലെത്തിയയാൾ അനാവശ്യ…

ബെംഗളൂരു: സർക്കാറിന്റെ സൗജന്യ അന്നഭാഗ്യ പദ്ധതിയിൽ ഉൾപ്പെടുത്തി ദരിദ്ര വിഭാഗങ്ങൾക്ക് വിതരണം ചെയ്യേണ്ട അരി അനധികൃതമായി കടത്തുകയായിരുന്ന ലോറി പൊലീസും ഭക്ഷ്യ-പൊതുവിതരണ ഉദ്യോഗസ്ഥരും ചേർന്ന് പിടിച്ചെടുത്തു. കുംത നട മസ്കിരിയിലെ ശ്രീ ഗണേഷ് റൈസ് ഇൻഡസ്ട്രീസ് ഉടമ നാഗരാജ് നായികാണ് അരി കടത്തിന് പിന്നിലെന്ന് പൊലീസ് അറിയിച്ചു. ലോറി ഉടമ ഗിരീഷ് നായകിന്റെ നിർദ്ദേശപ്രകാരം ഡ്രൈവർ കെ. നരസിംഹ, കാസർകോട്ടെ ഷാജി ട്രേഡിംഗ് കമ്പനിയിലേക്ക് അരി കടത്താനാണ് ശ്രമിച്ചത്. ബ്രഹ്മാവർ ഫുഡ് ഇൻസ്പെക്ടർ വസന്ത് കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ, സബ് ഇൻസ്പെക്ടർ…

ബെംഗളൂരു നഗരത്തിൽ കാൽനടയാത്രക്കാരുടെ സുരക്ഷ ഉറപ്പാക്കുന്നതിനായി നടപ്പിലാക്കുന്ന “സേഫ് ഫുട്പാത്ത്” (Safe Footpath) പ്രചാരണം കൂടുതൽ ശക്തമാക്കാൻ അധികൃതർ തീരുമാനിച്ചു. ഇതിന്റെ ഭാഗമായി നടപ്പാതകൾ പൂർണ്ണമായി കൈയേറി നിർമ്മിച്ചിട്ടുള്ള നന്ദിനി മിൽക്ക് ബൂത്തുകൾ, ഹോപ്കോംസ് (Hopcoms) പച്ചക്കറി ഔട്ട്ലെറ്റുകൾ, വൈദ്യുതി ട്രാൻസ്ഫോർമറുകൾ തുടങ്ങിയ സർക്കാർ സംബന്ധിയായ നിർമ്മിതികൾ ഉൾപ്പെടെ മാറ്റാൻ നടപടികൾ ആരംഭിച്ചു. ഗ്രേറ്റർ ബെംഗളൂരു അതോറിറ്റിയുടെ (GBA) നേതൃത്വത്തിൽ നടപ്പാതകൾ വീണ്ടെടുക്കുന്നതിനുള്ള നടപടിയുടെ ഭാഗമായാണ് പരിശോധനകൾ നടക്കുന്നത്. കാൽനടയാത്രക്കാർക്ക് തീരെ സ്ഥലമില്ലാത്ത രീതിയിലാണ് പലയിടങ്ങളിലും നന്ദിനി, ഹോപ്കോംസ് ഔട്ട്ലെറ്റുകൾ പ്രവർത്തിക്കുന്നതെന്ന് ഉദ്യോഗസ്ഥർ കണ്ടെത്തിയിട്ടുണ്ട്.…

ബെംഗളൂരു: രാജ്യത്ത് നിലവിൽ ഏറ്റവും കൂടുതൽ മോഷ്ടിക്കപ്പെടുന്ന വസ്തുവായി മൊബൈൽ ഫോണുകൾ മാറുന്നു. ഇതുമായി ബന്ധപ്പെട്ട് പ്രതിദിനം ആയിരക്കണക്കിന് പരാതികളാണ് വിവിധ പോലീസ് സ്റ്റേഷനുകളിൽ ലഭിക്കുന്നത്. മിക്ക കേസുകളിലും ഫോൺ തിരികെ ലഭിക്കുമെന്ന പ്രതീക്ഷ ഉടമസ്ഥർ കൈവിടാറാണ് പതിവ്. എന്നാൽ, മോഷ്ടിക്കപ്പെട്ട മൊബൈൽ ഫോണുകൾ കണ്ടെത്തി തിരികെ നൽകുന്ന കാര്യത്തിൽ കർണാടക സംസ്ഥാനം രാജ്യത്ത് തന്നെ മുൻപന്തിയിലെത്തിയിരിക്കുകയാണ്. രാജ്യത്ത് ഏറ്റവും കൂടുതൽ മൊബൈൽ മോഷണ കേസുകൾ റിപ്പോർട്ട് ചെയ്യുന്ന ആദ്യ അഞ്ച് സംസ്ഥാനങ്ങളുടെ പട്ടികയിൽ കർണാടകയുമുണ്ട്. എന്നാൽ, ഇവ വീണ്ടെടുക്കുന്നതിലെ ശതമാനക്കണക്കിൽ കർണാടക പോലീസ്…