Year: 2026

ബെംഗളൂരു : ദീർഘനാളത്തെ കാത്തിരിപ്പിനൊടുവിൽ ബംഗളൂരു എയർപോർട്ട് റോഡിലെ സദാഹള്ളി അണ്ടർപാസ് നിർമ്മാണം ഒടുവിൽ ആരംഭിച്ചു. അണ്ടർപാസിന്റെ ഒരു വശത്തെ നിർമ്മാണ പ്രവർത്തനങ്ങളാണ് ഇപ്പോൾ ആരംഭിച്ചിരിക്കുന്നത്. നിർമ്മാണം നടക്കുന്ന ഭാഗത്ത് ബാരിക്കേഡുകൾ സ്ഥാപിക്കുകയും ടോൾ പ്ലാസ ഭാഗത്ത് ഗതാഗത മാറ്റങ്ങൾ ഏർപ്പെടുത്തുകയും ചെയ്തിട്ടുണ്ട്. നിർമ്മാണം കൂടുതൽ ഭാഗങ്ങളിലേക്ക് വ്യാപിപ്പിക്കുന്നതോടെ കെംപെഗൗഡ അന്താരാഷ്ട്ര വിമാനത്താവളത്തിലേക്കും (കെ.ഐ.എ) ദേവനഹള്ളിയിലേക്കും പോകുന്ന യാത്രക്കാരെ ഇത് കാര്യമായി ബാധിക്കും. നാല് വശങ്ങളുള്ള അണ്ടർപാസിന്റെ ഒരു വശത്ത് സംരക്ഷണ ഭിത്തി നിർമ്മിക്കുന്നതിനായുള്ള മണ്ണെടുക്കൽ ജോലികൾ ദേശീയ പാത അതോറിറ്റി (എൻ.എച്ച്.എ.ഐ) ആരംഭിച്ചു…

ബെംഗളൂരു: ബെംഗളൂരു-തുമകൂരു ദേശീയപാതയിലുണ്ടായ ദാരുണമായ വാഹനാപകടത്തിൽ എട്ടുമാസം ഗർഭിണിയായ യുവതി കൊല്ലപ്പെട്ടു. തോട്ടനഹള്ളി ബില്ലിനകോട്ടെ സ്വദേശിയായ സിഞ്ചന (25) ആണ് മരിച്ചത്. യുവതിയുടെ ഭർത്താവ് മഞ്ജുനാഥിന് (29) പരിക്കേറ്റു. ബുധനാഴ്ച രാവിലെ എട്ടുമണിയോടെ യെഡേഹള്ളി ക്രോസിലെ ഒരു റെസ്റ്റോറന്റിന് സമീപമായിരുന്നു അപകടം. ദാസനപുരയിലെ ശ്രീ ശിവഗംഗേ ക്ഷേത്രത്തിൽ ദർശനം നടത്തി ഭർത്താവിനൊപ്പം ബൈക്കിൽ മടങ്ങുകയായിരുന്നു സിഞ്ചന. മുന്നിൽ പോവുകയായിരുന്ന കെ.എസ്.ആർ.ടി.സി ബസ് വേഗത കുറച്ചപ്പോൾ ഇടിക്കാതിരിക്കാനായി പെട്ടെന്ന് ഇടത്തോട്ട് തിരിച്ചുവിട്ട ജെല്ലി കല്ലുകൾ കയറ്റിവന്ന ടിപ്പർ ലോറി ഇവർ സഞ്ചരിച്ചിരുന്ന ബൈക്കിൽ ഇടിക്കുകയായിരുന്നു. വേഗതയിലായിരുന്ന…

ബെംഗളൂരു: നഗരത്തിലെ ബനശങ്കരി അഞ്ചാം ഘട്ടം രണ്ടാം ബ്ലോക്കിലും ആറാം ഘട്ടത്തിലും വീണ്ടും പുള്ളിപ്പുലിയുടെ സാന്നിധ്യം സ്ഥിരീകരിച്ചതോടെ പ്രദേശവാസികൾ ഭീതിയിലായി. സെപ്റ്റംബർ 10-ന് പുലർച്ചെ നാലുമണിയോടെ ഒരു വീടിന് മുന്നിലൂടെ പുള്ളിപ്പുലി നടന്നുപോകുന്ന ദൃശ്യങ്ങൾ സമീപത്തെ സിസിടിവി കാമറയിൽ പതിഞ്ഞു. കേശവ് എന്ന വ്യക്തിയുടെ വീടിന് മുന്നിലെത്തിയ പുള്ളിപ്പുലി അവിടെയുണ്ടായിരുന്ന വളർത്തുനായ്ക്കളെ ആക്രമിക്കാൻ തുനിഞ്ഞെങ്കിലും, നായ്ക്കൾ ഉച്ചത്തിൽ കുരച്ചതോടെ ഭയന്ന് ഓടി രക്ഷപ്പെടുകയായിരുന്നു. രാവിലെ വീട്ടുജോലിക്കാരൻ വീടിന് മുന്നിൽ മൃഗത്തിന്റെ കാൽപ്പാടുകൾ കണ്ട് വീട്ടുടമയെ വിവരമറിയിക്കുകയായിരുന്നു. തുടർന്ന് നടത്തിയ സിസിടിവി പരിശോധനയിലാണ് വീടിന് മുന്നിലൂടെ…

ബെംഗളൂരു: ഗൗരി ഗണേശോത്സവത്തിന് നഗരത്തിൽ തുടക്കമാകാനിരിക്കെ, പരിസ്ഥിതി സൗഹൃദപരവും നിയമപരവുമായ രീതിയിൽ ആഘോഷങ്ങൾ സംഘടിപ്പിക്കുന്നതിനായി സമഗ്രമായ മാർഗ്ഗനിർദ്ദേശങ്ങൾ പുറപ്പെടുവിച്ചു. ഗ്രേറ്റർ ബെംഗളൂരു അതോറിറ്റിയും കർണാടക സംസ്ഥാന മലിനീകരണ നിയന്ത്രണ ബോർഡും സംയുക്തമായാണ് പുതിയ നിർദ്ദേശങ്ങൾ നടപ്പിലാക്കിയിരിക്കുന്നത്. പി.ഒ.പി വിഗ്രഹങ്ങൾക്ക് പൂർണ്ണ നിരോധനം പ്രകൃതിക്ക് വൻതോതിൽ ആഘാതമുണ്ടാക്കുന്ന പ്ലാസ്റ്റർ ഓഫ് പാരീസ് (PoP) ഉപയോഗിച്ച് നിർമ്മിച്ച ഗണേശ വിഗ്രഹങ്ങൾ സ്ഥാപിക്കുന്നതിന് പൂർണ്ണമായി നിരോധനം ഏർപ്പെടുത്തിയിട്ടുണ്ട്. കൂടാതെ, പരിസ്ഥിതിക്ക് ഹാനികരമായ രാസായനിക പെയിന്റുകളുടെ ഉപയോഗത്തിലും കർശന നിയന്ത്രണങ്ങളുണ്ട്. പൂർണ്ണമായും കളിമണ്ണിൽ നിർമ്മിച്ച പരിസ്ഥിതി സൗഹൃദ ഗണേശ വിഗ്രഹങ്ങൾ…

ബെംഗളൂരു:  ഹാസന് സമീപം ദേശീയപാത 75-ൽ പെട്രോൾ നിറച്ച കൂറ്റൻ ടാങ്കർ മറിഞ്ഞ് ആയിരക്കണക്കിന് ലിറ്റർ ഇന്ധനം റോഡിലേക്ക് ഒഴുക പരന്നു. ദേശീയപാതയിലെ കെഞ്ചട്ടഹള്ളി ഫ്ലൈഓവറിലാണ് അപകടമുണ്ടായത്. സംഭവം പ്രദേശത്ത് വലിയ രീതിയിലുള്ള ഭീതിയും പരിഭ്രാന്തിയും സൃഷ്ടിച്ചു. കടുത്ത ചൂട് നിലനിൽക്കുന്ന സാഹചര്യത്തിൽ റോഡിലൊഴുകിയ പെട്രോളിന് തീപിടിച്ച് വൻ ദുരന്തമുണ്ടാകുമോ എന്ന ആശങ്ക ഉയർന്നിരുന്നു. ഗണേശ ചതുർത്ഥി ഉത്സവത്തോടനുബന്ധിച്ച് ദേശീയപാതയിൽ കനത്ത വാഹനത്തിരക്കുള്ള സമയത്തായിരുന്നു അപകടം. എന്നാൽ വിവരം ലഭിച്ചയുടൻ ഹാസൻ ട്രാഫിക് പോലീസും അഗ്നിശമന സേനയും സ്ഥലത്തെത്തി അടിയന്തര മുൻകരുതൽ നടപടികൾ സ്വീകരിച്ചു.…

ബെംഗളൂരു : ഗണേശ ചതുർത്ഥി ആഘോഷങ്ങൾക്ക് മുന്നോടിയായി വിഗ്രഹ നിമജ്ജനത്തിനായി ബംഗളൂരു നഗരത്തിലെ അഞ്ച് കോർപ്പറേഷനുകളിലായി 42 തടാകങ്ങളും താൽക്കാലിക ടാങ്കുകളും 659 മൊബൈൽ ടാങ്കുകളും സജ്ജമാക്കിയതായി ഗ്രേറ്റർ ബംഗളൂരു അതോറിറ്റി (ജി.ബി.എ) അറിയിച്ചു. പൊതുസ്ഥലങ്ങളിൽ ഗണേശ വിഗ്രഹങ്ങൾ സ്ഥാപിക്കുന്നതിനുള്ള അനുമതികൾ വേഗത്തിൽ ലഭ്യമാക്കുന്നതിനായി അഞ്ച് കോർപ്പറേഷൻ പരിധികളിലായി 122 സിംഗിൾ വിൻഡോ കേന്ദ്രങ്ങളും പ്രവർത്തനം ആരംഭിച്ചിട്ടുണ്ട്. വിഗ്രഹം സ്ഥാപിക്കുന്നത് മുതൽ നിമജ്ജനം വരെയുള്ള കാര്യങ്ങളിൽ പൊതുജനങ്ങൾക്ക് ആവശ്യമായ മാർഗ്ഗനിർദ്ദേശങ്ങൾ നൽകുന്നതിനും ക്രമീകരണങ്ങൾ മേൽനോട്ടം വഹിക്കുന്നതിനുമായി പ്രത്യേക നോഡൽ ഓഫീസർമാരെ ചുമതലപ്പെടുത്തിയിട്ടുണ്ടെന്ന് ജി.ബി.എ പ്രസ്താവനയിലൂടെ…

ബെംഗളൂരു: യാത്രയ്ക്കിടെ ഇരുപത്തഞ്ചുകാരന്റെ വിലകൂടിയ സാങ്സങ് ഗാലക്സി എസ്24 അൾട്രാ മൊബൈൽ ഫോൺ കവരുകയും, അത് തിരികെ നൽകാൻ 18,000 രൂപ ആവശ്യപ്പെടുകയും ചെയ്ത സംഭവത്തിൽ റാപ്പിഡോ ഡ്രൈവർക്കെതിരെ കേസ്. പണം നൽകിയില്ലെങ്കിൽ ഫോൺ നശിപ്പിക്കുമെന്നും കർണാടകയ്ക്ക് പുറത്തേക്ക് കടത്തുമെന്നും ഭീഷണിപ്പെടുത്തിയതായും പരാതിയിലുണ്ട്. സെപ്റ്റംബർ ആറിന് നടന്ന സംഭവത്തിൽ ബിടിഎം ലേഔട്ടിലെ പിജിയിൽ താമസിക്കുന്ന ത്രിദീപ് ദേബ്നാഥ് നൽകിയ പരാതിയുടെ അടിസ്ഥാനത്തിൽ മടിവാള പൊലീസാണ് കേസെടുത്തത്. നാരായണപ്പ ഗാർഡനിൽ നിന്ന് മാരത്തഹള്ളിയിലേക്ക് പോകാനായി സെപ്റ്റംബർ ആറിന് പുലർച്ചെ 5.54-നാണ് ത്രിദീപ് റാപ്പിഡോ ബൈക്ക് ടാക്സി…