Month: August 2025

ബംഗളുരു : നഗരത്തിൽ ആഡംബര കാറിന് തീപ്പിടിച്ചു. കുന്ദനഹള്ളിവെച്ചാണ് കാറിനു തീ പിടിച്ചത്. അത്യാഡംബര കാറായ ലംബോര്‍ഗിനി അവന്റോറിനാണ് തീപിടിച്ചത്. കന്നഡ സമൂഹമാധ്യമ താരം സഞ്ജീവും കുടുബവുമാണ് കാറില്‍ ഉണ്ടായിരുന്നത്. ഓട്ടോഡ്രൈവർമാർ ഇടപെട്ടാണ് കാറിൽ ഉണ്ടായിരുന്നവരെ രക്ഷപ്പെടുത്തിയത്.

ബെംഗളൂരു : നമ്മ മെട്രോ മൂന്നാംഘട്ട വികസനത്തിന് പ്രധാനമന്ത്രി നരേന്ദ്രമോദി തറക്കല്ലിടും. യെല്ലോ ലൈൻ സർവീസ് ഫ്ലാഗ് ഓഫ് ചെയ്യുന്നതിനൊപ്പം മൂന്നാംഘട്ടത്തിൽ ഉൾപ്പെടുന്ന ഓറഞ്ച് ലൈനിന്റെ നിർമാണത്തിനും തുടക്കമാകും. നഗരം ഏറെനാളുകളായി കാത്തിരുന്ന യെല്ലോ ലൈൻ ഈ മാസം പകുതിയോടെ ഉദ്ഘാടനം ചെയ്യുമെന്നായിരുന്നു അറിയിച്ചിരുന്നത്. എന്നാൽ പ്രതീക്ഷിച്ചതിലും വേഗത്തിൽ അനുമതികൾ ലഭിച്ചതോടെ ചടങ്ങ് നേരത്തെയാക്കുകയായിരുന്നു. കേന്ദ്രനഗരകാര്യമന്ത്രി മനോഹർലാൽ ഖട്ടറാണ് യെല്ലോ ലൈൻ ഉദ്ഘാടനം പ്രധാനമന്ത്രി നിർവഹിക്കുമെന്ന് വെളിപ്പെടുത്തിയത്. മൂന്നാംഘട്ടത്തിന്റെ ശിലാസ്ഥാപനച്ചടങ്ങ് നടത്തുമെന്നും അദ്ദേഹംതന്നെ അറിയിക്കുകയായിരുന്നു. ജയനഗറിലെ ശാലിനി മൈതാനത്തായിരിക്കും ചടങ്ങ് നടത്തുന്നത്.

ബെംഗളൂരു: നഗരത്തിലെ പ്രശസ്തമായ കബ്ബൺ പാർക്കിൽ യുവാക്കളെയും സ്ത്രീകളെയും പരസ്പരം ബന്ധിപ്പിക്കുന്നതിനായി ‘ ബ്ലൈൻഡ് ഡേറ്റ് ‘ എന്ന പേരിൽ സംഘടിപ്പിച്ച പരിപാടി ഇപ്പോൾ വിവാദമായിരിക്കുകയാണ്. ഈ പരിപാടിയുമായി ബന്ധപ്പെട്ട് ഹോർട്ടികൾച്ചർ വകുപ്പ് ഡെപ്യൂട്ടി ഡയറക്ടർ നൽകിയ പരാതിയുടെ അടിസ്ഥാനത്തിൽ കബ്ബൺ പാർക്ക് പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട് . വടക്കേ ഇന്ത്യയിൽ നിന്നുള്ള വിനീത് കൊട്ടാഡിയയാണ് ഈ ‘ബ്ലൈൻഡ് ഡേറ്റ്’ പരിപാടി സംഘടിപ്പിച്ചത്. ബാംഗ്ലൂരിലെ ലഗ്ഗെരെയിൽ താമസിച്ചിരുന്ന ഈ യുവാവ് ബി.ടെക് പൂർത്തിയാക്കി ജോലിയില്ലാതെ സമയം ചെലവഴിക്കുകയായിരുന്നു. അതുകൊണ്ടുതന്നെ , “വ്യത്യസ്തമായ…

ബെംഗളൂരു: സംസ്ഥാനത്ത് അവയവങ്ങൾക്കായുള്ള ആവശ്യം വർദ്ധിച്ചുകൊണ്ടിരിക്കുന്നു, 5387 പേരാണ് അവയവങ്ങൾക്കായി കാത്തിരിക്കുന്നത്. ഇതിൽ വൃക്കകൾക്കാണ് ഏറ്റവും കൂടുതൽ ആവശ്യക്കാരുള്ളതെന്ന് ആരോഗ്യ വകുപ്പിന്റെ സ്റ്റേറ്റ് ഓർഗൻ ആൻഡ് ടിഷ്യു ട്രാൻസ്പ്ലാൻറ് ഓർഗനൈസേഷൻ (ജീവസാർഥകേറ്റ്) പറയുന്നു. ഓഗസ്റ്റ് 1 ന് തന്നെ ദേശീയ അവയവദാന ദിനം (ഓഗസ്റ്റ് 3) ആഘോഷിച്ച സംഘടന, ഈ വർഷം 121 പേർ അവയവങ്ങൾ ദാനം ചെയ്തതായും അവയവദാന പ്രതിജ്ഞയെടുക്കാൻ ആളുകളോട് അഭ്യർത്ഥിച്ചതായും പറഞ്ഞു.

ബെംഗളൂരു : ചിന്നസ്വാമി സ്റ്റേഡിയത്തിനു മുൻപിലുണ്ടായ തിക്കിലും തിരക്കിലും മരിച്ച 13-കാരിയുടെ മൃതദേഹത്തിൽനിന്ന് ആഭരണങ്ങൾ മോഷ്ടിച്ച മോർച്ചറി ജീവനക്കാരൻ അറസ്റ്റിൽ. ബെംഗളൂരു ശിവാജി നഗറിലെ ബൗറിങ് ആശുപത്രിയിലെ താത്കാലിക ജീവനക്കാരൻ വിവേക് നഗർ മായാബസാറിലെ കൊലഗേരി സ്വദേശി സ്റ്റാലിനാണ്(32)അറസ്റ്റിലായത്. അമിത മദ്യപാനശീലമുള്ള ആളാണ് സ്റ്റാലിനെന്ന് പോലീസ് പറഞ്ഞു. ഇക്കാരണത്താൽ ഇയാളെ നേരത്തേ ജോലിയിൽനിന്ന് ഒഴിവാക്കിയിരുന്നു. സ്റ്റേഡിയം ദുരന്തമുണ്ടായപ്പോൾ കൂടുതൽ മൃതദേഹങ്ങൾ പോസ്റ്റ്മോർട്ടം ചെയ്യേണ്ടതിനാൽ സഹായിക്കാനായി ഇയാളെ വിളിക്കുകയായിരുന്നു. മൃതദേഹം പോലീസ് ആശുപത്രിയിലെത്തിക്കുമ്പോൾ ദേഹത്ത് ആഭരണങ്ങളുണ്ടായിരുന്നു. പോസ്റ്റ് മോർട്ടത്തിനുശേഷം ബന്ധുക്കൾക്ക് കൈമാറിയപ്പോൾ ആഭരണങ്ങൾ ഉണ്ടായിരുന്നില്ല. ഇതിനെപ്പറ്റി…