Month: August 2025

റാഞ്ചി: ജാര്‍ഖണ്ഡ് വിദ്യാഭ്യാസ മന്ത്രി രാംദാസ് സോറന്‍ അന്തരിച്ചു. 62 വയസായിരുന്നു. അസുഖബാധിതനായി ഡല്‍ഹിയില്‍ ചികിത്സയിലിരിക്കെയാണ് അന്ത്യം. ഓഗസ്റ്റ് രണ്ടിന് വസതിയിലെ കുളിമുറിയില്‍ തെന്നിവീണ് ഗുരുതര പരിക്കേറ്റിരുന്നു. ജാര്‍ഖണ്ഡ് മുക്തിമോര്‍ച്ചയുടെ ദേശീയ വക്താവ് കുണാല്‍ സാരംഗിയാണ് മരണവിവരം അറിയിച്ചത്. ജാര്‍ഖണ്ഡ് മുഖ്യമന്ത്രി ഹേമന്ത് സോറന്‍ അനുശോചനം രേഖപ്പെടുത്തി. ‘രാംദാസ് ദാ ഞങ്ങളെ വിട്ടുപോകാന്‍ പാടില്ലായിരുന്നു’, ഹേമന്ത് സോറന്‍ എക്‌സില്‍ കുറിച്ചു.

ഡൽഹി: നിസാമുദ്ദീനിൽ സ്ഥിതിചെയ്യുന്ന ഹുമയൂൺ ശവകുടീരത്തിന്റെ ഒരു ഭാഗം തകർന്നുവീണു. സ്ഥലത്ത് പത്തോളം പേർ കുടുങ്ങി കിടക്കുന്നതായാണ് വിവരം. ശവകുടീരത്തിന്റെ താഴികക്കുടം വരുന്ന ഭാഗമാണ് തകർന്നു വീണത്. അഗ്നിരക്ഷാ സേന സ്ഥലത്തെത്തി രക്ഷാപ്രവർത്തനം ആരംഭിച്ചു. എൻഡിആർഎഫ് സംഘവും സ്ഥലത്ത് എത്തിയിട്ടുണ്ട്. 11 പേരെ സ്ഥലത്ത് നിന്ന് രക്ഷപ്പെടുത്തി വൈദ്യചികിത്സയ്ക്കായി അടുത്തുള്ള ആശുപത്രിയിൽ പ്രവേശിപ്പിച്ചതായി ഉദ്യോഗസ്ഥർ അറിയിച്ചു. പ്രാഥമിക റിപ്പോർട്ടുകൾ പ്രകാരം, ഇന്ന് ഉച്ചകഴിഞ്ഞ് ഏകദേശം 3:51 നാണ് അപകടം ഉണ്ടാകുന്നത്. പതിനാറാം നൂറ്റാണ്ടിന്റെ മധ്യത്തിൽ നിർമിച്ച സ്മാരകമാണ് ഇത്. ദിവസവും നിരവധി വിനോദ സഞ്ചാരികളാണ്…

കാബ് യാത്രയുടെ ഭീകരത വെളിപ്പെടുത്തി നൗഇടയിൽ നിന്നുള്ള കുടുംബം. അശ്രദ്ധമായി വാഹനമോടിച്ചതിനെ തുടർന്ന് കാബ് ഡ്രൈവർ ഒരു വാഹനത്തിൽ ഇടിച്ചു. ഇതോടെ പോലീസ് കാബ് നിർത്താൻ ആവശ്യപ്പെട്ടിട്ടും ഡ്രൈവർ നിർത്താൻ തയ്യാറായില്ല. അയാൾ വളരെ വേഗത്തിൽ വാഹനമോടിക്കുന്നത് തുടർന്നു. ഈ കാബിൽ യാത്ര ചെയ്തിരുന്ന കുടുംബം ഡ്രൈവറോട് നിർത്താൻ അപേക്ഷിച്ചുകൊണ്ടിരുന്നു. അങ്കിൾ പേടിക്കണ്ട ഞാൻ പോലീസിനോട് സംസാരിക്കാം എന്ന് കുട്ടി പേടിച്ച് കരഞ്ഞു കൊണ്ടേയിരുന്നു. ദയവായി ഞങ്ങളെ ഇവിടെ ഇറക്കണമെന്ന അഭ്യർത്ഥന കേൾക്കാത്ത കാബ് ഡ്രൈവർ കൂടുതൽ വേഗത്തിലും അശ്രദ്ധമായും വാഹനമോടിച്ചതായി റിപ്പോർട്ട് ചെയ്യപ്പെട്ടിട്ടുണ്ട്.…