Month: June 2025

ഗര്‍ഭിണിയായ യുവതിയെ കഴുത്ത് ഞെരിച്ച് കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു. അയല്‍ക്കാര്‍ അധികൃതരെ വിവരം അറിയിച്ചതിനെ തുടര്‍ന്ന് പൊലീസ് എത്തി അടഞ്ഞ് കിടന്ന വീട് തുറന്നപ്പോഴാണ് മരണവിവരം ലോകം അറിയുന്നത്. കര്‍ണാടകയിലെ ബഡഗുന്‍ഡി ഗ്രാമത്തിലാണ് സംഭവം. തിമ്മപ്പ മുല്യയാണ് ഭാര്യ ജയന്തിയെ കൊലപ്പെടുത്തിയ ശേഷം ആത്മഹത്യ ചെയ്തത്. ഗാര്‍ഹികമായ പ്രശ്‌നങ്ങളാണ് സംഭവത്തിന് പിന്നിലെന്നാണ് നിഗമനം. സംഭവത്തില്‍ വ്യക്തമായ അന്വേഷണം നടക്കുകയാണെന്നും പൊലീസ് പറയുന്നു.

ബെംഗളൂരു : കർണാടകത്തിൽനിന്നുള്ള 120 പേർ യുദ്ധത്തെത്തുടർന്ന് ഇറാനിൽ കുടുങ്ങി. ഇവരിൽ പകുതിയിലേറെ പേരും വിദ്യാർഥികളാണ്. കൂടാതെ, വിനോദസഞ്ചാരികളുമുണ്ട്. ഇവരെ തിരിച്ചെത്തിക്കാൻ നടപടിയെടുക്കണമെന്ന് കർണാടക സർക്കാർ കേന്ദ്രത്തോട് ആവശ്യപ്പെട്ടിട്ടുണ്ട്. കർണാടകത്തിൽനിന്നുള്ള കേന്ദ്രമന്ത്രി എച്ച്.ഡി. കുമാരസ്വാമി വീഡിയോ കോളിലൂടെ ഇറാനിലുള്ള കന്നഡിഗരുമായി സംസാരിച്ചു. തിരിച്ചെത്തിക്കാൻ നടപടിയെടുക്കുമെന്ന് ഉറപ്പുനൽകിയിട്ടുണ്ട്.

ബെംഗളൂരു : കെംപഗൗഡ അന്താരാഷ്ട്ര വിമാനത്താവളത്തിൽ ബോംബുവെച്ചിട്ടുണ്ടെന്ന് ഭീഷണി സന്ദേശം. വിമാനത്താവളത്തിൽ രണ്ടിടങ്ങളിൽ ബോംബ് വെച്ചിട്ടുണ്ടെന്നായിരുന്നു ഇ-മെയിൽ സന്ദേശത്തിൽ പറഞ്ഞത്. എന്നാൽ, പരിശോധനയിൽ സംശയകരമായി ഒന്നും കണ്ടെത്തിയില്ല. വിമാന സർവീസുകളെ ഇത് ബാധിച്ചില്ല. അലക്സ് പോൾ മേനോൻ എന്ന പേരിലുള്ള ഇ-മെയിലിൽനിന്നാണ് വിമാനത്താവളം ടെർമിനൽ മാനേജർക്ക് മെയിൽ ലഭിച്ചത്. തമിഴ്‌നാട് സ്വദേശിയായ ഛത്തീസ്ഗഢ് കേഡർ ഐഎഎസ് ഉദ്യോഗസ്ഥനാണ് അലക്സ് പോൾ മേനോൻ. 13 വർഷം മുൻപ് മാവോവാദികൾ ഇദ്ദേഹത്തെ തട്ടിക്കൊണ്ടുപോയിരുന്നെങ്കിലും പിന്നീട് മോചിപ്പിച്ചു. ഇദ്ദേഹത്തിന്റെ പേരിൽ വ്യാജ ഇ-മെയിൽ വിലാസമുണ്ടാക്കിയാണ് ഭീഷണി സന്ദേശം അയച്ചതെന്നാണ്…