Month: February 2025

ബെംഗളൂരു: അമ്മായിയമ്മയെ കൊല്ലാൻ ഗുളിക നൽകണമെന്ന് ആവശ്യപ്പെട്ട് ഒരു സ്ത്രീ ഡോക്ടർക്ക് വാട്ട്‌സ്ആപ്പ് സന്ദേശം അയച്ച സംഭവം വഴിത്തിരിവായി. ഡോക്ടറുടെ പരാതിയുടെ അടിസ്ഥാനത്തിൽ അന്വേഷണം നടത്തിയ പോലീസ് യഥാർത്ഥ കഥ പുറത്തുകൊണ്ടുവന്നിരിക്കുന്നു. സഞ്ജയനഗർ പോലീസ് സ്റ്റേഷന് കീഴിലുള്ള ഭദ്രപ്പ ലേഔട്ടിൽ താമസിക്കുന്ന ഡോക്ടർ സുനിൽ ഹെബ്ബി നൽകിയ പരാതിയുടെ അടിസ്ഥാനത്തിൽ, കൊല്ലെഗൽ സ്വദേശിയായ സ്ത്രീയെ പോലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്. എന്നാൽ, അമ്മായിയമ്മയോടല്ല, തനിക്കുവേണ്ടിയാണ് ഗുളികകൾ ആവശ്യപ്പെട്ടതെന്ന് സ്ത്രീ സമ്മതിച്ചതായി പോലീസ് പറഞ്ഞു. നഗരത്തിന്റെ പ്രാന്തപ്രദേശമായ മകാലിയിൽ താമസിച്ചിരുന്ന ആ സ്ത്രീ ഒന്നര വർഷം…

കോട്ടയം: സി.പി.എം കോട്ടയം ജില്ല സെക്രട്ടറി എ.വി റസൽ അന്തരിച്ചു. അർബുദ ബാധിതനായി ചെന്നൈയിൽ അപ്പോളോ ആശുപത്രിയിൽ ചികിത്സയിലായിരുന്നു. ശസ്ത്രക്രിയക്ക് വിധേയനാക്കി നാട്ടിലേക്ക് മടങ്ങാനിരിക്കെയായിരുന്നു അന്ത്യം. ചങ്ങനാശ്ശേരി തെങ്ങണ സ്വദേശിയാണ്. ഡി.വൈ.എഫ്‌.ഐ സംസ്ഥാന വൈസ് പ്രസിഡന്റും കേന്ദ്ര കമ്മിറ്റിയംഗവും ഏഴുവർഷം ജില്ലാ സെക്രട്ടറിയുമായിരുന്നു. സി.ഐ.ടി.യു അഖിലേന്ത്യാ വർക്കിങ്‌ കമ്മിറ്റി അംഗമാണ്‌. സെക്രട്ടറിയായിരുന്ന വി. എൻ.വാസവൻ നിയമസഭാംഗമായതോടെയാണ് റസലിനെ ജില്ല സെക്രട്ടറിയായി ആദ്യം തെരഞ്ഞെടുത്തത്.

ചരിത്രത്തിലാദ്യമായി രഞ്ജി ട്രോഫി ഫൈനല്‍ പ്രവേശനം ഉറപ്പിച്ച് കേരള ക്രിക്കറ്റ് ടീം. അവസാന നിമിഷം വരെ പോരാടിയാണ് ഗുജറാത്ത് കീഴടങ്ങിയത്. ആദ്യ ഇന്നിങ്‌സിലെ രണ്ട് റണ്‍സ് ലീഡാണ് കേരളത്തിന് ചരിത്ര നേട്ടം സമ്മാനിച്ചത്. നാലാം ദിവസത്തിലേക്ക് മത്സരം എത്തിയതോടെ ആദ്യ ഇന്നിങ്‌സിലെ ലീഡ് ഫൈനല്‍ പ്രവേശനം ഉറപ്പിക്കും എന്ന നിലയിലായിരുന്നു മത്സരം പുരോഗമിച്ചിരുന്നത്. ആദ്യ ഇന്നിങ്‌സില്‍ കേരളം ഉയര്‍ത്തിയ 457 റണ്‍സ് പിന്തുടര്‍ന്ന ഗുജറാത്ത് 455 റണ്‍സെടുത്തു പുറത്തായി.അ അവസാന വിക്കറ്റ് വരെ പോരാടിയാണ് ഗുജറാത്ത് വീണത്. ഇനി ഫൈനലിലെത്തണമെങ്കില്‍ ഇന്ന് തന്നെ കേരളത്തെ…

കൊച്ചി: പോക്‌സോ പീഡനക്കേസുകളിലെ അതിജീവിതര്‍ക്ക് ഗര്‍ഭഛിദ്രം നടത്തേണ്ടി വന്നാല്‍ കേസിന്റെ ആവശ്യത്തിന് ഭ്രൂണം സൂക്ഷിച്ചുവെക്കണമെന്ന വ്യവസ്ഥ ഉള്‍പ്പെടുത്തി നിയമം ഭേദഗതി ചെയ്യുന്ന കാര്യം കേന്ദ്ര, സംസ്ഥാന സര്‍ക്കാരുകള്‍ പരിഗണിക്കണമെന്ന് ഹൈക്കോടതി ഉത്തരവിട്ടു. പ്രതികള്‍ രക്ഷപ്പെടാതിരിക്കാന്‍ ഇത് ആവശ്യമാണെന്ന് വിലയിരുത്തിയാണ് ജസ്റ്റിസ് എ ബദറുദ്ദീന്റെ നിര്‍ദേശം നിയമം ഭേദഗതി ചെയ്യുന്നതു വരുന്നതുവരെ ഇത്തരം കേസില്‍ ഭ്രൂണം സ്വമേധയാ സൂക്ഷിച്ചുവെക്കണമെന്ന് ആരോഗ്യവകുപ്പ് ഡയറക്ടര്‍ ഡോക്ടര്‍മാരോട് നിര്‍ദേശിക്കണം. അന്വേഷണ ഉദ്യോഗസ്ഥന്റേയോ ജില്ലാ പൊലീസ് മേധാവിയുടേയോ രേഖാമൂലമുള്ള അനുമതിയില്ലാതെ ഭ്രൂണം നശിപ്പിക്കരുതെന്നും ഹൈക്കോടതി വ്യക്തമാക്കി.

ബെംഗളൂരു : സംസ്ഥാനത്ത് അന്നഭാഗ്യ പദ്ധതിയുടെ ഗുണഭോക്താക്കൾക്ക് ഇനി മാസം പത്ത് കിലോ വീതം അരി ലഭിക്കും. ഇതുവരെ അഞ്ച് കിലോ അരിയും ബാക്കി അഞ്ചു കിലോയുടെ പണവുമാണ് (170 രൂപ) നൽകിവന്നത്. പത്ത് കിലോ വീതം അരി വിതരണം ആരംഭിക്കുന്നതോടെ പണം നൽകുന്നത് നിർത്തലാക്കുമെന്ന് ഭക്ഷ്യമന്ത്രി കെ.എച്ച്.മുനിയപ്പ പറഞ്ഞു. കോൺഗ്രസ് സർക്കാരിന്റെ അഞ്ചിന വാഗദാനപദ്ധതികളിലൊന്നാണ് അന്നഭാഗ്യ. ദാരിദ്ര്യ രേഖക്കു താഴെയുള്ള കുടുബങ്ങളിലെ ഓരോ അംഗങ്ങൾക്കും മാസം പത്ത് കിലോ വീതം അരി നൽകുമെന്നാണ് തുടക്കത്തിൽ സർക്കാർ പ്രഖ്യാപിച്ചത്. എന്നാൽ ഇതിനുള്ള അരി കേന്ദ്ര…

കൊച്ചി:  മസ്തിഷ്‌ക്കത്തില്‍ മുറിവേറ്റ കാട്ടാന ചരിഞ്ഞു. കോടനാട്ടെ ചികിത്സയ്ക്കിടെയാണ് കാട്ടാന ചരിഞ്ഞത്

ഇന്ത്യയിൽ ഏറ്റവും കൂടുതൽ ഉപയോഗത്തിൽ ഉള്ള ആപ്പുകളിൽ ഒന്നാണ് ഗൂഗിൾ പേ . പണമിടപാട് എല്ലാം ഡിജിറ്റൽ ആയപ്പോൾ ഇത്രത്തോളം സഹായകമായി മാറിയ ഒരു പേമെന്‍റ് ആപ്പും വേറെ ഇല്ല. പണമിടപാട് മാത്രമല്ല, ബില്ലുകൾ അടക്കാനും ഇതിലൂടെ സാധിക്കുന്നത് കാര്യങ്ങൾ എളുപ്പമാക്കി. പക്ഷെ, ഇനി മുതൽ ചില ഇടപാടുകൾക്ക് ഫീസ് ഏർപ്പെടുത്താൻ ഒരുങ്ങിയിരിക്കുകയാണ് ഇന്ത്യയിലെ മുന്‍നിര യുപിഐ സേവനദാതാവായ ഗൂഗിള്‍ പേ. ക്രെഡിറ്റ്, ഡെബിറ്റ് കാര്‍ഡുകള്‍ ഉപയോഗിച്ച് നടത്തുന്ന ബില്‍ പേയ്‌മെന്റുകള്‍ക്ക് കണ്‍വീനിയന്‍സ് ഫീസ് ഏര്‍പ്പെടുത്തുന്നതായാണ് റിപ്പോര്‍ട്ട്. വൈദ്യുതി, പാചക വാതകം തുടങ്ങിയ യൂട്ടിലിറ്റി…

ബെംഗളൂരു : ബെംഗളൂരുവിലെ മദ്രസയിൽ അഞ്ചാം ക്ലാസുകാരിയെ മർദനത്തിനിരയാക്കിയ സംഭവത്തിൽ ഹോസ്റ്റൽ സൂപ്പർവൈസറുടെ മകനെ പോലീസ് അറസ്റ്റ് ചെയ്തു. മുഹമ്മദ് ഹാസനെയാണ് കൊത്തന്നൂർ പോലീസ് അറസ്റ്റ് ചെയ്തത്. ഹെഗ്‌ഡെ നഗറിലുള്ള മദ്രസയുടെ ഹോസ്റ്റലിലെ അന്തേവാസിയായ 11-കാരി വിദ്യാർഥിനിക്കാണ് മർദനമേറ്റത്. പെൺകുട്ടിയുടെ അമ്മ നൽകിയ പരാതിയിലാണ് അറസ്റ്റ്. ചോറ് പാഴാക്കിക്കളയുന്നെന്നും മറ്റു കുട്ടികളുടെകൂടെ കളിക്കുമ്പോൾ വഴക്കുണ്ടാക്കുന്നെന്നും ആരോപിച്ചായിരുന്നു മർദനമെന്ന് പോലീസ് പറഞ്ഞു. കുട്ടിയെ ഇയാൾ കൈകൊണ്ട് അടിക്കുകയും കാലുയർത്തി തൊഴിക്കുകയും ചെയ്യുന്നതിന്റെ വീഡിയോ ദൃശ്യം പുറത്തുവന്നു. ഫെബ്രുവരി 16-നാണ് സംഭവം. വിദ്യാർഥിനിയെ മുഹമ്മദ് ഹാസൻ ഓഫീസിലേക്ക്…