മൈസൂരു; വർണ്ണാഭമായ ദസറ ആഘോഷങ്ങൾക്ക് ശേഷം ആനകൾക്ക് ഗംഭീര യാത്രയയപ്പ് നൽകി. 10 ദിവസത്തെ ആഘോഷങ്ങൾക്ക് ശേഷമാണ് വനത്തിലെ പരിപാലന കേന്ദ്രങ്ങളിലേക്ക് ആനകളെ യാത്രയാക്കിയത്.
ഇത്തവണത്തെ ദസറ ആഘോഷത്തിൽ അമ്പാരി ആനയായി അഭിമന്യുവാണ് നേതൃത്വം നൽകിയത്. കൂടെ മറ്റ് 8 ആനകളും ഉണ്ടായിരുന്നു. കൊട്ടാരത്തിലെ പൂജാരിയുടെ നേതൃത്വത്തിൽ ആനകൾക്ക് പ്രത്യേക പൂജ നടത്തുകയും ഭക്ഷണങ്ങൾ നൽകുകയും ചെയ്തു.
പാപ്പാൻമാരുൾപ്പെടെ ആനകളുടെ കൂടെ ഉള്ളവർക്ക് കൊട്ടാരത്തിൽ നിന്ന് പാരിതോഷികമായി 10,000 രൂപ വീതം നൽകി. ലോറികളിലാണ് ആനകളെ കൊണ്ടുപോയത്.
എല്ലാ ആനകളും ആരോഗ്യത്തോടെ ഇരിക്കുന്നുവെന്ന് വനം വകുപ്പ് ഡപ്യൂട്ടി കൺസർവേറ്റർ കരികാലൻ അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
