Tag: wedding

തിരുവനന്തപുരം : മേയർ ആര്യ രാജേന്ദ്രന്റെയും സച്ചിന്റെയും വിവാഹം സെപ്റ്റംബർ 4ന്. വിവാഹം സെപ്റ്റംബർ നാലിന് രാവിലെ 11 മണിക്ക് നടക്കുമെന്ന് മേയർ ഫേസ്ബുക്കിലൂടെ അറിയിച്ചു. തിരുവനന്തപുരം എകെജി ഹാളിലായിരിക്കും വിവാഹ ചടങ്ങുകൾ. പരമാവധിപേരെ നേരിട്ട് ക്ഷണിക്കാൻ ശ്രമിച്ചിട്ടുണ്ട്. ആരെയെങ്കിലും വിട്ട് പോയിട്ടുണ്ടെങ്കിൽ ഇതൊരു ക്ഷണമായി പരിഗണിച്ച് വിവാഹത്തിൽ സകുടുംബം പങ്കുചേരണമെന്നും ആര്യ അഭ്യർത്ഥിച്ചു. വിവാഹത്തിന് യാതൊരു വിധത്തിലുള്ള ഉപഹാരങ്ങളും സ്വീകരിക്കുന്നില്ലെന്നും അത്തരത്തിൽ സ്നേഹോപഹാരങ്ങൾ നൽകണമെന്ന് ആഗ്രഹിക്കുന്നവർ നഗരസഭയുടെ വൃദ്ധ സദനങ്ങളിലോ അഗതിമന്ദിരത്തിലോ അല്ലെങ്കിൽ മുഖ്യമന്ത്രിയുടെ ദുരിതാശ്വാസ നിധിയിലേക്കോ നൽകണമെന്ന് മേയർ ഫേസ്ബുക്കിൽ കുറിച്ചു.