ചെന്നൈ: പാ രഞ്ജിത്തിന്റെ ‘തങ്കലാൻ’ ചിത്രീകരണത്തിനിടെ നടൻ വിക്രമിന് ഗുരുതര പരിക്ക്. ചിത്രീകരണത്തിനിടെയുണ്ടായ അപകടത്തിൽ വിക്രമിന്റെ വാരിയെല്ലൊടിഞ്ഞതായാണ് പുറത്ത് വരുന്ന വിവരം. ഡോക്ടർമാർ സർജറി നിർദ്ദേശിച്ചിരിക്കുകയാണ്. ഈ സാഹചര്യത്തിൽ വിക്രം ‘തങ്കലാൻ’ ചിത്രീകരണത്തിൽ നിന്ന് ഇടവേളയെടുക്കും. ‘പൊന്നിയൻ സെൽവൻ 2’ പ്രമോഷൻ പൂർത്തിയായി കഴിഞ്ഞ ദിവസമാണ് വിക്രം ‘തങ്കലാൻ’ സംഘത്തിനൊപ്പം ചേർന്നത്. ഷൂട്ടിന് മുൻപുളള റിഹേഴ്സലിനിടെയാണ് താരത്തിന് അപകടം സംഭവിച്ചത്. ഒരു മാസത്തോളം താരത്തിന് സിനിമാ രംഗത്ത് നിന്ന് ഇടവേള എടുക്കേണ്ടി വന്നേക്കും. ഇതോടെ തങ്കലാൻ ചിത്രീകരണവും താൽക്കാലികമായി നിർത്തിവെച്ചിരിക്കുകയാണ്.
Read Moreഷൂട്ടിങ്ങിനിടെ നടൻ വിക്രമിന് ഗുരുതര പരിക്ക്, സർജറി ഉടൻ
