ബെംഗളൂരു: ഞായറാഴ്ച രാത്രിയും തിങ്കളാഴ്ച പുലർച്ചെയുമായി ബെംഗളൂരു നഗരത്തിൽ ഇടിമിന്നലോടു കൂടിയ കനത്ത മഴ പെയ്തു. അതിനാൽ നഗരത്തിലെ അങ്കണവാടികൾക്കും സ്കൂളുകൾക്കും ഇന്ന് (ഓഗസ്റ്റ് 21, തിങ്കൾ) അവധി പ്രഖ്യാപിച്ച് ജില്ലാ കളക്ടർ ഉത്തരവിറക്കി.
ആർക്കൊക്കെയാണ് അവധി ബാധകം ?
അങ്കണവാടി, എൽകെജി, യുകെജി, സർക്കാർ, സ്വകാര്യ പ്രൈമറി, ഹൈസ്കൂൾ, എയ്ഡഡ്, അൺ എയ്ഡഡ് സ്കൂളുകൾ ഉൾപ്പെടെ നഗരത്തിലെ എല്ലാ സ്കൂളുകൾക്കും അവധി പ്രഖ്യാപിച്ച് ബെംഗളൂരു സിറ്റി കളക്ടർ ജഗദീഷ് ഉത്തരവിറക്കി. കനത്ത മഴയ്ക്കുള്ള മുൻകരുതൽ എന്ന നിലയിലാണ് ഈ തീരുമാനം.
