പത്തനംതിട്ട : ഒരു കിലോയിലധികം ഹാഷിഷ് ഓയിൽ കൈവശം വച്ചതിന് ബെംഗളൂരുവിൽ പഠിക്കുന്ന ഏവിയേഷൻ വിദ്യാർത്ഥിയെ തിരുവല്ലയിൽ നിന്ന് പോലീസ് ഞായറാഴ്ച അറസ്റ്റ് ചെയ്തു.
ബെംഗളൂരുവിൽ ഏവിയേഷൻ പഠിക്കുന്ന കോഴിക്കോട് സ്വദേശിയായ 21കാരനെയാണ് തിരുവല്ല പോലീസും ജില്ലാ ആന്റി നാർക്കോട്ടിക് സ്പെഷ്യൽ ആക്ഷൻ ഫോഴ്സും (ഡാൻസാഫ്) പിടികൂടിയത്.
തിരുവല്ലയിലെയും പരിസരങ്ങളിലെയും വിദ്യാർത്ഥികൾക്ക് വിതരണം ചെയ്യുന്നതിനായി ബെംഗളൂരുവിൽ നിന്നാണ് മയക്കുമരുന്ന് കൊണ്ടുവന്നതെന്ന് പിടിയിലായ പ്രതിയെ ചോദ്യം ചെയ്യലിൽ പറഞ്ഞതായി പോലീസ് പറഞ്ഞു.
ജില്ലാ പോലീസ് മേധാവി വി അജിത് ഐപിഎസിന് ലഭിച്ച രഹസ്യവിവരത്തെ തുടർന്ന് തിരുവല്ല റെയിൽവേ സ്റ്റേഷനു സമീപത്തു നിന്നാണ് ഏവിയേഷൻ വിദ്യാർത്ഥി മയക്കുമരുന്നുമായി പിടിയിലായതെന്ന് പോലീസ് പറഞ്ഞു.
മയക്കുമരുന്നിന്റെ ഉറവിടത്തെക്കുറിച്ചും കൂടുതൽ ആളുകൾ ഉൾപ്പെട്ടിട്ടുണ്ടോയെന്നും വിശദമായ അന്വേഷണത്തിന് ജില്ലാ പോലീസ് മേധാവി ഉത്തരവിട്ടതായി പറയുന്നു.
പത്തനംതിട്ടയിൽ മദ്യത്തിനും മയക്കുമരുന്നിനുമെതിരായ നിയമനടപടികൾ തുടരുമെന്ന് ജില്ലാ പോലീസ് മേധാവിയും അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
