തിരുവനന്തപുരം: ക്രിക്കറ്റ് പ്രേമികളെ ആവേശത്തിലാഴ്ത്താന് കേരളം വീണ്ടും വേദിയാകുന്നു. ഈ വര്ഷം നവംബര് ഒന്നിന് നടക്കുന്ന ഇന്ത്യ-വെസ്റ്റ് ഇന്ഡീസ് ഏകദിന മത്സരത്തിനാണ് കേരളം വേദിയാകുന്നത്. തിരുവനന്തപുരത്തെ കാര്യവട്ടം ഗ്രീന്ഫീല്ഡ് സ്റ്റേഡിയമോ, കൊച്ചി ജവഹര്ലാല് നെഹ്റു സ്റ്റേഡിയമോ വേദിയായേക്കുമെന്നാണ് സൂചന.
പ്രഥമ പരിഗണന കൊച്ചിയ്ക്കെന്നാണ് റിപ്പോര്ട്ടുകള് സൂചിപ്പിക്കുന്നത്. ജിസിഡിഎ സഹകരിച്ചില്ലെങ്കില് കാര്യവട്ടം ഗ്രീന്ഫീല്ഡ് സ്റ്റേഡിയം വേദിയാകുമെന്നും കേരളാ ക്രിക്കറ്റ് അസോസിയേഷന് സൂചിപ്പിച്ചു.
കഴിഞ്ഞ വര്ഷം സെപ്റ്റംബർ മുതൽ ഡിസംബർ വരെ നടന്ന ഇന്ത്യയുടെ ഹോം ക്രിക്കറ്റ് സീസണിലെ 23 മത്സരങ്ങളിൽ ഇന്ത്യ-ന്യൂസിലൻഡ് ട്വൻറി20 പോരാട്ടത്തിന് ഗ്രീൻ ഫീല്ഡ് സ്റ്റേഡിയം വേദിയായിരുന്നു. ബിസിസിഐ ടൂര്സ് ആന്ഡ് ഫിക്സ്ചേഴ്സ് കമ്മിറ്റിയാണ് കാര്യവട്ടത്തിന് രാജ്യാന്തര ട്വന്റി-20 അനുവദിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
