ബെംഗളൂരു : വയനാട്ടിലെ ഉരുൾപൊട്ടൽ ദുരന്തത്തിൽ മരിച്ച കർണാടക സ്വദേശികളുടെ കുടുംബത്തിന് അഞ്ചുലക്ഷം രൂപ വീതം നഷ്ടപരിഹാരം പ്രഖ്യാപിച്ച് കർണാടക സർക്കാർ. മുഖ്യമന്ത്രി സിദ്ധരാമയ്യയാണ് ഇക്കാര്യമറിയിച്ചത്. ദുരന്തത്തിൽ കർണാടകത്തിൽനിന്നുള്ള ഒൻപതു പേർ മരിച്ചതായാണ് വിവരം. ഇക്കാര്യം സർക്കാർ സ്ഥിരീകരിച്ചിട്ടില്ല. ചാമരാജനഗർ ജില്ലയിൽനിന്നുള്ള നാലുപേരുടെ മൃതദേഹങ്ങൾ കണ്ടെത്തിയതായി ചാമരാജനഗർ ഡെപ്യൂട്ടി കമ്മിഷണറുടെ ഓഫീസിൽനിന്ന് അറിയിച്ചു. ഒൻപത് പേരെ കാണാതായെന്നും പറഞ്ഞു. മാണ്ഡ്യ ജില്ലയിലെ കെ.ആർ. പേട്ട്, മലവള്ളി താലൂക്കുകളിൽനിന്നുള്ളവരും ദുരന്തത്തിൽപ്പെട്ടതായി വിവരമുണ്ട്.
Read Moreവയനാട്ടിലെ ഉരുൾപൊട്ടൽ ദുരന്തത്തിൽ മരണമടഞ്ഞ കന്നഡികരുടെ കുടുംബങ്ങൾക്ക് അഞ്ച് ലക്ഷം ധനസഹായം; സർക്കാർ
