ബെംഗളൂരു: മംഗളൂരുവില് മാധ്യമപ്രവര്ത്തകരുടെ കൃത്യനിര്വഹണത്തെ തടയുകയും ചട്ടവിരുദ്ധമായി അവരെ കസ്റ്റഡിയില് വെയ്ക്കുകയും ചെയ്ത കര്ണാടക പൊലീസിനെ വിമര്ശിച്ച് എ.ഐ.സി.സി ജനറല് സെക്രട്ടറി കെ.സി വേണുഗോപാല്.
മാധ്യമപ്രവര്ത്തകരെ കസ്റ്റഡിയിലെടുത്ത സംഭവം രാജ്യത്ത് ഭീകരവാഴ്ച നടക്കുന്നതിന്റെ തെളിവാണെന്ന് വേണുഗോപാല് പ്രതികരിച്ചു. മാധ്യമപ്രവര്ത്തകരെ അടിച്ചമര്ത്താനുള്ള ശ്രമം വിലപ്പോകില്ലെന്നും കെ.സി വേണുഗോപാല് പറഞ്ഞു.
മന്ത്രി ഇ.ചന്ദ്രശേഖരനും പത്രപ്രവര്ത്തക യൂണിയന് സംസ്ഥാന ജനറല് സെക്രട്ടറി ഇ.എസ് സുഭാഷും മാധ്യമപ്രവര്ത്തകരെ കസ്റ്റഡിയില് എടുത്ത നടപടിയില് പ്രതിഷേധിച്ചു.
Kerala Revenue Minister E Chandrasekharan to ANI: Once I received the info that Kerala journalists including those from Kasaragod have been taken into custody by Police in Mangaluru, I asked Kerala Chief Secy to contact Karnataka Govt and conduct an inquiry into it. #CAA
— ANI (@ANI) December 20, 2019
ഇന്ന് രാവിലെയാണ് പൗരത്വ നിയമത്തിനെതിരെ നടന്ന പ്രതിധേഷധത്തില് പൊലീസിന്റെ വെടിയേറ്റ് മരിച്ചവരുടെ പോസ്റ്റ്മോര്ട്ടം നടപടികള് റിപ്പോര്ട്ട് ചെയ്യാന് പോയ മാധ്യമപ്രവര്ത്തകരെ കര്ണാടക പൊലീസ് അറസ്റ്റ് ചെയ്തത്.
മാധ്യമ സംഘത്തില് നിന്ന് ക്യാമറ അടക്കമുള്ള ഉപകരണങ്ങള് പൊലീസ് പിടിച്ചെടുത്തു. സിറ്റി പോലീസ് കമ്മീഷണര് ഡോ. പി.എസ് ഹര്ഷയുടെ നേതൃത്വത്തിലുള്ള പോലീസ് സംഘമാണ് ഇവരെ കസ്റ്റഡിയിലെടുത്തത്. പൊലീസ് എത്തി മാധ്യമപ്രവര്ത്തകരോട് ആശുപത്രി പരിസരത്തു നിന്ന് മാറാന് ആവശ്യപ്പെടുകയായിരുന്നു.
തുടര്ന്നാണ് മാധ്യമ സംഘത്തെ കസ്റ്റഡിയില് എടുത്തത്. കര്ഫ്യൂ മാധ്യമപ്രവര്ത്തകര്ക്കും ബാധകമാണെന്ന് പോലീസ് പറഞ്ഞു. പോലീസ് വാഹനത്തിലാണ് ഇവരെ കസ്റ്റഡിയില് വെച്ചിരിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
