ബെംഗളൂരു: കര്ണാടക തെരഞ്ഞെടുപ്പില് വന് ഭൂരിപക്ഷത്തോടെ കോണ്ഗ്രസ് അധികാരത്തിലെത്തുമെന്ന് കര്ണാടക മുഖ്യമന്ത്രി സിദ്ധരാമയ്യ. യെഡിയൂരപ്പയും കുമാരസ്വാമിയും പറയുന്നത് അവര് അധികാരത്തിലെത്തുമെന്നാണ്. എന്നാല് പ്രധാനപ്പെട്ട മണ്ഡലങ്ങള് ബിജെപിക്ക് പിടിച്ചെടുക്കാനാകില്ലെന്നും വന് ഭൂരിപക്ഷം കോണ്ഗ്രസിന് തന്നെയായിരിക്കുമെന്നും സിദ്ധരാമയ്യ പറഞ്ഞു.
അതേസമയം കോണ്ഗ്രസ് വലിയ ഒറ്റകക്ഷിയാകുമെന്ന് സര്വേ ഫലങ്ങളും വ്യക്തമാക്കുന്നു. 224 അംഗ കര്ണാടക നിയമസഭയില് 118മുതല് 128 വരെ സീറ്റുകള് നേടി കോണ്ഗ്രസ് ഏറ്റവും വലിയ ഒറ്റക്കക്ഷിയാകുമെന്നാണ സി ഫോര് അഭിപ്രായ സര്വ്വേഫലം പറയുന്നത്. മോദിയുടെ പ്രചരണം ചൂടുപിടിക്കുമ്പോഴാണ് ബിജെപിക്ക് തിരിച്ചടിയായി അഭിപ്രായ സര്വ്വേഫലം പുറത്തു വന്നത്. ഏപ്രില് 20മുതല് 30 വരെ നടത്തിയ അഭിപ്രായ സര്വേയാണ് പുറത്തുവന്നത്. ബിജെപിയ്ക്ക് 63 മുതല് 73 വരെ സീറ്റുകളാണ് പ്രവചിക്കുന്നത്.
ബംഗളൂരു, മഹാരാഷ്ട്രയോടടുത്ത് കിടക്കുന്ന ബോംബെ കര്ണാടക, തീരദേശ കര്ണാടക, ആന്ധ്രയോടടുത്തുള്ള ഹൈദരാബാദ് കര്ണാടക തുടങ്ങിയ മേഖലകള് കോണ്ഗ്രസിനോടൊപ്പമാണെന്നും മധ്യകര്ണാടക ബിജെപിയ്ക്കൊപ്പമായിരിക്കുമെന്നും സര്വെ വിലയിരുത്തുന്നു.
ജനതാദള് എസിന് 29-36 സീറ്റുകള് കിട്ടാന് സാധ്യതയുണ്ട്. മുന് മുഖ്യമന്ത്രി യെഡിയൂരപ്പയുടെ നേതൃത്വത്തിലാണ് ബിജെപി കര്ണാടകത്തില് കച്ചമുറുക്കുന്നത്.ബെല്ലാരിയില് ആയിരക്കണക്കിന് കോടികളുടെ അഴിമതി ആരോപണം നേരിടുന്ന റെഡ്ഡി സഹോദരന്മാര്ക്ക് സീറ്റു നല്കിയത് ബിജെപിക്ക് തിരിച്ചടിയാകുമെന്നാണ് നിലവില് വിലയിരുത്തുന്നത്.
നരേന്ദ്രമോദി വീണ്ടും പ്രചാരണത്തില് സജീവമാകുന്നതോടെ തെക്കേ ഇന്ത്യയിലും താമര വിരിയിക്കാനാകുമെന്ന പ്രതീക്ഷയിലാണ് ബിജെപി. സിദ്ധരാമയ്യ സര്ക്കാരിനെതിരെ ഭരണവിരുദ്ധ വികാരം ഇല്ലായെന്നതിന് തെളിവാകുകയാണ് സര്വെ ഫലങ്ങള്. പുറത്തുവന്ന സര്വെ ഫലങ്ങള് മിക്കതും കോണ്ഗ്രസിന് അനുകൂലമാണ്. ഇരുപാര്ട്ടിയും വമ്പന്പ്രചാരണമാണ് നടത്തുന്നത്.
അതേ സമയം ബി ടി വി നടത്തിയ സർവേ ബി ജെ പി ക്ക് അനുകൂലമായ ഫലമാണ് നൽകുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
