ബെന്ഗളൂരു : ബാഹുബലിയുടെ വിജയത്തില്‍ നിന്നും പ്രചോദനം ഉള്‍ക്കൊണ്ട് കര്‍ണാടകയിലും മഹാ ഭാരതം സിനിമയാകുന്നു,ദുര്യോധനനെ കേന്ദ്ര കഥാ പത്രമാക്കി “കുരുക്ഷേത്ര” എന്നാ പേരില്‍ ആയിരിക്കും ചിത്രം പുറത്തുവരിക.സാന്ടല്‍ വൂഡിലെ ഹിറ്റ്‌ ചിത്രങ്ങളുടെ സംവിധായകന്‍ ആയ നാഗന്ന സംവിധാനം ചെയ്യുന്ന ചിത്രത്തിന്റെ നിര്‍മാതാവ് എം എല്‍ എ മുനിരത്ന ആണ്,മലയാളത്തില്‍ ഉടന്‍ പുറത്തിറങ്ങാന്‍ പോകുന്ന മോഹന്‍ ലാല്‍ ചിത്രമായ വില്ലന്‍ ന്റെയും നിര്‍മാതാവ് ഇദ്ദേഹമാണ്.ജെ കെ ഭരവിയാണ് തിരക്കഥ എഴുതുന്നത്‌.ബാഹുബലിയെ പോലെ തന്നെ ബിഗ്‌ ബജറ്റ് ചിത്രമായിരിക്കും ഇതെന്ന് നിര്‍മാതാവ് എന്‍ മുനിരത്ന അറിയിച്ചു.
നായക കഥാപാത്രമായി സൂപ്പര്‍ താരം ദര്‍ശനെ ആണ് പരിഗണിക്കുന്നത്,മുന്‍പ് ഇറങ്ങിയ ചരിത്ര സിനിമയായ സന്കൊള്ളി രായന്ന യില്‍ ദര്‍ശന്‍ നല്ല പ്രകടനം ആണ് കാഴ്ചവച്ചത്.ഭീഷ്മരായി റിബല്‍ സ്റ്റാര്‍ അമ്ബരീഷിനെയും യുധിഷ്ടിരനായി ക്രേസി സ്റ്റാര്‍ രവിച്ചന്ദ്രനെയും പരിഗണിക്കുന്നുണ്ട്.മറ്റു ഭാഷകളിലെ താരങ്ങളെയും പരിഗണിക്കുന്നുണ്ട്.ഔദ്യോഗിക പ്രഖ്യാപനം ഉടന്‍ ഉണ്ടാകും.ജൂലൈ യില്‍ ചിത്രീകരണം ആരംഭിക്കും.
