ബെംഗളൂരു: ട്രെയിനില് യുവതിയെ ബലാത്സംഗം ചെയ്യാൻ ശ്രമിച്ച 22 കാരനെ പിടികൂടി . മുഹമ്മദ് ഷുറൈം എന്ന യുവാവാണ് അറസ്റ്റിലായത്
ഉഡുപ്പി സ്വദേശിനിയും ബെംഗളൂരുവിലെ ഐടി കമ്പനി ജീവനക്കാരിയുമായ യുവതി കൃഷ്ണ ജന്മാഷ്ടമി ആഘോഷങ്ങള്ക്കായി ഉഡുപ്പിയിലേക്ക് പോകുന്നതിനിടെ ഓഗസ്റ്റ് 25 ന് പുലർച്ചെയാണ് സംഭവം.
മുരഡേശ്വർ എക്സ്പ്രസിലാണ് യുവതി യാത്ര ചെയ്തിരുന്നത് .
ട്രെയിൻ ഉഡുപ്പിയില് എത്താൻ അര മണിക്കൂർ മാത്രം ശേഷിക്കെയാണ് ആക്രമണം നടന്നതെന്ന് പോലീസ് പറഞ്ഞു.
ഷുറൈം യുവതിയെ പീഡിപ്പിക്കാൻ ശ്രമിക്കുകയായിരുന്നു . യുവതി ചെറുത്തുനില്ക്കുകയും , എതിർപ്പ് പ്രകടിപ്പിക്കുകയും ചെയ്തു.
തുടർന്ന് യുവതി വിവരം ഉഡുപ്പി റെയില്വേ പോലീസിനെ അറിയിക്കുകയും മദാദ് ആപ്പ് വഴി പരാതി നല്കുകയും ചെയ്തു.
ട്രെയിനിലെ നൂറുകണക്കിന് യാത്രക്കാർക്കിടയില് നിന്ന് പ്രതിയെ തിരിച്ചറിയുക എന്ന ശ്രമകരമായ ദൗത്യമാണ് പോലീസിന് നേരിടേണ്ടി വന്നത്.
ആയിരത്തിലധികം ആളുകള് അന്ന് മുരഡേശ്വർ എക്സ്പ്രസില് യാത്ര ചെയ്തിരുന്നു.
എങ്കിലും, പോലീസ് ആദ്യം, അന്ന് രാത്രി ട്രെയിനില് യാത്ര ചെയ്ത എല്ലാ യാത്രക്കാരുടെയും വിവരങ്ങള് നേടി.
തുടർന്ന്, യുവതി നല്കിയ സൂചനകള് ഉപയോഗിച്ച് സംശയാസ്പദമായ പ്രതികളുടെ ഒരു ഷോർട്ട്ലിസ്റ്റ് ഉണ്ടാക്കി.
പ്രതി ഭട്കലില് ഇറങ്ങിയതായി പോലീസ് കണ്ടെത്തിയതാണ് വഴിത്തിരിവായത്. തുടർന്നാണ് മുഹമ്മദ് ഷുറൈം പിടിയിലായത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
