Day: 12 June 2026

ബെംഗളൂരു: വന്യജീവി-പരിസ്ഥിതി അനുമതികൾ ലഭിച്ചിട്ടും പ്രധാനമന്ത്രിയുടെ ഓഫീസിന്റെ (PMO) അന്തിമ അനുമതി വൈകുന്നതിനാൽ ബെംഗളൂരു സാറ്റലൈറ്റ് ടൗൺ റിങ് റോഡ് (STRR) പദ്ധതി പ്രതിസന്ധിയിൽ. ബന്നാർഘട്ട വനമേഖലയിലൂടെ കടന്നുപോകുന്ന 144.25 കിലോമീറ്റർ ഭാഗത്തിനായുള്ള അനുമതിയാണ് കഴിഞ്ഞ 18 മാസമായി പി.എം.ഒയിൽ കെട്ടിക്കിടക്കുന്നത്. ഇതോടെ പദ്ധതിയുടെ സമയപരിധി സംബന്ധിച്ചും അനിശ്ചിതത്വം നിലനിൽക്കുകയാണ്. നേരത്തെ 2025-ൽ നിന്ന് 2026-ലേക്ക് നീട്ടിയ പദ്ധതി, ഈ വർഷം പി.എം.ഒ അനുമതി നൽകിയാൽ പോലും 2029-ന് മുമ്പ് പൂർത്തിയാക്കാൻ കഴിയില്ലെന്നാണ് റിപ്പോർട്ടുകൾ. അനുമതി വൈകുന്ന സാഹചര്യത്തിൽ, ഈ വർഷം ജനുവരിയിൽ ദേശീയ…

ബെംഗളൂരു: ബെംഗളൂരു ഗോരഗുണ്ടേപാളയയ്ക്ക് സമീപം ഗ്യാസ് സിലിണ്ടറുകൾ കയറ്റി വന്ന ലോറി ബൈക്കിലിടിച്ച് യുവദമ്പതികൾ സംഭവസ്ഥലത്തുതന്നെ മരിച്ചു. നാഗരഭാവി സ്വദേശികളായ ഷബ്രാജ് (28), ഭാര്യ ഷബീൻ (24) എന്നിവരാണ് ദരുണമായി കൊല്ലപ്പെട്ടത്. വ്യാഴാഴ്ചയായിരുന്നു അപകടം. യശ്വന്ത്പൂർ ട്രാഫിക് പോലീസ് നൽകുന്ന വിവരമനുസരിച്ച്, ദമ്പതികൾ നെലമംഗലയിൽ നിന്ന് നഗരത്തിലേക്ക് ബൈക്കിൽ വരികയായിരുന്നു. റോഡിന്റെ വലതുവശത്തുനിന്നും പെട്ടെന്ന് ഇടതുവശത്തേക്ക് ലോറി വെട്ടിച്ചതാണ് അപകടത്തിന് കാരണമായത്. ലോറിയുടെ ബ്രേക്ക് തകരാറിലായതിനെ തുടർന്ന് ഡ്രൈവർക്ക് നിയന്ത്രണം നഷ്ടപ്പെടുകയായിരുന്നുവെന്ന് പോലീസ് ഉദ്യോഗസ്ഥർ വ്യക്തമാക്കി. നിയന്ത്രണം വിട്ട ലോറി ബൈക്കിലിടിക്കുകയും ദമ്പതികളെയും ബൈക്കിനെയും…

ബെംഗളൂരു: നഗരത്തിലെ ഏറ്റവും തിരക്കേറിയ കവലകളിൽ കിലോമീറ്ററുകളോളം നീളുന്ന വാഹനക്കുരുക്കിലൂടെ ജനങ്ങൾ വലയുമ്പോൾ, റോഡിന് അടിയിലൂടെ സുരക്ഷിതമായി സഞ്ചരിക്കാൻ നിർമ്മിച്ച കാൽനട സബ്‌വേകൾ (അണ്ടർപാസുകൾ) അധികൃതരുടെ അവഗണനയും കൈയേറ്റവും മൂലം നശിക്കുന്നു. അതിവേഗ വാഹനങ്ങൾക്കിടയിലൂടെ ജീവൻ പണയം വെച്ച് റോഡ് മുറിച്ചുകടക്കുന്നത് ഒഴിവാക്കാനും, കാൽനടയാത്രക്കാരുടെ സുരക്ഷ ഉറപ്പാക്കാനുമായിരുന്നു നഗരത്തിന്റെ വിവിധ ഭാഗങ്ങളിൽ ഈ ഭൂഗർഭ പാതകൾ നിർമ്മിച്ചത്. എന്നാൽ നിലവിൽ ഭൂരിഭാഗം അണ്ടർപാസുകളും കാൽനടയാത്രക്കാർക്ക് ഉപയോഗിക്കാൻ കഴിയാത്ത വിധം മാറിയിരിക്കുകയാണ്. നഗരത്തിൽ ഫ്ലൈഓവറുകൾക്കും മെട്രോ വികസനത്തിനുമായി കോടികൾ നിക്ഷേപിക്കുമ്പോൾ, സാധാരണക്കാരായ കാൽനടയാത്രക്കാരുടെ അടിസ്ഥാന ആവശ്യങ്ങൾ…

ബെംഗളൂരു: സംസ്ഥാനത്തിന്റെ വിവിധ ഭാഗങ്ങളിൽ മൺസൂൺ മഴ കൃത്യമായി ലഭിക്കാത്തതിൽ കർഷകർ ആശങ്കപ്പെടുമ്പോൾ, ബാഗൽകോട്ടിൽ പെയ്യുന്ന കനത്ത പേമാരി ജനങ്ങളെ ദുരിതത്തിലാക്കുകയാണ്. എന്നാൽ, കഴിഞ്ഞ ദിവസം ഇവിടെയുണ്ടായ ഒരു പ്രകൃതിക്ഷോഭത്തിനിടയിൽ ഒരു കുടുംബത്തെ മരണത്തിൽ നിന്ന് ഒരു വളർത്തുപൂച്ച അത്ഭുതകരമായി രക്ഷിച്ച വാർത്തയാണ് ഇപ്പോൾ പുറത്തുവരുന്നത്. വല്ലഭായ് നഗറിൽ ഇന്നലെ പെയ്ത കനത്ത മഴയിൽ ഒരു വീടിന്റെ മേൽക്കൂര പൂർണ്ണമായും തകർന്നു വീണെങ്കിലും, വളർത്തുപൂച്ചയുടെ അപ്രതീക്ഷിത നീക്കം കാരണം അച്ഛനും മകനും തലനാരിഴയ്ക്ക് ജീവൻ തിരിച്ചുകിട്ടി. വല്ലഭായ് നഗറിലെ താമസക്കാരായ ഷബ്ബാർ ഭഗവാനും മകൻ അർബാസ്…

ബെംഗളൂരു: ഇവിടെയുള്ള എൽ.ഐ.സി കോളനിയിലെ ജനസേവ പ്രൈവറ്റ് സ്കൂൾ കെട്ടിടത്തിൽ നിന്ന് വീണ് പതിനഞ്ചുകാരനായ വിദ്യാർത്ഥി മരിച്ചു. ശാന്തിനഗർ സ്വദേശിയായ സമീർ (15) ആണ് മരിച്ചത്. ഈ സ്കൂളിലെ പത്താം ക്ലാസ് (എസ്.എസ്.എൽ.സി) വിദ്യാർത്ഥിയാണ് സമീർ. കുട്ടിയുടെ മരണത്തിൽ ദുരൂഹതയുണ്ടെന്നും സ്കൂൾ ജീവനക്കാരുടെ മാനസിക പീഡനമാണ് മരണത്തിന് കാരണമായതെന്നും ആരോപിച്ച് ബന്ധുക്കൾ രംഗത്തെത്തി. സ്കൂളിൽ വെച്ച് അധ്യാപകരിൽ നിന്നും ജീവനക്കാരിൽ നിന്നും തനിക്ക് ക്രൂരമായ പീഡനം നേരിടേണ്ടി വരുന്നുണ്ടെന്ന് സമീർ വീട്ടിൽ പറഞ്ഞിരുന്നതായി കുടുംബാംഗങ്ങൾ ആരോപിക്കുന്നു. പീഡനം സഹിക്കവയ്യാതെ കുട്ടി ജീവനൊടുക്കിയതാണെന്നാണ് കുടുംബത്തിന്റെ ആക്ഷേപം.…