തിരുവനന്തപുരം: ഭാരതാംബ ചിത്രവുമായി ബന്ധപ്പെട്ട വിവാദത്തില് വിശദീകരണവുമായി രാജ്ഭവന്. ഭാരതാംബയുടെ ചിത്രം ഒഴിവാക്കുമെന്ന് ആര്ക്കും ഉറപ്പ് കൊടുത്തിട്ടില്ലെന്ന് രാജ്ഭവന് വിശദീകരിച്ചു.
രാജ്ഭവന് പരിപാടി ബഹിഷ്കരിച്ച മന്ത്രി വി ശിവന്കുട്ടി പ്രോട്ടോക്കോള് ലംഘിച്ചെന്നും ഉദ്ഘാടനവും പുഷ്പാര്ച്ചനയും കഴിഞ്ഞതിനുശേഷമാണ് മന്ത്രി എത്തിയതെന്നും രാജ്ഭവന് അറിയിച്ചു.
അതിനുശേഷം പരിപാടി ബഹിഷ്കരിക്കുന്നു എന്ന് മൈക്കില് പറയുകയായിരുന്നു. സംസ്ഥാന സര്ക്കാരിന്റെ പരിപാടിയല്ല, അതുകൊണ്ടാണ് വിളക്ക് തെളിയിച്ച് ഉദ്ഘാടനം നടത്തിയതെന്നും രാജ്ഭവന് വിശദീകരിച്ചു.
ഭാരതാംബയുടെ ചിത്രം ഒഴിവാക്കുമെന്ന് ആര്ക്കും ഉറപ്പ് കൊടുത്തിട്ടില്ലെന്ന് പ്രസ് സെക്രട്ടറി ശ്രീകുമാര് അറിയിച്ചു. മന്ത്രി ഇറങ്ങി പോയിട്ടില്ലെന്നും അദ്ദേഹം പറഞ്ഞു.
