കോമൺവെൽത്ത് ഗെയിംസ് ഗുസ്തിയിൽ രവികുമാർ ദഹിയയ്ക്ക് സ്വർണം. നൈജീരിയയുടെ എബികെവെനിമോ വെൽസണെ തോൽപ്പിച്ചാണ് ദഹിയ സ്വർണം നേടിയത്. സ്കോർ 10-0 ആണ്. സെമിയിൽ പാക്കിസ്ഥാന്റെ ആസാദ് അലിയെ 12-4 എന്ന സ്കോറിന് തോൽപ്പിച്ചാണ് ദഹിയ ഫൈനലിലേക്ക് ടിക്കറ്റെടുത്തത്.
ലോൺ ബോൾസിൽ ഇന്ത്യൻ പുരുഷ ടീം വെള്ളി മെഡൽ നേടി. നോർത്തേൺ അയർലൻഡിനെതിരായ ഫൈനലിൽ 5-18നാണ് ഇന്ത്യ വെള്ളി മെഡൽ നേടിയത്. ഈ വിജയത്തോടെ, ലോൺ ബോൾസ് വനിതകളുടെയും പുരുഷൻമാരുടെയും ഇനങ്ങളിൽ ഇന്ത്യ മെഡൽ നേടി. വനിതകളുടെ ലോൺ ബോൾസിൽ ഇന്ത്യ സ്വർണ്ണ മെഡൽ നേടിയിരുന്നു. സ്റ്റീപ്പിൾചേസിൽ അവിനാഷ് സാബ്ലെ വെള്ളി മെഡൽ നേടി. സ്വന്തം ദേശീയ റെക്കോർഡ് തകർത്ത്, അവിനാഷ് 8 മിനിറ്റ് 11.20 സെക്കൻഡിൽ ഫിനിഷ് ചെയ്തു. 8 മിനിറ്റ് 12.48 സെക്കൻഡായിരുന്നു താരത്തിന്റെ ദേശീയ റെക്കോർഡ്. 8 മിനിറ്റ് 11. 15 സെക്കൻഡിനുള്ളിൽ ഫിനിഷ് ചെയ്ത കെനിയയുടെ അബ്രഹാം കിബിവോട്ട് സ്വർണം നേടി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
