ദുബായ്: പ്രളയ ദുരന്തത്തില് അകപ്പെട്ട കേരളത്തിന് 700 കോടി സഹായം പ്രഖ്യാപിച്ച യുഎഇ സര്ക്കാരിന് പിന്നാലെ ദുബായ് പൊലീസും.
നിങ്ങള്ക്കൊപ്പം ഞങ്ങളുണ്ടെന്ന സന്ദേശത്തോടെ പുറത്തിറക്കിയിരിക്കുന്ന വീഡിയോ സോഷ്യല് മീഡിയയില് തരംഗം സൃഷ്ടിക്കുകയാണ്. ഹിന്ദി, മലയാളം, ഇംഗ്ലീഷ് എന്നിങ്ങനെ മൂന്ന് ഭാഷകളിലായാണ് സന്ദേശങ്ങള് വന്നിരിക്കുന്നത്. ദുബായ് പൊലീസിലെ മലയാളി ഉദ്യോഗസ്ഥനായ അബ്ദുല് അസീസിസാണ് മലയാളത്തില് സന്ദേശം നല്കിയിരിക്കുന്നത്.
കേരളത്തിലെ ദുരിതാശ്വാസ പ്രവര്ത്തനങ്ങള്ക്ക് നിരവധി സംഭാവനകളാണ് യുഎഇ ഭരണാധികാരികളില് നിന്നും കേരളത്തിന് ലഭിച്ചത്. പല മലയാളി കുടുംബങ്ങളുടെയും രണ്ടാം വീടാണ് ഗള്ഫ്. അവിടെയുള്ള മലയാളികളും ആ നിലയില് തന്നെയാണ് കാണുന്നത്.
https://youtu.be/mr_AFAsoMAw
നേരത്തെ തന്നെ കേരളത്തിലെ ജനങ്ങളെ സഹായിക്കാന് എല്ലാവരും മുന്നോട്ട് വരണമെന്ന് യുഎഇ ഭരണകൂടം അഭ്യര്ത്ഥിച്ചിരുന്നു. നൂറ്റാണ്ടിലെ ഏറ്റവും വലിയ ദുരിതമാണ് കേരളം അനുഭവിക്കുന്നതെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം ട്വിറ്ററിലൂടെ പറഞ്ഞിരുന്നു.
കേരളത്തിലെ ദുരിതബാധിതര്ക്ക് സഹായം എത്തിക്കാന് യുഎഇ പ്രത്യേക സമിതിക്കും രൂപം നല്കിയിരുന്നു. എമിറേറ്റ്സ് റെഡ് ക്രെസന്റിന്റെ നേതൃത്വത്തിലുള്ള സമിതിയില് രാജ്യത്തെ പ്രമുഖ സന്നദ്ധസംഘനകളെയാണ് ഉള്പ്പെടുത്തിയിരിക്കുന്നത്.
യു.എ.ഇയുടെ വിജയത്തിന് കേരള ജനതയുടെ പിന്തുണ എക്കാലവും ഉണ്ടായിരുന്നുവെന്നും പ്രളയ ബാധിതരെ പിന്തുണക്കാനും സഹായിക്കാനും പ്രത്യേക ഉത്തരവാദിത്വമുണ്ടെന്നും ശൈഖ് മുഹമ്മദ് ബിന് റാഷിദ് കഴിഞ്ഞ ട്വിറ്ററിലൂടെ അഭിപ്രായപ്പെട്ടിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
