ബെംഗളൂരു: രാജ്യത്തെ ഉള്ളി വില കുതിച്ചുയരുന്ന സാഹചര്യത്തിൽ കാർ സർവീസ് ചെയ്യാനെത്തുന്ന ഉപഭോക്താക്കൾക്ക് ” അവിശ്വസനീയമായ”ഓഫർ പ്രഖ്യാപിച്ചിരിക്കുകയാണ് നഗരത്തിലെ കാർ സർവീസ് സെന്റർ.
സർവീസ് സെന്ററിലെത്തി കാർ സർവീസ് നടത്തുന്ന എല്ലാവർക്കും രണ്ട് കിലോ ഉള്ളി സൗജന്യമായി ലഭിക്കുമെന്നാണ് ആ വാഗ്ദാനം.
രസകരമായ ഈ ഓഫർ നൽകി തുടങ്ങിയ ശേഷം നിരവധി ആളുകൾ കസ്റ്റമർ കെയർ നമ്പറിലേക്ക് വിളിച്ച് കാര്യങ്ങൾ അന്വേഷിക്കുന്നതായി സർവീസ് സെന്റർ ഉടമകളായ രെഞ്ചുവും ജിനോ കുര്യനും പറയുന്നു.
ഇരുവരും മലയാളികളാണ്.
ഉള്ളി വില കുതിച്ചയുമ്പോൾ ഇതുമായി ബന്ധപ്പെടുത്തി സർവീസ് ഒന്ന് രസകരമാക്കാം എന്ന് തോന്നിയതുകൊണ്ടാണ് ഇങ്ങനെയൊരു ഓഫർ പ്രഖ്യാപിച്ചതെന്ന് രെഞ്ചു പറഞ്ഞു.
കാറുമായി ജനറൽ സർവീസിനെത്തുന്ന എല്ലാവർക്കും രണ്ട് കിലോ ഉള്ളി ലഭിക്കും. 1400 രൂപ മുതലാണ് ഇവിടെ ജനറൽ സർവീസിനുള്ള ചെലവ്.
ഇവർക്ക് മഹാദേവ പുരയിലും ഇലക്ട്രോണിക് സിറ്റിയിലും ഗാരേജുകൾ ഉണ്ട്. സർവീസ് ബുക്ക് ചെയ്യാൻ www.bookmycarservice.in സന്ദർശിക്കുക.
