കൊച്ചി: കലാഭവൻ മണിയുടെ സഹോദരനും നര്ത്തകനും കലാകാരനുമായ ആര്എല്വി രാമകൃഷ്ണനെ വംശീയമായി അധിക്ഷേപിക്കും വിധം സംസാരിച്ച കലാമണ്ഡലം സത്യഭാമയ്ക്കെതിരെ മുമ്പ് സ്ത്രീധന പീഡനക്കേസും.
2022ലാണ് ഇങ്ങനെയൊരു കേസ് ഫയല് ചെയ്തത്.
മകന്റെ ഭാര്യ നല്കിയ പരാതിയില് കഴിഞ്ഞ നവംബറിലാണ് കേസ് എടുത്തിട്ടുള്ളത്.
മരുമകളില് നിന്നും കൂടുതല് സത്രീധനം ആവശ്യപ്പെട്ട സത്യഭാമ അവരെ മാനസികമായും ശാരീരികമായും ഉപദ്രവിച്ചെന്നും വീട്ടില് നിന്നും പുറത്താക്കിയെന്നും എഫ്ഐആറില് പറയുന്നു.
2022 സെപ്തംബറിലാണ് പരാതിക്കാരിയും സത്യഭാമയുടെ മകന് അനൂപും തമ്മിലുള്ള വിവാഹം നടന്നത്.
കേസില് രണ്ടാം പ്രതിയായ സത്യഭാമ മകന്റെ ഭാര്യക്ക് സ്വന്തം വീട്ടുകാര് വിവാഹസമ്മാനമായി നല്കിയ 35 പവന് സ്വര്ണ്ണാഭരണങ്ങള് ഊരിവാങ്ങിയശേഷം കൂടുതല് സ്ത്രീധനം ആവശ്യപ്പെടുകയായിരുന്നു.
പെൺകുട്ടിയെ മാനസികമായി പീഡിപ്പിച്ചെന്നും കേസിൽ പറയുന്നുണ്ട്.
ഇതിന് പുറമെ സ്ത്രീധനമായി പത്ത് ലക്ഷം രൂപ കൂടുതല് വീട്ടുകാരില് നിന്നും വാങ്ങികൊണ്ടുവരാന് നിര്ബന്ധിക്കുകയും ചെയ്തതായി പരാതിയിൽ പറയുന്നു.
വീടും പരിസരവും സത്യഭാമയുടെ മകന്റെ പേരില് എഴുതികൊടുത്ത് ശേഷം വീട്ടിലേക്ക് വന്നാല് മതിയെന്ന് ഭീഷണിപ്പെടുത്തിയെന്നും എഫ്ഐആറില് പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
