Day: 17 October 2026

ബെംഗളൂരു: ഗതാഗതക്കുരുക്കിൽ നിന്ന് രക്ഷനേടാൻ ബെംഗളൂരു നഗരവാസികൾ ആശ്രയിക്കുന്ന റാപ്പിഡോ പോലുള്ള ബൈക്ക് ടാക്സി സർവീസുകൾ യാത്രക്കാർക്ക് ഏറെ സൗകര്യപ്രദമാണെങ്കിലും, നഗരത്തിൽ സ്ത്രീകളുടെ സുരക്ഷയെക്കുറിച്ചുള്ള ആശങ്കകൾ വീണ്ടും ശക്തമാകുന്നു. ബെംഗളൂരുവിൽ നഗരത്തിലൂടെ യാത്രാവേളയിൽ റാപ്പിഡോ ഡ്രൈവറിൽ നിന്ന് ഉണ്ടായ ദുരനുഭവം ഒരു യുവതി സാമൂഹിക മാധ്യമങ്ങളിലൂടെ പങ്കുവെച്ചതോടെയാണ് സംഭവം പുറത്തുവന്നത്. കഴിഞ്ഞ ഒക്ടോബർ 15-നാണ് സംഭവം നടന്നത്. മഴ കാരണം യാത്ര തുടരുന്നതിൽ സംശയം പ്രകടിപ്പിച്ച യുവതിയോട് റൈഡ് റദ്ദാക്കരുതെന്ന് ഡ്രൈവർ സയ്യിദ് തൗസിഫ് സെഡ് ആവർത്തിച്ച് ആവശ്യപ്പെടുകയായിരുന്നു. എന്നാൽ യാത്ര ആരംഭിച്ചതുമുതൽ ഡ്രൈവറുടെ…

ബെംഗളൂരു: കർണാടകയിൽ കെട്ടിക്കിടക്കുന്ന പതിനായിരക്കണക്കിന് പുതിയ ഗാർഹിക എൽ.പി.ജി (LPG) അപേക്ഷകളിൽ എത്രയും വേഗം തീരുമാനമെടുക്കണമെന്നും പുതിയ കണക്ഷനുകൾ അനുവദിക്കുന്നത് വേഗത്തിലാക്കണമെന്നും ആവശ്യപ്പെട്ട് സംസ്ഥാന ഭക്ഷ്യ-പൊതുവിതരണ വകുപ്പ് മന്ത്രി റിസ്‌വാൻ അർഷാദ്. ഇക്കാര്യമുന്നയിച്ച് കേന്ദ്ര പെട്രോളിയം മന്ത്രി ഹർദീപ് സിംഗ് പുരിക്ക് അദ്ദേഹം കത്തയച്ചു. ആഗോളതലത്തിൽ ഉണ്ടായ എൽ.പി.ജി പ്രതിസന്ധിയെ തുടർന്നാണ് പുതിയ കണക്ഷനുകൾ നൽകുന്ന നടപടികൾ മന്ദഗതിയിലായതെന്ന് മന്ത്രി ചൂണ്ടിക്കാട്ടി. നിലവിൽ മുപ്പത്തിയാറായിരത്തോളം അപേക്ഷകളാണ് കർണാടകയിൽ മാത്രം കെട്ടിക്കിടക്കുന്നത്. ഗാർഹിക സിലിണ്ടറുകളും 5 കിലോഗ്രാം സിലിണ്ടറുകളും തമ്മിലുള്ള വില വ്യത്യാസം സാധാരണക്കാരെയും ഇടത്തരം…

ബെംഗളൂരു: സ്വകാര്യ ആശുപത്രികളിൽ ഒരേ തരത്തിലുള്ള ചികിത്സയ്ക്കും ശസ്ത്രക്രിയകൾക്കും വൻതുക ഈടാക്കുന്നതും ആനുപാതികമല്ലാത്ത നിരക്കുകൾ ഘടനാപരമായി ഈടാക്കുന്നതും തടയാൻ കർണാടക സർക്കാർ സുപ്രധാന തീരുമാനത്തിലേക്ക്. ചികിത്സാച്ചെലവുകളിൽ സുതാര്യത കൊണ്ടുവരുന്നതിനും സാധാരണക്കാരെ സാമ്പത്തിക ചൂഷണത്തിൽ നിന്ന് സംരക്ഷിക്കുന്നതിനുമായി സംസ്ഥാന ആരോഗ്യ വകുപ്പ് നടപടികൾ ഊർജ്ജിതമാക്കി. ചികിത്സാച്ചെലവിലെ വ്യതിയാനവും ഇടത്തരക്കാരുടെ ദുരിതവും നിലവിൽ ഒരേ രോഗത്തിനോ ശസ്ത്രക്രിയയ്ക്കോ വ്യത്യസ്ത ആശുപത്രികളിൽ ഈടാക്കുന്നത് തികച്ചും വ്യത്യസ്തമായ തുകകളാണ്. ഒരു സാധാരണ ആശുപത്രി 10,000 രൂപ ഈടാക്കുന്ന ശസ്ത്രക്രിയയ്ക്ക് മറ്റൊരു ആശുപത്രി 50,000 രൂപയും, മുൻനിര കോർപ്പറേറ്റ് ആശുപത്രികൾ ഒരു…

ബെംഗളൂരു: ബെംഗളൂരു കെംപഗൗഡ അന്താരാഷ്ട്ര വിമാനത്താവളവും (KIA) കാനഡയിലെ വാൻകൂവർ അന്താരാഷ്ട്ര വിമാനത്താവളവും (YVR) തമ്മിൽ പ്രവർത്തനം, സാങ്കേതികവിദ്യ, ചരക്ക് ഗതാഗതം എന്നിവയിൽ പരസ്പര സഹകരണം ശക്തിപ്പെടുത്തുന്നതിനായി ‘സിസ്റ്റർ എയർപോർട്ട്’ ധാരണാപത്രത്തിൽ ഒപ്പുവെച്ചു. ബെംഗളൂരുവിനും വാൻകൂവറിനുമിടയിൽ നേരിട്ടുള്ള വിമാന സർവീസുകൾ ആരംഭിക്കുന്നതിനും ഈ പങ്കാളിത്തം വഴിമരുന്നിടും. ബെംഗളൂരു വിമാനത്താവളത്തിലെ ടെർമിനൽ 2-ൽ നടന്ന ചടങ്ങിൽ കാനഡയുടെ അന്താരാഷ്ട്ര വ്യാപാര മന്ത്രി മനിന്ദർ സിദ്ധുവിന്റെയും ഇരു വിമാനത്താവളങ്ങളിലെയും മുതിർന്ന ഉദ്യോഗസ്ഥരുടെയും സാന്നിധ്യത്തിലാണ് കരാർ പ്രഖ്യാപിച്ചത്. സ്മാർട്ട് എയർപോർട്ട് സാങ്കേതികവിദ്യകൾ, ഡിജിറ്റൽ പ്ലാറ്റ്‌ഫോമുകൾ, വിവര വിശകലനം അധിഷ്ഠിത…

ബെംഗളൂരു: ദസറ അവധ ആഘോഷങ്ങൾക്കായി ജനങ്ങൾ കൂട്ടത്തോടെ സ്വന്തം നാടുകളിലേക്ക് തിരിച്ചുതുടങ്ങിയതോടെ ബെംഗളൂരു നഗരത്തിൽ വൻ ഗതാഗതക്കുരുക്ക്. വെള്ളിയാഴ്ച രാത്രി വൈകിയും നഗരത്തിലെ പ്രധാന പാതകളിലെല്ലാം നൂറുകണക്കിന് വാഹനങ്ങളാണ് മണിക്കൂറുകളോളം കുടുങ്ങിക്കിടന്നത്. മജസ്റ്റിക്, മല്ലേശ്വരം, രാജാജിനഗർ, യശ്വന്ത്പൂർ, പീനിയ തുടങ്ങിയ പ്രധാന കേന്ദ്രങ്ങളിലെല്ലാം കിലോമീറ്ററുകളോളം നീളുന്ന വാഹനനിര ദൃശ്യമായിരുന്നു. പുലർച്ചെ ഒരു മണി വരെ നഗരത്തിൽ ഗതാഗത തടസ്സം നീണ്ടുനിന്നു. സാധാരണ ദിവസങ്ങളിൽ തന്നെ കടുത്ത ഗതാഗതക്കുരുക്ക് നേരിടുന്ന ബെംഗളൂരുവിൽ, ഉത്സവകാലമായതോടെ സ്ഥിതിഗതികൾ കൂടുതൽ വഷളാകുകയായിരുന്നു. വാഹനങ്ങളുടെ അനിയന്ത്രിതമായ ഒഴുക്ക് നിയന്ത്രിക്കാൻ ട്രാഫിക് പോലീസിന്…