Day: 28 September 2026

ബെംഗളൂരു: കനകപുര റോഡിൽ ബൈപ്പാസ് നിർമാണം വൈകുന്നതിൽ പ്രതിഷേധം ശക്തമാകുന്നതിനിടെ കഗ്ഗലിപുരയിൽ വീണ്ടും ദാരുണ റോഡപകടം. കഗ്ഗലിപുര പട്ടറെഡ്ഡിപാളയത്തിന് സമീപം തിങ്കളാഴ്ച രാവിലെ അമിതവേഗതയിലെത്തിയ ടിപ്പർ ലോറി സ്കൂട്ടറിൽ ഇടിച്ചുണ്ടായ അപകടത്തിൽ ഭർത്താവിനൊപ്പം യാത്ര ചെയ്തിരുന്ന 57 കാരി തൽക്ഷണം മരിച്ചു. രാവിലെ 11 മണിയോടെ ദമ്പതികളായ നാഗരത്നയും ഭർത്താവും സ്കൂട്ടറിൽ വീട്ടിലേക്ക് മടങ്ങുമ്പോഴായിരുന്നു അപകടമെന്ന് കഗ്ഗലിപുര പോലീസ് അറിയിച്ചു. വേഗത്തിലെത്തിയ ടിപ്പർ സ്കൂട്ടറിൽ ഇടിക്കുകയും സ്കൂട്ടറിന്റെ പിന്നിലിരുന്ന നാഗരത്നയുടെ ശരീരത്തിലൂടെ കയറിയിറങ്ങുകയുമായിരുന്നു. അപകടത്തിൽ ഭർത്താവ് നിസ്സാര പരിക്കുകളോടെ രക്ഷപ്പെട്ടു. സംഭവസ്ഥലത്തുവെച്ചുതന്നെ മരിച്ച നാഗരത്നയുടെ…

ബെംഗളൂരു: കനകപുര മെയിൻ റോഡിൽ അഡിഗാസ് ഹോട്ടലിന് സമീപം തിങ്കളാഴ്ച ഉച്ചയ്ക്ക് ലോറിയും ഇരുചക്രവാഹനവും കൂട്ടിയിടിച്ച് വൻ തീപിടിത്തം. അപകടത്തിൽ ഗുരുതരമായി പരിക്കേറ്റ ബൈക്ക് യാത്രക്കാരനെ തൊട്ടടുത്ത ആശുപത്രിയിൽ പ്രവേശിപ്പിച്ചു. അപകടത്തിന് പിന്നാലെ ലോറിയുടെ മുൻഭാഗത്തേക്ക് തീ പടർന്നുപിടിക്കുകയായിരുന്നു. ഉച്ചയ്ക്ക് 12.30 ഓടെയായിരുന്നു സംഭവം. ശക്തമായ കൂട്ടിയിടിയെത്തുടർന്ന് ലോറിയുടെ മുൻഭാഗത്തുനിന്ന് വലിയ തോതിൽ പുകയും തീയുമുയർന്നത് പ്രദേശത്ത് പരിഭ്രാന്തി സൃഷ്ടിച്ചു. അപകടത്തിൽ നിസാര പരിക്കുകളോടെ ലോറി ഡ്രൈവർ രക്ഷപ്പെട്ടു. വിവരമറിഞ്ഞ് സ്ഥലത്തെത്തിയ ഫയർ ഫോഴ്സ് സംഘമാണ് തീ പൂർണ്ണമായും അണച്ചതെന്ന് തലഘട്ടപ്പുര ട്രാഫിക് പോലീസ്…

ഗൂഗിളിന്റെ 28-ാം ജന്മദിനാഘോഷം: ബെംഗളൂരു ഓഫീസിലെ വർണ്ണാഭമായ ചടങ്ങുകളുടെ ദൃശ്യങ്ങൾ പുറത്തുവിട്ട് ജീവനക്കാരി ഗൂഗിളിന്റെ 28-ാം ജന്മദിനം ബെംഗളൂരുവിലെ അനന്ത ഓഫീസിൽ വിപുലമായി ആഘോഷിച്ചു. വർണ്ണാഭമായ അലങ്കാരങ്ങളും പ്രത്യേക ഗൂഗിൾ തീം കേക്കും വൈവിധ്യമാർന്ന ഭക്ഷണവിഭവങ്ങളും നിറഞ്ഞ ആഘോഷങ്ങളുടെ ദൃശ്യങ്ങൾ ഗൂഗിളിലെ സാങ്കേതിക വിദഗ്ദ്ധയായ ഗസൽ അറോറയാണ് തന്റെ ഇൻസ്റ്റാഗ്രാം അക്കൗണ്ടിലൂടെ പങ്കുവെച്ചത്. മനോഹരമായ പേപ്പർ അലങ്കാരങ്ങൾ, ഹൃദയാകൃതിയിലുള്ള മാലകൾ, വർണ്ണ സ്ട്രീമറുകൾ എന്നിവയാൽ അലങ്കരിച്ച ഓഫീസ് പശ്ചാത്തലമാണ് വീഡിയോയുടെ തുടക്കത്തിൽ കാണാൻ സാധിക്കുന്നത്. ഗൂഗിളിന്റെ വിവിധ ഉൽപ്പന്നങ്ങളുടെ ഐക്കണുകളും ജെല്ലി ബീനുകളും കൊണ്ട്…

ബെംഗളൂരു: കർണാടക ഷോപ്പ്സ് ആൻഡ് കൊമേഴ്സ്യൽ എസ്റ്റാബ്ലിഷ്മെന്റ് നിയമത്തിൽ വരുത്തിയ പുതിയ ഭേദഗതിക്കെതിരെ ബെംഗളൂരുവിലെ വനിതാ ഐ.ടി, മറ്റ് സ്വകാര്യ സ്ഥാപന ജീവനക്കാർ രംഗത്ത്. രാത്രി ഷിഫ്റ്റുകളിൽ ജോലി ചെയ്യുന്ന വനിതകൾക്കായി ഏർപ്പെടുത്തിയിരുന്ന കർശനമായ സുരക്ഷാ മാനദണ്ഡങ്ങളിൽ ഭൂരിഭാഗവും നീക്കം ചെയ്തതാണ് വനിതാ ജീവനക്കാരെയും വിവിധ തൊഴിലാളി യൂണിയനുകളെയും ആശങ്കയിലാഴ്ത്തിയിരിക്കുന്നത്. സെപ്റ്റംബർ നാല് മുതൽ നിലവിൽ വന്ന പുതിയ ഭേദഗതി പ്രകാരം ഡ്രൈവർമാരുടെ ബാക്ക്ഗ്രൗണ്ട് വെരിഫിക്കേഷൻ, കൃത്യമായ യാത്രാ റൂട്ടുകൾ, വനിതാ ജീവനക്കാരുടെ ഫോൺ നമ്പറുകൾ രഹസ്യമായി സൂക്ഷിക്കൽ, അടിയന്തര സഹായത്തിനായുള്ള കൺട്രോൾ റൂമുകൾ,…

ബെംഗളൂരു: സമീപപ്രദേശങ്ങളിൽ നിന്നുള്ള മലിനജല ഭീഷണിക്കിടയിലും സമ്പന്നമായ ജൈവവൈവിധ്യം നിലനിർത്തി ശ്രദ്ധേയമാവുകയാണ് ജെ.പി നഗറിലെ പുട്ടനഹള്ളി പുട്ടക്കെരെ തടാകം. നാല് പുതിയ പക്ഷിയിനങ്ങളെക്കൂടി പുതുതായി കണ്ടെത്തിയതോടെ ഈ തടാകമേഖലയിലെ പക്ഷിയിനങ്ങളുടെ ആകെ എണ്ണം 130 കടന്നു. ഇ-ബേഡ് (eBird) റെക്കോർഡുകൾ പ്രകാരം ഏഷ്യൻ ബ്രൗൺ ഫ്ലൈക്യാച്ചർ എന്ന പക്ഷിയെ ഈ ആഴ്ച ആദ്യവും, ഗ്രേ ഫ്രാങ്കോളിൻ, റിവർ ടേൺ, വൈറ്റ് ബ്രൗഡ് ബുൾബുൾ എന്നിവയെ ജൂലൈ മാസത്തിലും ഇവിടെ കണ്ടെത്തുകയായിരുന്നു. ഉടൻ പട്ടികയിൽ ഉൾപ്പെടുത്താനിരിക്കുന്ന ഇന്ത്യൻ സിൽവർബിൽ കൂടി ചേരുമ്പോൾ ആകെ പക്ഷിയിനങ്ങളുടെ എണ്ണം…