ബെംഗളൂരു: ഹിന്ദു വിവാഹ രജിസ്ട്രേഷന് നിയമത്തില് ഭേദഗതി വരുത്താന് മന്ത്രിസഭ അനുമതി.
ഇതോടെ വിവാഹങ്ങള് ഇനി ഓണ്ലൈന് വഴി എളുപ്പത്തില് രജിസ്റ്റര് ചെയ്യാനാകുമെന്ന് വിധാൻ സൗധയില് ചേര്ന്ന മന്ത്രിസഭ യോഗത്തിനുശേഷം നിയമമന്ത്രി എച്ച്.കെ. പാട്ടീൽ പറഞ്ഞു.
സാങ്കേതികവിദ്യ ഉപയോഗിച്ച് വിവാഹ രജിസ്ട്രേഷന് ലളിതമാക്കാനാണിതെന്ന് മന്ത്രി വ്യക്തമാക്കി.
കാവേരി-2 സോഫ്റ്റ്വെയര് ഉപയോഗിച്ച് ഓണ്ലൈനായി രജിസ്ട്രേഷന് അനുവദിക്കുന്നതാണ് പദ്ധതി.
ബാപ്പുജി സെന്ററുകള്ക്കും ഗ്രാമ വണ് സെന്ററുകള്ക്കും വിവാഹ രജിസ്ട്രേഷന് അപേക്ഷ സ്വീകരിക്കാന് അനുമതിയുണ്ടെന്ന് പാട്ടീല് പറഞ്ഞു.
ആധാര് ആധികാരികത ഉപയോഗിച്ച് വിവാഹം രജിസ്റ്റര് ചെയ്യാനും സംസ്ഥാന സര്ക്കാര് പദ്ധതിയിടുന്നുണ്ട്.
അതേസമയം, ആധാര് ആധികാരികത നല്കാന് തയാറാകാത്ത ആളുകള്ക്ക് ഓഫ്ലൈന് രജിസ്ട്രേഷനും തുടരും.
അതേസമയം രജിസ്റ്റര് വിവാഹങ്ങള്ക്ക് പുതിയ നിയമം ബാധകമല്ല.
രജിസ്ട്രേഷന് ഇന്സ്പെക്ടര് ജനറല്, സ്റ്റാമ്പ് കമീഷണര് എന്നിവര്ക്ക് വിവാഹ രജിസ്ട്രേഷനുകള്ക്കു വേണ്ടി ആധാര് ഉപയോഗിക്കാന് കഴിഞ്ഞ മാസം സംസ്ഥാന സര്ക്കാര് അനുമതി നല്കിയിരുന്നു.
അപേക്ഷകള് സബ് രജിസ്ട്രാര് ഓഫിസുകളില് മാത്രം സമര്പ്പിക്കുന്ന നിലവിലെ സമ്പ്രദായത്തില് നിന്ന് വ്യത്യസ്തമായി, ബാപ്പുജി, ഗ്രാമ വണ് കേന്ദ്രങ്ങളില് സമര്പ്പിക്കാനും ദമ്പതികള്ക്ക് സര്ക്കാര് അനുമതി നല്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
