ബെംഗളൂരു: ബെംഗളൂരു നഗരത്തിലെ സജീവ കോവിഡ് -19 കണ്ടെയ്ൻമെന്റ് സോണുകളുടെ എണ്ണം 15 ദിവസത്തിനുള്ളിൽ 27% കുറഞ്ഞു. ബി.ബി.എം.പി കോവിഡ് -19 വാർ റൂം കണക്കുകൾ പ്രകാരം ആഗസ്റ്റ് 8 ന് നഗരത്തിൽ 159 സജീവ കണ്ടെയ്ൻമെന്റ് സോണുകളാണുണ്ടായിരുന്നത്. എന്നാൽ ഇന്നലത്തെ കണക്ക് പ്രകാരം ഇത് 116 ആയി കുറഞ്ഞു.
മഹാദേവപുര മേഖലയിലാണ് ഏറ്റവും കൂടുതൽ കണ്ടെയ്ൻമെന്റ് സോണുകളുള്ളത് (27), തൊട്ടുപിന്നിൽ ബൊമ്മനഹള്ളി (24). പല പ്രദേശങ്ങളിലും അണുബാധ കുറയുന്നതിനാൽ കണ്ടെയ്ൻമെന്റ് സോണുകളുടെ എണ്ണവും ദിനംപ്രതി കുറയുന്നുണ്ട്. കൂടാതെ, പുതിയ സോണുകളൊന്നും പട്ടികയിൽ ചേർത്തിട്ടുമില്ല. കോവിഡ് കേസുകളുടെ എണ്ണത്തിലും കുറവുണ്ട്. നഗരത്തിലെ കഴിഞ്ഞ ആഴ്ചയിലെ ശരാശരി പോസിറ്റിവിറ്റി നിരക്ക് 0.53%ആണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
