ബെംഗളൂരു: നഗരത്തിൽ കഴിഞ്ഞ 24 മണിക്കൂറിനുള്ളിൽ 23 പേരാണ് കോവിഡ് 19 ബാധിച്ചു മരിച്ചത്.
സംസ്ഥാന ആരോഗ്യവകുപ്പ് ഇന്നലെ പ്രസിദ്ധീകരിച്ച ബുള്ളറ്റിൻ പ്രകാരം ഇതിൽ 4 പേർ കോവിഡ് ലക്ഷണങ്ങൾ ഒന്നും റിപ്പോർട്ട് ചെയ്തിരുന്നില്ല.
കോവിഡ് 19 ലക്ഷങ്ങൾ ഒന്നും തന്നെ നാല് പേർക്കും ഉണ്ടായിരുന്നില്ല എന്നതിനോടൊപ്പം നാലിൽ 3 പേർക്കും മറ്റ് അസുഖങ്ങളും ഉണ്ടായിരുന്നില്ല എന്നും റിപ്പോർട്ടിൽ പറയുന്നു.
ലക്ഷണങ്ങൾ ഇല്ലാതെ മരിച്ച നാലിൽ 2 പേരുടെയും അഡ്മിഷൻ തിയതിയും മരണ തിയതിയും ഒന്നാണ് എന്നും റിപ്പോർട്ടിൽ പറയുന്നു.
ബെംഗളൂരു നഗരത്തിൽ ഇന്നലെ മരിച്ചവരിൽ കൂടുതലും സിവിയർ റെസ്പിറേറ്ററി അക്യൂട്ട് ഇൻഫെക്ഷനും ഇൻഫ്ലുൻസ പോലുള്ള അസുഖവും ബാധിച്ചു നഗരത്തിലെ വിവിധ ആശുപത്രികളിൽ ചികിത്സ തേടി എത്തിയവരാണ്.
