SPORTS – Page 56 – BengaluruVartha

രാജസ്ഥാനെ മറികടന്ന് അവസാന ഓവറില്‍ ഗുജറാത്ത് ഐപിഎല്‍ ഫൈനലില്‍

കൊല്‍ക്കത്ത: ഗുജറാത്ത് ടൈറ്റന്‍സ് ഐപിഎല്‍ ഫൈനലില്‍. കൊല്‍ക്കത്ത ഈഡന്‍ ഗാര്‍ഡന്‍സില്‍ നടന്ന ആദ്യ പ്ലേ ഓഫില്‍ രാജസ്ഥാന്‍ റോയല്‍സിനെ ഏഴ് വിക്കറ്റിന് മറികടന്നാണ് ഗുജറാത്ത് ഫൈനലിലെത്തിയത്. ടോസ് നഷ്ടപ്പെട്ട് ബാറ്റിംഗിനെത്തിയ രാജസ്ഥാന്‍ നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 188 റണ്‍സാണ് നേടിയത്. മറുപടി ബാറ്റിംഗില്‍ ഗുജറാത്ത് 19.3 ഓവറില്‍ മൂന്ന് വിക്കറ്റ് മാത്രം നഷ്ടത്തില്‍ ലക്ഷ്യം മറികടന്നു. ക്യാപ്റ്റന്‍ ഹാര്‍ദിക് പാണ്ഡ്യ (27 പന്തില്‍ 40), ഡേവിഡ് മില്ലര്‍ (38 പന്തില്‍ 68) എന്നിവരാണ് ഗുജറാത്തിനെ വിജയത്തിലേക്ക് നയിച്ചത്.

ക്യാപ്‌റ്റൻ മാറിയത് ആർസിബി യ്ക്ക് ഗുണകരം ; സേവാഗ്

4 yearsago Arya

റോയല്‍ ചലഞ്ചേ്സ് ബാംഗ്ലൂരിന്‍്റെ ക്യാപ്റ്റന്‍ സ്ഥാനത്തുനിന്നും വിരാട് കോഹ്ലി പിന്‍മാറിയത് ടീമിന് ഗുണകരമായെന്ന് മുന്‍ ഇന്ത്യന്‍ താരം വീരേന്ദര്‍ സെവാഗ്. കഴിഞ്ഞ സീസണുകളില്‍ നിന്നും വ്യത്യസ്തമായി ഈ സീസണില്‍ കളിക്കാരെ ആര്‍ സീ ബി കൂടുതലായി പിന്തുണയ്ക്കുന്നുണ്ടെന്നും അതിന് കാരണം നേതൃത്വനിരയില്‍ വന്ന മാറ്റമാണെന്നും സെവാഗ് അഭിപ്രായപെട്ടു. ഹെഡ് കോച്ചായി സഞ്ജയ് ബംഗാറിന്റെയും പുതിയ ക്യാപ്റ്റന്റെയും വരവ് ആര്‍ സീ ബിയുടെ ചിന്താഗതിയെ തന്നെ മാറ്റിമറിച്ചു. രണ്ടോ മൂന്നോ കളികളില്‍ മോശം പ്രകടനം പുറത്തെടുത്താല്‍ വിരാട് കോഹ്ലിയുടെ ക്യാപ്റ്റന്‍സിയില്‍ കളിക്കാരെ പുറത്താക്കുമായിരുന്നു. എന്നാല്‍ ബംഗാറും…

ആർസിബി യ്ക്ക് നന്ദി അറിയിച്ച് ദിനേശ് കാർത്തിക്

4 yearsago Arya

ബെംഗളൂരു: ദക്ഷിണാഫ്രിക്കക്കെതിരെയുള്ള ടി20 പരമ്പരയ്ക്കുള്ള ഇന്ത്യന്‍ ടീമില്‍ ഇടം നേടിയതിന് പിന്നാലെ ഐ.പി.എല്ലില്‍ തന്നെ ടീമില്‍ എടുത്ത റോയല്‍ ചലഞ്ചേഴ്‌സ് ബാംഗ്ലൂരിന് നന്ദി അറിയിച്ച്‌ വെറ്ററന്‍ താരം ദിനേശ് കാര്‍ത്തിക്. ഇന്ത്യന്‍ ടീമില്‍ വീണ്ടും ഇടം ലഭിച്ചതില്‍ ഒരുപാട് സന്തോഷം ഉണ്ടെന്നും തന്നെ പലരും എഴുതി തള്ളിയതാണെന്നും അതുകൊണ്ട് തന്നെ ഇന്ത്യന്‍ ടീമിലേക്കുള്ള ഈ തിരിച്ചുവരവ് വളരെ പ്രേത്യേകത നിറഞ്ഞതാണെന്നും ദിനേശ് കാര്‍ത്തിക് പറഞ്ഞു. ഇന്ത്യന്‍ പ്രീമിയര്‍ ലീഗില്‍ ബാംഗ്ലൂരിന് വേണ്ടി മികച്ച പ്രകടനം പുറത്തെടുത്തതിന് പിന്നാലെയാണ് ദിനേശ് കാര്‍ത്തിക്കിന് ഇന്ത്യന്‍ ടീമില്‍ ഇടം…

ഐപിഎൽ; ആർസിബി യും ലഖ്‌നൗവും നേർക്കുനേർ

4 yearsago Arya

കൊൽക്കത്ത: ഇന്ത്യന്‍ പ്രീമിയര്‍ ലീഗിന്റെ 15ാം സീസണിലെ എലിമിനേറ്റര്‍ പോരാട്ടത്തില്‍ ലഖ്‌നൗ സൂപ്പര്‍ ജയ്ന്റസും ആര്‍സിബിയും നേര്‍ക്കുനേര്‍. നാളെ വൈകീട്ട് 7.30ന് കൊല്‍ക്കത്തയിലെ ഈഡന്‍ ഗാര്‍ഡനിലാണ് മത്സരം നടക്കുന്നത്. തോല്‍ക്കുന്ന ടീം പുറത്താവുമ്പോള്‍ ജയിക്കുന്ന ടീമിന് ക്വാളിഫയര്‍ ഒന്നില്‍ തോല്‍ക്കുന്ന ടീമിനോട് ഏറ്റുമുട്ടി വേണം ഫൈനല്‍ ടിക്കറ്റ് നേടാന്‍. അതിന് ആദ്യം എലിമിനേറ്റര്‍ മറികടക്കേണ്ടതായുണ്ട്. അരങ്ങേറ്റക്കാരായ ലഖ്‌നൗവോ അതോ ആര്‍സിബിയോ, ആരാവും രണ്ടാം ക്വാളിഫയറിലേക്ക് ടിക്കറ്റെടുക്കുക എന്ന് നാളെ അറിയാം. പ്രതീക്ഷയോടെ ആര്‍സിബി മുംബൈ ഇന്ത്യന്‍സ് ഡല്‍ഹി ക്യാപിറ്റല്‍സിനെ തകര്‍ത്തതിന്റെ ആനുകൂല്യത്തില്‍ പ്ലേ ഓഫ്…

ഹൈദരാബാദിനെ തോൽപിച്ച് സീസൺ അവസാനിപിച്ച് പഞ്ചാബ്

4 yearsago News Team

മുംബൈ: ഐപിഎല്ലിൽ സൺറൈസേഴ്‌സ് ഹൈദരാബാദിനെതിരെ പഞ്ചാബ് കിങ്സിന് 5 വിക്കറ്റ് വിജയം. 22 പന്തിൽ 49 റൺസടിച്ച് പുറത്താവാതെ നിന്ന ഇംഗ്ലണ്ട് താരം ലിയാം ലിവിങ്‌സ്റ്റണിന്റെ ബാറ്റിങ്‌ മികവാണ് പഞ്ചാബിനെ വിജയതീരത്തെത്തിച്ചത്. ഹൈദരാബാദ് 20 ഓവറിൽ 8 വിക്കറ്റിന് 157 റൺസെടുത്തപ്പോൾ പഞ്ചാബ് കിങ്‌സ് 15.1 ഓവറിൽ 5 വിക്കറ്റ് നഷ്ടത്തിൽ 160 റൺസ് നേടി ലക്ഷ്യം കണ്ടു. ഇതോടെ പോയിന്റ് പട്ടികയിൽ പഞ്ചാബ് ആറാമതെത്തി. സൺറൈസേഴ്‌സ് ഹൈദരാബാദ് എട്ടാം സ്ഥാനത്താണ്.

ജയം മുംബൈയ്ക്ക് ആഘോഷം ബെംഗളൂരു ക്യാമ്പിൽ, വീഡിയോ വൈറൽ

4 yearsago Arya

ഇന്നലെ വാങ്കഡെ സ്റ്റേഡിയത്തില്‍ ഡല്‍ഹി ക്യാപിറ്റല്‍സിനെതിരെ മുംബൈയുടെ ജയം മുംബൈയെക്കാള്‍ ആഗ്രഹിച്ചിരുന്നത് ബെംഗളൂരു ആയിരുന്നു. പ്ലേയോഫിലേക്ക് കടക്കാന്‍ ബെംഗളൂരുവിന് വേണ്ടിയിരുന്നത് അത് മാത്രമായിരുന്നു. ഒടുവില്‍ റിഷഭ് പന്തിന്റെ ഡല്‍ഹിയെ രോഹിതിന്റെ മുംബൈ അഞ്ച് വിക്കറ്റിന് തോല്‍പിച്ചതോടെ ബെംഗളൂരുവിന്റെ സ്വപ്നം യാഥാര്‍ത്ഥമാവുകയായിരുന്നു. ലോകമെമ്പാടുമുള്ള ബാംഗ്ലൂര്‍ ആരാധകര്‍ അത് ആഘോഷമാക്കിയപ്പോള്‍. ബെംഗളൂരു ക്യാമ്പിലും അതെ ആവേശം അണപൊട്ടി. അതിന്റെ വീഡിയോയാണ് ഇപ്പോള്‍ സാമൂഹ മാധ്യമങ്ങളില്‍ ശ്രദ്ധനേടുന്നത്. ബാംഗ്ലൂര്‍ താരങ്ങളായ വിരാട് കോഹ്ലി, ഫാഫ് ഡു പ്ലെസിസ്, മാക്‌സ്‌വെല്‍ ഉള്‍പ്പെടെയുള്ള താരങ്ങള്‍ ഒരുമിച്ചിരുന്ന് മത്സരം കാണുന്നതും ഓരോ റണ്‍സും…

മുംബൈ ഇന്ത്യന്‍സിന് ജയം; ബാംഗ്ലൂര്‍ പ്ലേ ഓഫില്‍;ഡൽഹി പുറത്ത്

4 yearsago News Team

ഐപിഎല്‍ പതിനഞ്ചാം സീസണില്‍ ഡല്‍ഹി ക്യാപിറ്റല്‍സിന്‍റെ പ്ലേ ഓഫ് പ്രതീക്ഷകള്‍ തച്ചുതകര്‍ത്ത് മുംബൈ ഇന്ത്യന്‍സിന് ജയത്തോടെ മടക്കം. നിര്‍ണായക മത്സരത്തില്‍ മുംബൈ അഞ്ച് വിക്കറ്റിന് ജയിച്ചതോടെ ഡല്‍ഹിയെ മറികടന്ന് റോയല്‍ ചലഞ്ചേഴ്‌സ് ബാംഗ്ലൂര്‍ പ്ലേ ഓഫിലെത്തി. 160 റണ്‍സ് വിജയലക്ഷ്യം മുംബൈ 19.1 ഓവറില്‍ അഞ്ച് വിക്കറ്റ് നഷ്‌ടത്തില്‍ സ്വന്തമാക്കുകയായിരുന്നു

പ്ലേയർ ഓഫ് ദി മാച്ച് പുരസ്‌കാരം നേടി വിരാട് കോഹ് ലി

4 yearsago Arya

ഐപിഎല്ലിൽ ഇന്നലെ ഗുജറാത്ത് ടൈറ്റന്‍സിനെതിരെ മിന്നും പ്രകടനവുമായാണ് കോഹ്‍ലി തിരിച്ചുവരവ് നടത്തിയത്. മോശം ഫോമിലൂടെ കടന്ന് പോകുകയായിരുന്ന താരം 54 പന്തില്‍ 73 റണ്‍സ് നേടിയ നല്ലൊരു തിരിച്ചു വരവാണ് കാണിച്ചത്. ഇന്നിംഗ്സില്‍ 8 ഫോറും 2 സിക്സും കോഹ് ലി നേടി. താരം കഴിഞ്ഞ രണ്ട് സീസണുകളിലായി നേടുന്ന ആദ്യത്തെ പ്ലേയര്‍ ഓഫ് ദി മാച്ച്‌ ആണ് ഇതെന്നതാണ് പ്രത്യേകത. എന്നാല്‍ താരത്തിന്റെ ഫോമിലേക്കുള്ള മടങ്ങിവരവ് വൈകി പോയോ എന്നാണ് ഐപിഎല്‍ ആരാധകര്‍ ചോദിക്കുന്നത്. നിലവില്‍ നാലാം സ്ഥാനത്താണെങ്കിലും ഡല്‍ഹി അടുത്ത മത്സരത്തില്‍…

ആർസിബിയ്ക്ക് ഇന്ന് ജീവൻ മരണ പോരാട്ടം

4 yearsago Arya

മുംബൈ : ഐപിഎല്ലില്‍ ഇന്ന് ആര്‍സിബിക്ക് ജീവന്‍മരണ പോരാട്ടം. പ്ലേഓഫ് ഉറപ്പിച്ച ഗുജറാത്ത് ടൈറ്റന്‍സാണ് എതിരാളികളായി എത്തുന്നത്. രാത്രി ഏഴരയ്ക്ക് വാംഖഡെ സ്റ്റേഡിയത്തിലാണ് മത്സരം നടക്കുക. ഗുജറാത്ത് ടൈറ്റന്‍സും ലഖ്‌നൗ സൂപ്പര്‍ ജയന്‍റ്‌സും മാത്രമാണ് സീസണില്‍ ഇതുവരെ പ്ലേ ഓഫ് ഉറപ്പിച്ചത്. പ്ലേ ഓഫ് പ്രതീക്ഷ നിലനിര്‍ത്താന്‍ വമ്പന്‍ ജയം തേടിയാണ് റോയല്‍ ചലഞ്ചേഴ്‌സ് ബാംഗ്ലൂര്‍ ഇന്ന് കളിക്കാനായി ഇറങ്ങുന്നത്. തോറ്റാല്‍ ആദ്യ കിരീടമെന്ന സ്വപ്നം ഇത്തവണയും നഷ്ടസ്വപ്നമാവും ഫാഫ് ഡുപ്ലസിക്കും സംഘത്തിനും.

പുതുചരിത്രം കുറിച്ച് യൂറോപ്പയില്‍ ഫ്രാങ്ക്ഫര്‍ട്ട് വിജയക്കൊടി

4 yearsago4 yearsago News Team

സെവിയ്യയിലെ കലാശപ്പോരില്‍ റേഞ്ചേഴ്‌സിനെ തകര്‍ത്ത് യൂറോപ്പ ലീഗ് കിരീടം സ്വന്തമാക്കി ഐന്‍ട്രാക്ട് ഫ്രാങ്ക്ഫര്‍ട്ട്. പെനാല്‍റ്റി ഷൂട്ടൗട്ടിലാണ് വിജയികളെ തീരുമാനിച്ചത്. മത്സരം നിശ്ചിത സമയത്തും എക്‌സ്ട്രാ ടൈമിലും 1-1 എന്ന നിലയിലായിരുന്നു. ജോ അരീബോ റേഞ്ചേഴ്‌സിനായി 57-ാം മിനിറ്റില്‍ വല കുലുക്കിയെങ്കിലും 69-ാം മിനിറ്റില്‍ റാഫേല്‍ ബോറെയിലൂടെ ഫ്രാങ്ക്ഫര്‍ട്ട് ഒപ്പമെത്തുകയായിരുന്നു. ഷൂട്ടൗട്ടില്‍ റേഞ്ചേഴ്‌സിന്റെ റാംസിയുടെ കിക്ക് പിഴച്ചതോടെ കിരീടം ജര്‍മനിയിലേക്ക് പറന്നു.