തിരുവനന്തപുരം: കേരളത്തില് ഏറ്റവും കൂടുതല് വിറ്റഴിഞ്ഞ് പോകുന്ന ‘ജവാന്’ റമ്മിന്റെ ഉത്പാദനം വരുന്ന ബുധനാഴ്ച മുതല് വര്ധിപ്പിക്കും. ഉത്പാദന ലൈനുകളുടെ എണ്ണം നാലില് നിന്ന് ആറാക്കി ഉയര്ത്തിയതോടെയാണ് അധികം ലിറ്ററുകള് നിര്മ്മിക്കാന് കഴിയുന്നത്. നിലവില് ഉത്പാദിപ്പിക്കുന്നത് പ്രതിദിനം 8000 കെയ്സാണ്. അത് 12,000 ആയിട്ട് വര്ധിക്കും. പ്രതിദിനം നാലായിരം കെയ്സ് അധികം.
മദ്യം നിര്മ്മിക്കുന്നതിനുള്ള എക്സ്ട്രാ ന്യൂട്രല് ആല്ക്കഹോള് (ഇഎൻഎ) സംഭരണം നിലവിലെ 20 ലക്ഷം ലീറ്ററില് നിന്ന് 35 ലക്ഷം ലീറ്ററാക്കി ഉയര്ത്താൻ അനുമതി തേടി ജവാൻ റമ്മിന്റെ ഉത്പാദകരായ ട്രാവൻകൂര് ഷുഗര് ആൻഡ് കെമിക്കല്സ് ലിമിറ്റഡ് സര്ക്കാരിനു കത്തു നല്കി. സര്ക്കാര് അനുമതി ലഭിച്ചാല് പ്രതിദിനം 15,000 കേയ്സ് മദ്യം ഉത്പാദിപ്പിക്കാൻ കഴിയും.
മൂന്നു മാസത്തിനകം ജവാന്റെ അര ലീറ്ററും ജവാൻ പ്രീമിയവും പുറത്തിറക്കാൻ ആലോചിക്കുന്നതായി കമ്പനി അധികൃതര് പറഞ്ഞു. ഒരു ലീറ്റര് കുപ്പിയാണ് ഇപ്പോള് വിപണിയിലുള്ളത്. പുതുതായി ആരംഭിച്ച രണ്ടു ലൈനുകളിലേക്ക് ബ്ലൻഡിങ് ലൈനുകള് കൂട്ടിച്ചേര്ക്കുന്ന ജോലി ബുധനാഴ്ച പൂര്ത്തിയാകും. 1.5 ലക്ഷം കെയ്സ് ജവാൻ റമ്മാണ് പ്രതിമാസം വില്ക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
