ബെംഗളൂരു: ത്രിദിന ഗ്രീൻ വെഹിക്കിൾ എക്സ്പോയുടെ നാലാമത് പതിപ്പ് ജൂൺ 16 മുതൽ 18 വരെ രാജ്യാന്തര എക്സിബിഷൻ സെന്ററിൽ നടക്കും. കർണാടക റിന്യൂവബിൾ എനർജി സിസ്റ്റം മാനുഫാക്ചേഴ്സ് അസോസിയേഷനും (ക്രെസ്മ) പ്രൈഡ് എനർജി എൻവയോൺമെന്റ് റിസോഴ്സ് റിസർച്ച് ഇൻസ്റ്റിറ്റ്യൂട്ടും (പിഇആർആർഐ) ചേർന്നാണ് ഇന്ത്യ ഗ്രീൻ എനർജി എക്സ്പോയ്ക്കൊപ്പം നടക്കുന്ന പരിപാടി സംഘടിപ്പിക്കുന്നത്.
മുഖ്യമന്ത്രി സിദ്ധരാമയ്യ ഉദ്ഘാടനം ചെയ്യുന്ന പരിപാടിയിൽ വൈദ്യുത വാഹന, പുനരുപയോഗ ഊർജ മേഖലകളിൽ ശ്രദ്ധ കേന്ദ്രീകരിക്കുകയും
ബൈക്കുകൾ, സ്കൂട്ടറുകൾ, കാറുകൾ, എൽസിവികൾ, എച്ച്സിവികൾ, ട്രക്കുകൾ, ബാറ്ററിയിൽ പ്രവർത്തിക്കുന്ന ഇലക്ട്രിക്, ഹൈബ്രിഡ് വാഹനങ്ങളുടെ വിപുലമായ ശ്രേണി പ്രദർശിപ്പിക്കുകയും ചെയ്യും. കൂടാതെ, എക്സ്പോയിൽ സ്പെയർ പാർട്സ്, ആക്സസറികൾ, ബാറ്ററികൾ, ജിപിഎസ് സംവിധാനങ്ങൾ, പ്രമുഖ ഒഇഎം വിതരണക്കാരുടെ ഘടകങ്ങൾ എന്നിവ ഉൾപ്പെടുത്തും.
ഇന്ത്യ ഗ്രീൻ എനർജി എക്സ്പോ കാർബൺ ക്രെഡിറ്റുകളെക്കുറിച്ചും പുനരുപയോഗ ഊർജത്തിന്റെ പ്രധാന പങ്കിനെക്കുറിച്ചുമുള്ള ചർച്ചയ്ക്കൊപ്പം സൗരോർജ്ജം, കാറ്റ്, ജലം, ബയോമാസ് ഊർജം എന്നിവയിൽ ശ്രദ്ധ കേന്ദ്രീകരിക്കും. എക്സ്പോയിൽ 15,000 സന്ദർശകരെയാണ് പ്രതീക്ഷിക്കുന്നത്., കൂടാതെ 700-ലധികം ഉൽപ്പന്നങ്ങൾ പ്രദർശിപ്പിക്കുന്ന ഏഥർ എനർജി, മൈക്രോടെക്, ലൂക്കാസ് ടിവിഎസ്, ഹൈക്കോൺ ഇന്ത്യ എന്നിവയുൾപ്പെടെ 100-ലധികം എക്സിബിറ്ററുകൾ ഉണ്ടായിരിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
