ബെംഗളുരു:ബെംഗളൂരു സ്ഫോടന കേസിലെ പ്രതിയായ പിഡിപി ചെയര്മാന് അബ്ദുള് നാസര് മദനിയുടെ ജാമ്യ വ്യവ്സ്ഥയില് ഇളവനുവദിച്ച് കേരളത്തിലേക്ക് പോകാന് അനുവദിക്കരുതെന്ന് കര്ണാടക ഭീകരവിരുദ്ധ സെല്.
രാജ്യത്തിന്റെ സുരക്ഷയെയും അഖണ്ഡതയെയും ബാധിക്കുന്ന കേസിലെ പ്രതിയാണ് മദനിയെന്നും സുപ്രീം കോടതിയില് ഫയല്ചെയ്ത സത്യവാങ്മൂലത്തില് കര്ണാടക സര്ക്കാര് വ്യക്തമാക്കി.
കര്ണാടക ഭീകരവിരുദ്ധ സെല് അസിസ്റ്റന്റ് കമ്മീഷണര് ഡോ. സുമീത് ആണ് സുപ്രീം കോടതിയില് സത്യവാങ്മൂലം ഫയല്ചെയ്തത്. ജാമ്യവ്യവസ്ഥയില് ഇളവനുവദിച്ചാല് മദനി ഒളിവില് പോകാന് സാധ്യതയുണ്ട്. കേസില് ഇനിയും പിടികിട്ടാനുള്ള ആറ് പ്രതികള് മദനിയുമായി ബന്ധപ്പെടുകയും വിവരങ്ങള് ശേഖരിക്കുകയും സാക്ഷികളെ ഭീഷണിപ്പെടുത്തുകയും ചെയ്യാന് സാധ്യതയുണ്ടെന്നും കര്ണാടക ഭീകരവിരുദ്ധ സെല് സുപ്രീം കോടതിയില് ഫയല്ചെയ്ത സത്യവാങ്മൂലത്തില് വ്യക്തമാക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
