Month: October 2026

ബെംഗളൂരു: ഓവറിയൻ ക്യാൻസർ വയറിനുള്ളിലേക്ക് പടരുന്നത് (പെരിറ്റോണിയൽ സ്പ്രെഡ്) കണ്ടെത്താൻ നിലവിലുള്ള സി.ടി സ്കാനുകളേക്കാൾ പുതിയ തരം പെറ്റ് സ്കാൻ (FAPI PET) കൂടുതൽ കൃത്യതയുള്ളതാണെന്ന് ബംഗളൂരുവിലെ ആസ്റ്റർ ഇന്റർനാഷണൽ ഇൻസ്റ്റിറ്റ്യൂട്ട് ഓഫ് ഓങ്കോളജിയിലെ ഒരു കൂട്ടം ഡോക്ടർമാർ കണ്ടെത്തി. ക്യാൻസർ ബാധിച്ച 200 സ്ത്രീകളിൽ നടത്തിയ പഠനത്തിന്റെ കണ്ടെത്തലുകൾ പ്രശസ്തമായ ‘ജേണൽ ഓഫ് ന്യൂക്ലിയർ മെഡിസിനിൽ’ പ്രസിദ്ധീകരിച്ചിട്ടുണ്ട്. ക്യാൻസർ കോശങ്ങൾ വയറിന്റെ ഭിത്തികളിലേക്കും ആന്തരാവയവങ്ങളിലേക്കും പടരുന്നതാണ് പെരിറ്റോണിയൽ സ്പ്രെഡ്. രോഗിയുടെ അവസ്ഥയനുസരിച്ച് സർജറിയാണോ അതോ ശസ്ത്രക്രിയക്ക് മുന്നോടിയായുള്ള കീമോതെറാപ്പിയാണോ വേണ്ടതെന്ന് തീരുമാനിക്കുന്നതിൽ ഈ…

ബെംഗളൂരു: ലോകപ്രശസ്തമായ ‘നാദ ഹബ്ബ’ 416-ാമത് മൈസൂരു ദസറ മഹോത്സവത്തിന് ഗവിശ്രീഗല ഉദ്ഘാടനം ചെയ്തു. രാവിലെ 11.50 നും 12.13 നും മധ്യേയുള്ള ശുഭകരമായ ധനുർ ലഗ്നത്തിൽ ചാമുണ്ഡേശ്വരി ദേവിക്ക് പുഷ്പാർച്ചന നടത്തിയാണ് അദ്ദേഹം ആഘോഷങ്ങൾക്ക് തുടക്കം കുറിച്ചത്. മുഖ്യമന്ത്രി ഡി.കെ. ശിവകുമാറും കുടുംബവും ഉദ്ഘാടന ചടങ്ങിൽ പങ്കെടുത്തു. മുഖ്യമന്ത്രിയെന്ന നിലയിൽ ഡി.കെ. ശിവകുമാറിന്റെ ആദ്യ ദസറ ആഘോഷമാണിത്. ചടങ്ങിന് മുന്നോടിയായി അദ്ദേഹം നന്ദി പതാകയിൽ പ്രാർത്ഥന നടത്തി. ചാമുണ്ഡേശ്വരി ക്ഷേത്ര പരിസരത്ത് സജ്ജമാക്കിയ ഗംഭീര വേദിയിലാണ് ചടങ്ങുകൾ നടന്നത്. മുഖ്യ പൂജാരി ശശിശേഖർ…

ബെംഗളൂരു : പൊതുഗതാഗത രംഗത്തെ മികച്ച നവീകരണത്തിന് ബംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷന് (ബി.എം.ടി.സി.) ‘ചേഞ്ച് മേക്കർ പുരസ്കാരം’ ലഭിച്ചു. ഒക്ടോബർ 8-ന് ബംഗളൂരുവിൽ സംഘടിപ്പിച്ച മൊബിലിറ്റി സിമ്പോസിയം 2026-ലാണ് ‘ഇന്നൊവേഷൻ ഇൻ പബ്ലിക് ട്രാൻസിറ്റ്’ വിഭാഗത്തിൽ ബി.എം.ടി.സി. ഈ അഭിമാനകരമായ നേട്ടം കൈവരിച്ചത്. നഗരത്തിലെ പൊതുഗതാഗത സംവിധാനങ്ങളെ ആധുനികവൽക്കരിക്കാനും, ഗതാഗത ബന്ധങ്ങൾ ശക്തിപ്പെടുത്താനും, പരിസ്ഥിതി സൗഹൃദപരമായ യാത്രാമാർഗ്ഗങ്ങൾ പ്രോത്സാഹിപ്പിക്കാനുമുള്ള ബി.എം.ടി.സി.യുടെ നിരന്തര പ്രവൃത്തികൾക്കുള്ള അംഗീകാരമായാണ് ഈ പുരസ്കാരം. വിമാനത്താവള സർവീസുകൾ, നൈസ് (NICE) റോഡ് വഴിയുള്ള സർവീസുകൾ, സാങ്കേതികവിദ്യ പ്രയോജനപ്പെടുത്തിയുള്ള യാത്രക്കാരുടെ സേവനങ്ങൾ…

ബെംഗളൂരു: കേരളത്തിൽ നിന്നുള്ള അപകടകരമായ മെഡിക്കൽ മാലിന്യങ്ങളും പ്ലാസ്റ്റിക് മാലിന്യങ്ങളും കർണാടക അതിർത്തിയിൽ അനധികൃതമായി തള്ളിയതായി ഞെട്ടിക്കുന്ന വിവരം പുറത്തുവന്നു. കർണാടകയിലെ ചാമരാജനഗർ ജില്ലയിലുള്ള ഗുണ്ടൽപേട്ട് പട്ടണത്തിലെ ദേശീയപാത-766 ന്റെ വശങ്ങളിലാണ് ഡംപ് ട്രക്കിൽ കൊണ്ടുവന്ന മാലിന്യങ്ങൾ നിക്ഷേപിച്ച ശേഷം ഡ്രൈവർ കടന്നുകളഞ്ഞത്. കേരളത്തിൽ നിന്ന് കർണാടകയിലേക്ക് പോകുന്ന ഒഴിഞ്ഞ ചരക്ക് ലോറികളിൽ ആശുപത്രി മാലിന്യങ്ങൾ നിറച്ച് എത്തിച്ച്, രാത്രിയുടെ മറവിൽ ഹൈവേയുടെ വശങ്ങളിൽ തള്ളുന്നത് പതിവാകുകയാണെന്ന് നാട്ടുകാരും കന്നഡ അനുകൂല സംഘടനകളും ആരോപിക്കുന്നു. ഉപയോഗിച്ച സിറിഞ്ചുകൾ, ഗ്ലൂക്കോസ് കുപ്പികൾ, കോട്ടൺ, ബാൻഡേജുകൾ, ഗുരുതര…

ബെംഗളൂരു : ബെംഗളൂരു റൂറൽ ജില്ലയിലെ കെമ്പെഗൗഡ അന്താരാഷ്ട്ര വിമാനത്താവളത്തിൽ വ്യത്യസ്തമായ രീതിയിൽ യാത്രക്കാരിൽ നിന്ന് പണം തട്ടിയ ഡൽഹി സ്വദേശി പിടിയിൽ. അമിൻ എന്നയാളാണ് വിമാനത്താവളത്തിൽ വെച്ച് സി.ഐ.എസ്.എഫ് ഉദ്യോഗസ്ഥരുടെ പിടിയിലായത്. ബാഗുകളോ പഴ്‌സുകളോ നഷ്ടപ്പെട്ടുവെന്ന് വ്യാജേനെ യാത്രക്കാരുടെ അടുത്തെത്തി സഹായം അഭ്യർത്ഥിക്കുകയും, പണത്തിന് പകരം തന്റെ മൊബൈൽ ഫോണിലെ ക്യു.ആർ. കോഡ് കാണിച്ച് ഡിജിറ്റലായി പണം വാങ്ങി വഞ്ചിക്കുകയുമായിരുന്നു ഇയാളുടെ രീതി. ഈ മാർഗത്തിലൂടെ ഇയാൾ യാത്രക്കാരിൽ നിന്ന് ആയിരക്കണക്കിന് രൂപയാണ് പിരിച്ചെടുത്തത്. വിമാനത്താവളത്തിൽ അമിന്റെ പെരുമാറ്റത്തിൽ സംശയം തോന്നിയ സി.ഐ.എസ്.എഫ്…