Day: 9 August 2026

ബെംഗളൂരു: നഗരത്തിൽ അനധികൃതമായി താമസിക്കുന്ന ബംഗ്ലാദേശി കുടിയേറ്റക്കാരെ കണ്ടെത്താൻ വൈറ്റ്ഫീൽഡ്, ഇലക്ട്രോണിക് സിറ്റി പോലീസ് പരിധികളിൽ വ്യാപക റെയ്ഡ്. ‘ഓപ്പറേഷൻ മുക്ത’ എന്ന് പേരിട്ടിരിക്കുന്ന പ്രത്യേക പരിശോധനയുടെ ഭാഗമായി ഓഗസ്റ്റ് 8 ശനിയാഴ്ച 50-ഓളം കേന്ദ്രങ്ങളിലാണ് പോലീസ് സംഘം റെയ്ഡ് നടത്തിയത്. പരിശോധനയിൽ സംശയാസ്പദമായി കണ്ടെത്തിയ രണ്ടായിരത്തോളം ബംഗ്ലാദേശി പൗരന്മാരെ കസ്റ്റഡിയിലെടുക്കുകയും അവരുടെ രേഖകൾ വിശദമായി പരിശോധിക്കുകയും ചെയ്തുവരികയാണ്. വർത്തൂർ, കടുഗോഡി, മാറത്തഹള്ളി, ബെല്ലന്ദൂർ, ഇലക്ട്രോണിക് സിറ്റി, ബെഗൂർ, ബന്ദേപാളയ തുടങ്ങിയ പ്രദേശങ്ങളിലെ താമസസ്ഥലങ്ങളിലാണ് പ്രധാനമായും പോലീസ് സംഘം റെയ്ഡ് നടത്തിയത്. നൂറിലധികം ഷെഡുകളുള്ള…

ബെംഗളൂരു: നൈസ് (NICE) റോഡ് വഴി സർവീസ് നടത്തുന്ന ബിഎംടിസി ബസുകളിൽ യാത്ര ചെയ്യുന്ന വിദ്യാർത്ഥികൾ ഇനി മുതൽ ടോൾ നിരക്ക് സ്വന്തമായി നൽകണമെന്ന് ബെംഗളൂരു മെട്രോപോളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി). കൈവശം സ്റ്റുഡന്റ്സ് പാസുള്ള വിദ്യാർത്ഥികൾക്ക് ബസ് യാത്ര സൗജന്യമാണെങ്കിലും നൈസ് റോഡിലെ ടോൾ തുക ഇളവിൽ ഉൾപ്പെടില്ലെന്നും അത് യാത്രക്കാർ തന്നെ നൽകണമെന്നുമാണ് ബിഎംടിസി വ്യക്തമാക്കിയത്. നെലമംഗല, ഇലക്ട്രോണിക് സിറ്റി, കെങ്കേരി, മാതവാര, ഹൊസക്കെരഹള്ളി എന്നീ പ്രധാന ഭാഗങ്ങളിൽ നിന്നാണ് നിലവിൽ നൈസ് റോഡ് വഴി ബിഎംടിസിയുടെ വിവിധ ബസ് സർവീസുകൾ…

ബെംഗളൂരു: ഭക്ഷണ വിതരണ പ്ലാറ്റ്‌ഫോമുകളായ സ്വിഗ്ഗിക്കും സൊമാറ്റോയ്ക്കും എതിരെയുള്ള ബഹിഷ്‌കരണ തീരുമാനത്തിൽ നിന്ന് ബംഗളൂരുവിലെ ഹോട്ടൽ ഉടമകൾ താൽക്കാലികമായി പിന്മാറി. ഓഗസ്റ്റ് 31 വരെയാണ് സമരം നീട്ടിവെച്ചിരിക്കുന്നത്. കമ്പനികളുടെ ഉന്നത മേധാവികളുമായി ഹോട്ടൽ അസോസിയേഷൻ ഭാരവാഹികൾ നടത്തിയ ചർച്ചകളെ തുടർന്നാണ് ഈ തീരുമാനം. മുൻപ് പ്രഖ്യാപിച്ചിരുന്ന പ്രകാരം ഓഗസ്റ്റ് 15 മുതൽ സർവീസുകൾ നിർത്തിവെക്കാനായിരുന്നു തീരുമാനിച്ചിരുന്നത്. സി.ഇ.ഒമാരുമായി നിർണായക ചർച്ച സൊമാറ്റോ സി.ഇ.ഒ ആദിത്യ മംഗള, സ്വിഗ്ഗി സി.ഇ.ഒ രോഹിത് കപൂർ എന്നിവരുമായി അസോസിയേഷൻ പ്രതിനിധികൾ നേരിട്ട് കൂടിക്കാഴ്ച നടത്തി. ബാംഗ്ലൂർ ഹോട്ടൽ അസോസിയേഷൻ…

ബെംഗളൂരു: ഐടി നഗരമായ ബെംഗളൂരുവിൽ സോഫ്റ്റ്‌വെയർ ജീവനക്കാരായ രണ്ട് യുവാക്കൾക്ക് നേരെ അതിക്രമം. തീവ്രവാദികളാണോ എന്ന് ചോദിച്ച ശേഷം അജ്ഞാതനായ അക്രമി യുവാക്കളെ ബേസ്ബോൾ ബാറ്റ് ഉപയോഗിച്ച് ക്രൂരമായി മർദ്ദിച്ചു. എച്ച്.എ.എല്ലിന് അടുത്തുള്ള എ.ഇ.സി.എസ് ലേഔട്ടിൽ ഓഗസ്റ്റ് 6-ന് പുലർച്ചെ നാല് മണിയോടെയാണ് സംഭവം നടന്നത്. സോഫ്റ്റ്‌വെയർ എൻജിനീയർമാരായ സന്ദീപ് കുമാർ ഗോണ്ട്, രോഹിത് കുമാർ എന്നിവർക്കാണ് ആക്രമണത്തിൽ പരിക്കേറ്റത്. തിരിച്ചറിയൽ കാർഡ് ചോദിച്ച് ഭീഷണി സംഭവദിവസം പുലർച്ചെ എ.ഇ.സി.എസ് ലേഔട്ടിൽ ഒരു സുഹൃത്തിനെ കാത്തുനിൽക്കുകയായിരുന്നു സന്ദീപും രോഹിതും. ഈ സമയം മഹീന്ദ്ര സ്കോർപിയോ…

ബെംഗളൂരു: തിരുവോണത്തോടനുബന്ധിച്ച് മലയാളി യാത്രക്കാരുടെ തിരക്ക് പരിഹരിക്കുന്നതിനായി കർണാടക ആർടിസി പ്രത്യേക ബസ് സർവീസുകൾ പ്രഖ്യാപിച്ചു. ഓഗസ്റ്റ് 21 മുതൽ 30 വരെയാകും ബെംഗളൂരു, മൈസൂരു എന്നിവിടങ്ങളിൽ നിന്നുള്ള ഓണം സ്പെഷൽ ബസുകൾ സർവീസ് നടത്തുക. ബെംഗളൂരുവിലെ ശാന്തിനഗർ, സാറ്റലൈറ്റ് ബസ് ടെർമിനലുകളിൽ നിന്നാണ് പ്രധാനമായും സ്പെഷൽ സർവീസുകൾ ആരംഭിക്കുന്നത്. കണ്ണൂർ, കോഴിക്കോട്, പാലക്കാട്, തൃശൂർ, എറണാകുളം, കോട്ടയം, തിരുവനന്തപുരം ഉൾപ്പെടെ കേരളത്തിലെ പ്രധാന നഗരങ്ങളിലേക്കും വിവിധ ജില്ലകളിലേക്കുമാണ് കൂടുതൽ ബസുകൾ അനുവദിച്ചിരിക്കുന്നത്. ഓണം പ്രമാണിച്ച് നാട്ടിലേക്ക് പോകുന്നവർക്കും തിരികെ വരുന്നവർക്കും ഒരുപോലെ ഉപകാരപ്രദമാകുന്ന…