Day: 9 November 2025

ബെംഗളൂരു: ബെംഗളൂരുവിൽ നിന്നുള്ള ഒരു ടെക്കി തന്റെ ഓഹരി വിപണി നിക്ഷേപത്തിന്റെ ലാഭനഷ്ടം അറിയാൻ ഒരു സവിശേഷ രീതി സ്വീകരിച്ചിരിക്കുകയാണ് . കിടപ്പുമുറിയിൽ ഇരുന്നുകൊണ്ട് തന്നെ, വെളിച്ചത്തിലൂടെ ഓഹരി വിപണി നിക്ഷേപത്തിന്റെ നില അറിയാൻ കഴിയും. അത് സാധ്യമാണോ എന്ന ചോദ്യത്തിനുള്ള ഉത്തരം ഇതാ. പങ്കജ് തന്റെ എക്സ് അക്കൗണ്ടിൽ ഈ സവിശേഷ രീതിയുടെ ഫോട്ടോകൾ പങ്കിട്ടു. “എന്റെ സീറോദ സ്റ്റോക്ക് പോർട്ട്‌ഫോളിയോയുടെ ലാഭ നഷ്ടങ്ങൾ ഇപ്പോൾ എന്റെ കിടപ്പുമുറിയിലെ ലൈറ്റുകളിലൂടെ മനസിലാക്കാൻ സാധിക്കും. എനിക്ക് പണം നഷ്ടപ്പെടുമ്പോൾ അത് ചുവപ്പായി മാറും എന്നും”…

ബെംഗളൂരു: പോലീസ് പിടിച്ചെടുത്ത് ഒരു മാസമായി പോലീസ് സ്റ്റേഷനിൽ പാർക്ക് ചെയ്തിരുന്ന കാറിൽ നിന്ന് ലക്ഷക്കണക്കിന് രൂപയുടെ പണവും സ്വർണ്ണവും വെള്ളിയും കണ്ടെത്തി . മോഷണ കേസിലെ പ്രതി രക്ഷപ്പെടാൻ ഉപയോഗിച്ച കാർ പോലീസ് പിടിച്ചെടുത്തത്. എന്നാൽ, ഇപ്പോൾ കാർ വിട്ടുകൊടുക്കാൻ കോടതി ഉത്തരവിട്ടു. കാർ പരിശോധിക്കുന്നതിനിടെയാണ് പണവും സ്വർണ്ണവും വെള്ളിയും ഇതിൽ നിന്നും കണ്ടെത്തിയത്. പരിശോധനയിൽ കാർ സീറ്റിനടിയിൽ നിന്ന് 595 ഗ്രാം സ്വർണ്ണവും 589 ഗ്രാം വെള്ളിയും 3,41,150 രൂപയും കണ്ടെത്തി. പിടിച്ചെടുത്ത പണത്തിന്റെയും വസ്തുക്കളുടെയും മൂല്യം ഒരു കോടിയിലധികം വരുമെന്ന്…

ബെംഗളൂരു : കരിമ്പ് ടണ്ണിന് 3,500 രൂപ വെച്ച് നൽകണമെന്ന് ആവശ്യപ്പെട്ട് ബെൽഗാം ജില്ലയിലെ കർഷകർ നടത്തുന്ന പ്രതിഷേധം വെള്ളിയാഴ്ച 9-ാം ദിവസമായി തുടർന്നു. ബെൽഗാമിൽ മാത്രമല്ല, ബാഗൽകോട്ടിലെയും വിജയപുരയിലെയും കർഷകർ സംസ്ഥാന സർക്കാരിനെതിരെ പ്രതിഷേധവുമായി തെരുവിലിറങ്ങി. ബെൽഗാം ജില്ലയിലെ ഹുക്കേരി താലൂക്കിലെ ഹട്ടരാഗി ടോൾ ഗേറ്റിന് സമീപം പ്രതിഷേധക്കാർ ദേശീയ പാത ഉപരോധിക്കുകയും രോഷം പ്രകടിപ്പിക്കുകയും ചെയ്തു. സ്ഥിതിഗതികൾ നിയന്ത്രിക്കാൻ പോലീസ് ലാത്തിചാർജ് നടത്തി. എന്നിരുന്നാലും, പ്രതിഷേധക്കാർ പ്രതിഷേധ സ്ഥലം വിട്ട ശേഷം പോലീസിനെ മൂന്ന് കിലോമീറ്ററോളം പിന്തുടർന്ന് അവർക്ക് നേരെ കല്ലെറിഞ്ഞു.…

ബെംഗളൂരു : കർണാടകത്തിൽ അധികാരമാറ്റം വൈകുമെന്നും തത്കാലം മുഖ്യമന്ത്രിസ്ഥാനത്ത് സിദ്ധരാമയ്യതന്നെ തുടരുമെന്നും കോൺഗ്രസ് വൃത്തങ്ങൾ. സർക്കാർ രണ്ടരവർഷം പൂർത്തിയാക്കുന്നതിനാൽ മുൻധാരണപ്രകാരം ഈമാസം സിദ്ധരാമയ്യ മുഖ്യമന്ത്രിസ്ഥാനം ഒഴിയണമെന്നായിരുന്നു ഡി.കെ. ശിവകുമാർ പക്ഷത്തിന്റെ ആവശ്യം. എന്നാൽ, ശിവകുമാർ മുഖ്യമന്ത്രിയാകുന്നത് തടയാൻ ദളിത് മുഖ്യമന്ത്രി എന്ന മുദ്രാവാക്യവുമായി കോൺഗ്രസിനുള്ളിൽത്തന്നെ പടയൊരുക്കമാരംഭിച്ചതോടെ അധികാരമാറ്റം വൈകിപ്പിക്കാൻ ദേശീയനേതൃത്വം തീരുമാനിക്കുകയായിരുന്നു. ‘നവംബർ വിപ്ലവം’ എന്ന്‌ വിശേഷിപ്പിക്കപ്പെട്ടിരുന്ന ഇത്‌ ഉടനില്ലെന്ന സൂചനയാണ് ശിവകുമാർ പക്ഷവും നൽകുന്നത്. വിപ്ലവം നടക്കാൻപോകുന്നത് 2028 നിയമസഭാ തിരഞ്ഞെടുപ്പിൽ വിജയിച്ച് കോൺഗ്രസ് വീണ്ടും അധികാരത്തിലെത്തുമ്പോഴാണെന്നായിരുന്നു കഴിഞ്ഞദിവസം ശിവകുമാർ പ്രതികരിച്ചത്. സംസ്ഥാനത്ത്…

ബെംഗളൂരു : നഗരത്തിലെ റോഡുകളിൽ മഴക്കാലത്ത് രൂപപ്പെട്ട കുഴികളിൽ 95 ശതമാനവും നികത്തിക്കഴിഞ്ഞതായി ഗ്രേറ്റർ ബെംഗളൂരു അതോറിറ്റി (ജിബിഎ). 18,000 കുഴികൾ നികത്തിക്കഴിഞ്ഞതായി ജിബിഎ കമ്മിഷണർ എം. മഹേശ്വർ റാവു പറഞ്ഞു. ബാക്കിയുള്ളവ ഏതാനും ദിവസത്തിനുള്ളിൽ നികത്തുമെന്നും അറിയിച്ചു. നഗരത്തിലെ റോഡുകൾ തകർന്നു കിടക്കുന്നത് വലിയചർച്ചയായിരുന്നു. സർക്കാരിന് വലിയ പഴികേൾക്കാൻ ഇതിടയാക്കുകയും ചെയ്തു. ബയോകോൺ ചെയർപേഴ്‌സൺ കിരൺ മജുംദാർ ഷായെപ്പോലുള്ള നഗരത്തിലെ വലിയ വ്യവസായികൾ ഉൾപ്പെടെ സർക്കാരിനെ കുറ്റപ്പെടുത്തി രംഗത്തെത്തി. ഇതോടെ ബെംഗളൂരു വികസനത്തിന്റെ ചുമതലയുള്ള ഉപമുഖ്യമന്ത്രി ഡി.കെ. ശിവകുമാർ ഇടപെട്ട് കുഴിനികത്തൽ വേഗത്തിലാക്കിയത്.…

ബെംഗളൂരു: ബെംഗളൂരുവിലെ പരപ്പന അഗ്രഹാര സെൻട്രൽ ജയിലിൽ തടവുപുള്ളികൾ ടിവി കാണുകയും മൊബൈൽ ഫോണിൽ സംസാരിക്കുകയും ചെയ്യുന്നതിന്റെ ദൃശ്യങ്ങൾ സാമൂഹികമാധ്യമങ്ങളിൽ. ബലാത്സംഗക്കേസിൽ ശിക്ഷിക്കപ്പെട്ട കുറ്റവാളിയടക്കം ജയിലിനകത്ത് അനധികൃതമായി സുഖസൗകര്യങ്ങൾ അനുഭവിക്കുന്നതിന്റെ ദൃശ്യങ്ങളാണ് പ്രചരിച്ചത്. ജയിലധികൃതർക്കുനേരേ ഗുരുതര ആരോപണങ്ങൾ ഉയരാനിടയാക്കുന്ന ദൃശ്യങ്ങളാണ് പുറത്തുവന്നത്. ഇത് ചർച്ചയായതോടെ ജയിൽ അധികൃതർ അന്വേഷണം ആരംഭിച്ചു. ആഭ്യന്തരഅന്വേഷണമാണ് തുടങ്ങിയതെന്നും ഉത്തരവാദികളുടെ പേരിൽ നടപടിയെടുക്കുമെന്നും ഉദ്യോഗസ്ഥർ പറഞ്ഞു.