Year: 2023

ബെംഗളൂരു: ബെംഗളൂരുവിൽ നിന്നും വിജയപുരയിലേക്ക് പോവുകയായിരുന്ന സ്വകാര്യ സ്ലീപ്പർ ബസിൻ്റെ ടയർ പൊട്ടിത്തെറിച്ച് തീപിടിച്ചു. ഓടിക്കൊണ്ടിരിക്കെയാണ് ബസിന്റെ ടയർ പൊട്ടിത്തെറിച്ചത് തുടർന്ന് തീ ബസിലേക്കും പടരുകയായിരുന്നു. ഇന്ന് പുലർച്ചെ വിജയപുരയില്‍ ദേശീയ പാത 50-ൽ ഹിറ്റ്നെല്ലിക്ക് സമീപത്ത് വെച്ച് ജനതാ ബസാണ് അപകടത്തിൽപ്പെട്ടത്. യാത്രക്കാരെ പെട്ടെന്ന് തന്നെ ബസിൽ നിന്നിറക്കിയതിനാൽ വൻ ദുരന്തം ഒഴിവായി. ആളപായമൊന്നും റിപ്പോർട്ട് ചെയ്തിട്ടില്ല വിജയപുര റൂറൽ പോലീസ്, ഫയർ ഫോഴ്സ് എന്നിവരെത്തിയാണ് തീയണച്ചത്. അതേസമയം  ആളുകൾക്ക് അപകടമൊന്നും ഉണ്ടായില്ലെങ്കിലും യാത്രക്കാരുടെ ലഗേജുകൾ,ഉൾപ്പെടെയുള്ള വിലപ്പെട്ട സാധനങ്ങൾ എല്ലാം കത്തിനശിച്ചു കത്തിനശിച്ചു.

ബെംഗളൂരു : മദ്യവില വിലവർധിപ്പിച്ച് അഞ്ചുമാസം ആകുന്നതിനിടെ വീണ്ടും വില കൂട്ടാൻ ഒരുങ്ങി സംസ്ഥാന സർക്കാർ. വിവിധ ബ്രാൻഡുകൾക്ക് 20 മുതൽ 40 രൂപവരെയാണ് വർധന. ഏറ്റവും വിൽപ്പനയുള്ള ബ്രാൻഡുകൾക്ക് 20 മുതൽ 30 രൂപവരെ വർധനയുണ്ട്. പ്രീമിയം ബ്രാൻഡുകൾക്ക് 40 രൂപവരെ വർധിപ്പിക്കും. മദ്യവില വർധനവിലൂടെ ആയിരംകോടി അധികവരുമാനം കണ്ടെത്താനാണ് സർക്കാർ ലക്ഷ്യമിടുന്നത്. ജനുവരി ഒന്നുമുതലാണ് മദ്യവില കൂട്ടാനാണ് സർക്കാരിന്റെ തീരുമാനം. ഇതുസംബന്ധിച്ച നിർദേശം മദ്യനിർമാണ കമ്പനികൾക്ക് നൽകിയതായി എക്‌സൈസ് വകുപ്പ് അധികൃതർ അറിയിച്ചു.