ബെംഗളൂരു: നമ്മ മെട്രോയുടെ കെങ്കേരി-ചല്ലഘട്ട പാതയുടെ ലോഞ്ച് വൈകുമെന്ന് റിപ്പോർട്ട്. മെട്രോയുടെ പർപ്പിൾ ലൈൻ വെള്ളിയാഴ്ചയോടെ പൂർണതോതിൽ പ്രവർത്തനക്ഷമമാക്കാനാണ് സജ്ജീകരിച്ചിരുന്നത്.
അതേസമയം സതേൺ സർക്കിളിലെ മെട്രോ റെയിൽ സേഫ്റ്റി (സിഎംആർഎസ്) കമ്മിഷണർക്ക് അടുത്തിടെ നിർമിച്ച റീച്ചുകളുടെ സുരക്ഷാ പരിശോധന നടത്താൻ കഴിയാത്തതിനാൽ കെങ്കേരി-ചല്ലഘട്ട പാതയുടെ ലോഞ്ച് വൈകാൻ സാധ്യതയുണ്ടെന്ന് റിപ്പോർട്ടുകൾ.
പരിശോധനകൾ വെള്ളിയാഴ്ച നടത്താൻ നേരത്തെ നിശ്ചയിച്ചിരുന്നെങ്കിലും, കെആർ പുരം മുതൽ ബൈയപ്പനഹള്ളി വരെയുള്ള ഭാഗത്തേക്ക് കുറഞ്ഞത് സെപ്റ്റംബർ 21 വരെ സിഎംആർഎസ് മാറ്റിവച്ചതായി മാധ്യമങ്ങൾ റിപ്പോർട്ട് ചെയ്തു.
പർപ്പിൾ ലൈനിലെ ദീർഘനാളായി കാത്തിരിക്കുന്ന സ്ട്രെച്ച് അതിനുശേഷം മാത്രമേ പ്രവർത്തനമാരംഭിക്കുകയുള്ളു.
ഇത് ലൈനിന്റെ ലോഞ്ച് തീയതി ഒക്ടോബർ വരെ നീട്ടിയേക്കാം. സെപ്തംബർ 21-ന് കെആർ പുരം – ബൈയപ്പനഹള്ളി പാതയിൽ സിഎംആർഎസ് സന്ദർശനം നടത്തുമെന്ന് പ്രതീക്ഷിക്കുന്നത്.
കെആർ പുരം-ബൈയപ്പനഹള്ളി പാതയ്ക്കൊപ്പം രണ്ട് കിലോമീറ്ററോളം നീളമുള്ള കെങ്കേരി പാത പൊതുജനങ്ങൾക്കായി ആരംഭിക്കുമെന്ന് ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡിലെ (ബിഎംആർസിഎൽ) ഉദ്യോഗസ്ഥർ അറിയിച്ചു.
ഇതുവരെ, ഉദ്യോഗസ്ഥർ ലോഞ്ച് തീയതി പുറത്തുവിട്ടിട്ടില്ല, ലോഞ്ച് പൂർത്തിയായാൽ മുഴുവൻ പർപ്പിൾ ലൈനും തുറക്കും, ഇതോടെ കർണാടക തലസ്ഥാനത്തെ നിവാസികൾക്ക് യാത്രാമാർഗ്ഗം വളരെ എളുപ്പവുമാകും. വിപുലീകരിച്ച പർപ്പിൾ ലൈൻ ഇതുവരെയുള്ള എല്ലാ സുരക്ഷാ പരിശോധനകളും വിജയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
