ബെംഗളൂരു: യുവതിയുടെ മാല പൊട്ടിച്ചെടുത്തത്തിന്റെ ഭാഗം മോഷ്ടാവിന്റെ വയറ്റിൽ നിന്ന് കണ്ടെത്തി.
ഇന്നലെ നഗരത്തിലെ കെ.ആർ. മാർക്കറ്റിലാണ് സിനിമയെ വെല്ലുന്ന സംഭവം അരങ്ങേറിയത്. മാർക്കറ്റിൽ സാധനങ്ങൾ വാങ്ങാനെത്തിയ ഹേമ എന്ന യുവതിയുടെ മാലയാണ് വിജയ് (20) എന്ന തസ്ക്കരൻ പൊട്ടിച്ചെടുത്തത്.
രാത്രി എട്ടരയോടെയാണ് മൂന്നോളം പേർ ചേർന്ന് ഹേമയെ തടഞ്ഞു നിർത്തി മാലപൊട്ടിക്കാൻ ശ്രമിച്ചത്. വിജയ് മാലപൊട്ടിക്കുന്നതിനിടയിൽ യുവതി മാലയിൽ പിടിച്ചു തടയാൻ ശ്രമിച്ചു. തുടർന്നുണ്ടായ പിടിവലിക്കിടെ പൊട്ടിയ മാലയുടെ ഒരുഭാഗം ഹേമയുടെ കൈയിലും ബാക്കി ഭാഗം വിജയിയുടെ കയ്യിലുമായി. ഹേമ ബഹളം വെച്ചത്തിനെ തുടർന്ന് ആളുകൾ കൂടിയതോടെ വിജയ്യുടെ കൂട്ടാളികൾ ഓടി രക്ഷപ്പെട്ടിരുന്നു.
നാട്ടുകാർ ഇയാളെ പോലീസിന് കൈമാറി. മാല തന്റെ കൈയിലില്ലെന്ന് വിജയ് പോലീസിനോട് പറഞ്ഞെങ്കിലും വിഴുങ്ങുന്നത് കണ്ടെന്ന് ദൃക്സാക്ഷികളിൽ ഒരാൾ പോലീസിന് മൊഴി നൽകി. തുടർന്ന്, ആശുപത്രിയിലെത്തിച്ചു എക്സ്റേ എടുത്തപ്പോൾ വയറ്റിൽ മാലയുടെ ഭാഗം കണ്ടെത്തി. 7.5 ഗ്രാം സ്വർണമാണ് വിജയ് വിഴുങ്ങിയത്. പഴങ്ങളും എനിമയും കൊടുത്ത് ഡോക്ടർമാർ മാല പുറത്തെത്തിച്ചു.വിജയിയുടെ കൂട്ടാളിയായ സഞ്ജയ്യേയും പോലീസ് അറസ്റ്റ് ചെയ്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
