ബെംഗളൂരു : കന്നഡ സൂപ്പർ താരം ,റിബൽ സ്റ്റാർ അംബരീഷ് (66)നിര്യാതനായി. ഇന്ന് വൈകുന്നേരം 9:30 ന്കന്റോൺമെന്റിന് സമീപമുള്ള വിക്രം ഹോസ്പിറ്റലിൽ എത്തിക്കുന്നതിന് മുൻപേ മരണം സ്ഥിരീകരിക്കുകയായിരുന്നു.
കഴിഞ്ഞ ആറ് മാസമായി ശ്വാസകോശ സംബന്ധമായ അസുഖങ്ങൾ കൊണ്ട് ഉണ്ടായിരുന്നു, വീട്ടിൽ വച്ച് ഹൃദയാഘാതം സംഭവിച്ചതിനാൽ വിക്രം ആശുപത്രിയിലേക്ക് കൊണ്ടു വരികയായിരുന്നു.
വിവിധ ഭാഷകളിലായി 208 സിനിമകളിൽ അഭിനയിച്ചിട്ടുണ്ട്.
1970-കളില്‍ തുടര്‍ച്ചയായി ഹിറ്റുകള്‍ സൃഷ്ടിച്ചു കൊണ്ടാണ് അംബരീഷ് കന്നഡ സിനിമയില്‍ തരംഗം സൃഷ്ടിക്കുന്നത്. അംബി എന്ന ഓമനപ്പേരില്‍ അറിയപ്പെട്ടിരുന്ന അദ്ദേഹത്തെ റിബല്‍ സ്റ്റാര്‍ എന്നായിരുന്നു ആരാധകര്‍ വിശേഷിപ്പിച്ചത്.
1994-ല്‍ കോണ്‍ഗ്രസില്‍ ചേര്‍ന്ന് രാഷ്ട്രീയ പ്രവര്‍ത്തനം ആരംഭിച്ച അംബരീഷ് പാര്‍ട്ടി സീറ്റ് നീഷേധിച്ചതിനെ തുടര്‍ന്ന് 96-ല്‍ കോണ്‍ഗ്രസ് ജനതാദളില്‍ ചേര്‍ന്നു. 1998-ലെ പൊതുതിരഞ്ഞെടുപ്പില്‍ കര്‍ണാടകയിലെ മാണ്ഡ്യയില്‍ മത്സരിച്ച അദ്ദേഹം. രണ്ട് ലക്ഷത്തിനടുത്ത് വോട്ടുകളുടെ ഭൂരിപക്ഷത്തിനാണ് കോണ്‍ഗ്രസ് സ്ഥാനാര്‍ത്ഥിയെ തോല്‍പിച്ചത്.
മലയാളികൾക്ക് കൂടി സുപരിചിതയായ സിനിമാ നടി സുമലതയാണ് ഭാര്യ, ഒരു മകനുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
